Mpiin 29:1 - Uwumbɔr aagbaŋ

¹ Jakob nan fii Betel aatiŋ ni, le ki nab waasachuln pu ki cha liwipuul wɔb.

Mpiin 29:1 Iomraidhean Croise

Mpiin 24:10

Unaagbiijapol u nan joo Abraham aawan mɔmɔk na nan nyan waaninkpel Abraham aalaakumii kipiik, ni tiwan pam, le ki buen Abraham aanaal Nahor aah bi kitiŋ ki na ni, ki bi Mesopotamia aatiŋ aaŋangan wɔb la.

Mpiin 25:20

Aisak nan ye ŋibin imonko ilee le ki yoor upuu Rebeka u nan ye Betuel aabisal na. Betuel nan ye Aram aatiŋ aanii, kitiŋ ki bi Mesopotamia ni na. Rebeka nan ye Labann aaninkpan la.

Mpiin 25:6

Waah nan laa beenin fu na, u nan ki di ngem mu tii upuutiib biken aah nan ma mbim mu tii u na mu. U nan yakr ujapɔtiib ngbaan di buen liwipuul wɔb aatiŋ kibaa ni, ki cha ujapɔɔn Aisak.

Mpiin 35:1

Uwumbɔr nan bui Jakob ke, “Li cha Betel aatiŋ ni, ki ti li bi nima. Aa maa kitork aabimbiln nima chee ki tii mi Uwumbɔr u nan dan aa chee buyoonn aa nan san aakpel Esɔ chee na.”

Mpiin 35:7

Le u maa kitork aabimbiln nima chee, le ki yin kitiŋ ngbaan ke Betel Aawumbɔr; ba pu? Uwumbɔr nan di ubaa mɔk Jakob nima chee, n‑yoonn mu u nan san ukpel chee na.

1 Bibɔrb 4:30

Solomonn nan kpa nlan jer liwipuul wɔb aalandam, ni Ijipt aalandam.

Ilahn 119:32

M ga di lineen kii saakaal, ba pu? aa ga cha m moo bee yaatataa.

Ilahn 119:60

M kii saakaal kaan taan kpala.

Ulandaan 9:7

Li ji saajikaar ki li kpa mpopiin; nyu saadaan ki cha aasui li piin. Ni ŋan Uwumbɔr chee.

Hosea 12:12

Tiyaaja Jakob nan san le ki buen Mesopotamia; nima chee, le u nan ti tun lituln tii uja uken ki kpaa waapiih, ke u tii u usapɔɔn.

Nkahm 23:7

Balaam aah nan nabr tibɔr ti na sɔ: “Moab yaab aabɔr u bi yin u ke Balak na le yin ni mi Siria yaab aabɔr aatiŋ ki bi ŋijoo ŋi bi liwipuul wɔb na ni. U bui ke, ‘Dan nan len tibɔr tii mi. Puun lii Israel yaab pu.’

Bibɔjirb 6:3

Israel aanib yaa ti bun tijikaar na, le Midiann yaab, ni Amalek yaab, ni ŋinibol ŋi bi nteersakpiin ni na, ga dan ki nan tak bi.

Bibɔjirb 6:33

Tɔ, Midiann yaab, ni Amalek yaab, ni ŋinibol ŋi bi nteersakpiin ni na nan kuun, ki puur Jɔɔdann Aamɔɔl, le ki ti kuun kal Jesreel Aafataŋ ni.

Bibɔjirb 7:12

Midiann yaab, ni Amalek yaab, ni ŋinibol ŋi bi nteersakpiin ni na aajab nan yaa gaa kifataŋ ngbaan ni ke itoon na, le baalaakumii tiib nan wiir ke limɔɔtambol li dɔ nnyusakpem aagbaan na.

Bibɔjirb 8:10

Seba, ni Salmuna, ni baajab nan bi Karkor aatiŋ ni la. Ŋinibol ŋi bi nteersakpiin ni aajab mɔmɔk ni, bijab ŋichur kipiik ni ŋiŋmu le nan gur; bijab ŋichur nkub ni moninko nan bee butɔb ni.