Mpiin 29:25 - Uwumbɔr aagbaŋ

²⁵ Naah woln kichakpiik ni na, le Jakob bee ke ni ye Lea le u ni u fe kpaan kinyeek na. Le u buen Labann chee ki ti bui u ke, “Ba ŋa aa ŋa mi kina? M nan choon si ki ban Rachel la. Ba ŋa aa ŋmann mi?”

Mpiin 29:25 Iomraidhean Croise

Mpiin 12:18

Iween aah lir ubɔr ni udo yaab pu na, le u tun ki ti yin ni Abram, le ki nan baa u ke, “Ba ŋa aa ŋa mi kina? Ba ŋa saa tuk mi mbamɔn ke u ye aapuu la?

Mpiin 20:9

Le Abimelek yin ni Abraham le ki nan baa u ke, “Ba ŋa aa ŋa timi kina? M ŋa si ba aataani aan aa tɔŋ timi ke ti tun titunwanbir aan tibɔbir lir m ni maanib pu? Saah ŋa mi pu na, naa ŋan ke unii ŋa kina.

Mpiin 26:10

Le Abimelek baa ke, “Ba ŋa aa ŋa timi kina? Saah nan len pu na, maanib ponn ni ubaa yaa ba doon u chee kan, titunwanbir ngbaan ba ga li ye saataani la.”

Mpiin 29:16

Labann nan kpa bisatiib bilee, bi nan yin upol ke Lea, ki yin uwaatiir ke Rachel.

Mpiin 29:24

Labann nan di waanaagbiipiibo Silpa di tii ubisal Lea, u li tun waatuln.

Mpiin 29:26

Le Labann nan bui u ke, “Ni ye timi aakaal le ke see ti pue di upiibopol tii tichal, le ki nin paan uwaatiir.

Mpiin 31:26

Le Labann baa Jakob ke, “Ba ŋa aa ŋmann mi, ki yoor mbisatiib ke saah ton butɔb le ki gaa bi na?

Mpiin 31:7

Le n‑yoonn pam, u jin mi pem pem ki kpeln waah ba ga pa mi pu na nfum kipiik pu. Uwumbɔr mu aa kii ke u bii mi.

Ŋiyataŋak 11:31

Bininyaam kani baapar dulnyaa ni do la, kina pu na, li nyi gbin gbin ke mbiindam ni titunwanbirdam ga kan ntafadaan.

Matiu 7:12

“Nima pu na, naah ban ke binib li ŋani nimi pu na mɔmɔk, ni mu li ŋani bi kina. Uwumbɔr aakaal ni waabɔnabr aabɔr le mɔk kina.”

Matiu 7:2

Naah galni binib pu na, Uwumbɔr mu ga galn nimi kina la. Naah tii binib pu na, Uwumbɔr mu ga giin kina le ki tii nimi.

Jɔnn 21:17

le ki ki baa u taataa, “Simonn, Jɔnn aajapɔɔn, aa gee mi ii?” Le Simonn Piita aasui bii; ba pu? u nan baa u nfum mutaa mɔk, “Aa gee mi ii?” Le u bui u, “Ndindaan, aa nyi tiwan mɔmɔk. Aa nyi ke m gee si.” Le Yesu bui u, “Kpiin maapiih.

1 Korenti 3:13

Binib mɔmɔk aatuln ga nan nya mpaan pu. Bundaln Uwumbɔr ga ji binib tibɔr na, liyaadaal ngbaan ga mɔk baatuln aah ye pu na. Liyaadaal ngbaan mmii aataak daal le na. Mmii ngbaan ga tɔŋ lik binib mɔmɔk aatuln aah bi pu na.

Tibɔkpiirkaan 3:19

Maah gee binib bimɔk na, m sur bi ki dar bitafal. Nima pu na, cha ninimbil li man aan ni kpeln nimi aabimbin man.

Bibɔjirb 1:7

Le Adoni Besek bui ke, “Bibɔrb imonko itaa ni kipiik bi aaŋanbijam ni bitaaŋanbijam geei na, nan peei ŋijikaabol maasambil taab. Maah nan ŋa bi pu na, le Uwumbɔr di ŋa mi din na.” Bi nan di u buen Jerusalem aatiŋ ni, le u ti kpo nima.

Ruf Aagbaŋ 4:11

Biyidam ngbaan ni bimɔk nan bi nima na, nan bui ke, “Mbamɔn, ti ye biseeraadam. Uwumbɔr cha aapuu ngbaan ŋa ke Rachel ni Lea bi nan maa Jakob lidichal na. U tii si likpal Efraf aamaal ni, ki cha Betlehem aanib mɔmɔk li nyi si.

1 Samuel 28:12

Upii ngbaan aah kan Samuel na, le u faa nkuun ki baa Sɔɔl ke, “Ba ŋa aa ŋmann mi? Sin Ubɔr Sɔɔl ye.”