Mpiin 29:2 - Uwumbɔr aagbaŋ

² Waah cha na, le u ti kpaan nyan nnyunbun mubaa pu, le ki kan ipiih ŋiker ŋitaa pu dɔ mann goln nnyunbun ngbaan. Bipihkpaab bi nan joo ipiih ngbaan na nan lu nnyunbun ngbaan aanyun le tii ipiih ngbaan le i nyu, le bi nan di litakpasakpeln libaa di biin nnyunbun ngbaan aamɔb.

Mpiin 29:2 Iomraidhean Croise

Mpiin 24:10

Unaagbiijapol u nan joo Abraham aawan mɔmɔk na nan nyan waaninkpel Abraham aalaakumii kipiik, ni tiwan pam, le ki buen Abraham aanaal Nahor aah bi kitiŋ ki na ni, ki bi Mesopotamia aatiŋ aaŋangan wɔb la.

Mpiin 24:11

Waah ti fuu nima na, le u nan cha laakumii tiib ngbaan doon kitiŋ, nnyunbun mubaa chee, kitiŋ ngbaan aagbaan. Ni nan ye kijook wɔb, buyoonn bipiib chaa ikpen bi ti lu nnyun na.

Mpiin 24:13

M bi nnyunbun mu chee kitiŋ kee aasapɔm ga dan, ke bi nan lu nnyun na.

Mpiin 29:3

Bipihkpaab ngbaan mɔmɔk yaa nan ti joo ni baapiih kan, le bi chuu biln litakpal ngbaan le ki lu nnyun tii i, le ki ki giin litakpal na di biin mu pu.

Ilahn 23:2

U tii mi lifuur timosɔnn aah bi nin chee na, ki mɔk mi uyayak aanyun mu soon na chee.

Aisaya 49:10

nkon ni nnyunyuu aan ki chuu bi. Le nwiin, ni nteersakpiin pu aatotoŋ aan ki see bi, ba pu? u gee bi na le ga li joo bi. U ga mɔk bi uyayak aanyunbun chee.

Jɔnn 4:14

Unii umɔk nyun maah ga tii u nnyun mu na, nnyunyuu aan ki chuu u. Maah ga tii u nnyun mu na, mu ga li ye nnyunbun mu bu u ponn ni kaan foor na, mu ga tii u limɔfal li kaa kpa ndoon na.”

Jɔnn 4:6

Jakob aanyunbun mu bi nima chee. Le Yesu aah chuun na, u bak a. Nima le u kal nnyunbun ngbaan aamɔgbeln pu. Nwiin nan bi kaasisik ni.

Tibɔkpiirkaan 7:17

ba pu? Upihbo u bi Uwumbɔr aabɔrjal aakaasisik ni na le ga kpiin bi, ki ga mɔk bi uyayak aanyun mu ga tii bi limɔfal na chee. Uwumbɔr ga per binimbil tinyunyunn mɔmɔk.”

Bibɔjirb 5:11

Li pel man, kinipaak aafuuk ki bi ŋibun chee na; bi len Uwumbɔr aanyaŋ aabɔr la, bi bi len Israel aanib aanyaŋ pu la. Le Uwumbɔr aanib chɔr nyan baatim ni.