Mpiin 29:17 - Uwumbɔr aagbaŋ

¹⁷ Lea aanimbil nan ŋan pam, Rachel mu nan tee ŋan sakpen ki jer u.

Mpiin 29:17 Iomraidhean Croise

Mpiin 12:11

Baah nan ban bi koo Ijipt aatiŋ ni na, le Abram bui upuu Sarai ke, “Aa ye upii u ŋan na la.

Mpiin 12:14

Baah ti fuu Ijipt na, Ijipt yaab nan sil kan ke Abram aapuu Sarai ŋan pam.

Mpiin 24:16

U nan ye upiibo u ŋan sakpen na la, le ki mu aa kee nyi uja. U nan lun nnyun le ki gir cha.

Mpiin 26:7

Bijab bi nan bi Gerar aatiŋ ni na aah nan baa u upuu aabɔr na, le u nan bui bi ke u ye uninkpan la. Waa kii ke u bui bi ke upuu le na; ba pu? u nan san ijawaan ki dak ke bi yaa bee ke upuu ye kan, bi ga ku u, ki yoor upuu Rebeka, waanyaan pu.

Mpiin 29:16

Labann nan kpa bisatiib bilee, bi nan yin upol ke Lea, ki yin uwaatiir ke Rachel.

Mpiin 29:18

Jakob nan gee Rachel sakpen, nima pu le u bui ke, “Aa yaa ga di Rachel tii mi kan, m ga tun lituln ki ti saa ŋibin ŋilole tii si.”

Mpiin 29:30

Jakob nan ki yoor Rachel mu u li ye upuu, le u nan gee u ki jer Lea. Rachel pu na, u nan ki tun lituln ki ti saa ŋibin ŋilole ki tii Labann.

Mpiin 30:22

Tɔ, Uwumbɔr aa ki suln Rachel aabɔr, u nan ŋun waameel le ki cha ni ŋaŋ u chee, le u ma mbim.

Mpiin 35:24

Rachel aabijabim mu le nan ye Josef ni Benjaminn.

Mpiin 39:6

Nima le cha Potifa di waawan mɔmɔk ki di ŋa Josef aaŋaal ni, ki kan lifuur, kaa ki tun nibaa see waah ji tijikaar ti na baanja. Josef nan muun ki kpa tiwon le ki ŋan mu,

Mpiin 48:7

Aana Rachel pu le m bi ŋani kina. U nan kpo Kanaann aatiŋ ni, naa daa Efraf chee, n‑yoonn mu m nan nyan Mesopotamia aatiŋ ni na. Le ni bii nsui pam. M di u sub Efraf aatiŋ aasan chee la.” Dandana wee bi yin Efraf aatiŋ ngbaan ke Betlehem la.

Ŋiyataŋak 31:30

Ibɔnyɔk ŋmanni, le kinyaan mu door, le upii u san Uwumbɔr ijawaan na ma kpa kipak.

Jeremia 31:15

Uwumbɔr bui ke, “Bi ŋun kifuuk Rama aatiŋ ni, ki ye ikpowiil aafuuk la. Rachel le wii waabim pu; bi mɔmɔk kpo a, le ubaa aa ŋmaa sɔŋ usui.

Matiu 2:18

“Bi ŋun kifuuk Rama aatiŋ ni, ki ye ikpowiil aafuuk la. Rachel le wii waabim pu, bi mɔmɔk kpo a, le ubaa aan ŋmaa sɔŋ usui.”

1 Samuel 10:2

aa yaa nyan m chee do din ki cha kan, aa ga ti kan bijab bilee bibaa Rachel aakaakul chee, Selsa aatiŋ ni, ki bi Benjaminn aatiŋ ni na. Bi ga bui si ke saah nan bi ban ibon i na, bi kan i a, le aate aa ki dak i pu, ki gur dak sin pu la, le ki baa n‑yoonn mɔmɔk ke, ‘M ga ŋa maabo aabɔr tee kinye?’