Mpiin 28:22 - Uwumbɔr aagbaŋ

²² Litakpal li m di ŋum do ke m li joo teer saabɔr na ga li ye nin chee m ga li dooni si na, le saah ga tii mi tiwan ni na mɔmɔk, m ga nyan nibaabaa kipiik mɔk ponn ni ki giin tii si.”

Mpiin 28:22 Iomraidhean Croise

Mpiin 12:8

Nimina aapuwɔb, le u ki fii ki buen ŋŋangii wɔb, ki ti fuu ŋijoo aatiŋ ki bi Betel aawipuul wɔb na, ki kal Betel ni Ai aakaasisik ni. Betel nan bi liwilir wɔb, Ai mu nan bi liwipuul wɔb. Nima chee mu u nan ki maa kitork aabimbiln, le ki toor kitork ki doon Uwumbɔr.

Mpiin 14:20

Uwumbɔr u kaa kpa ŋeen aatɔ, ki cha aa nyaŋ saadim na, kan kipak.” Le Abram nan nyan tiwan nimɔk u nan gaa na nibaabaa kipiik mɔk ponn ni, ki di tii Melkisedek.

Mpiin 21:33

Beerseba aanyunbun ngbaan chee le Abraham nan ŋum busub bu aafar aa gbaar n‑yoonn mɔmɔk na, le ki doon Tidindaan Uwumbɔr u bi kaa kpa ndoon na.

Mpiin 28:17

U nan san ijawaan le ki bui ke, “Do chee na kpa ijawaan sakpen a. Uwumbɔr do sil sɔ, ni ga sil li ye nin chee bi piir koo paacham na la.”

Mpiin 33:20

Le Jakob maa libimbiln ki toor kitork ki doon Uwumbɔr nima chee, le ki yin nima ke, El Elohe Israel.

Mpiin 35:1

Uwumbɔr nan bui Jakob ke, “Li cha Betel aatiŋ ni, ki ti li bi nima. Aa maa kitork aabimbiln nima chee ki tii mi Uwumbɔr u nan dan aa chee buyoonn aa nan san aakpel Esɔ chee na.”

Mpiin 35:7

Le u maa kitork aabimbiln nima chee, le ki yin kitiŋ ngbaan ke Betel Aawumbɔr; ba pu? Uwumbɔr nan di ubaa mɔk Jakob nima chee, n‑yoonn mu u nan san ukpel chee na.

Mpiin 47:24

Buyoonn ni nan chee tijikaar ngbaan na kan, see ni mɔmɔk yakr nimi aajikaar nfum muŋmu pu, ki nyan nibaabaa tii ubɔr. Le tijikaar ti gur na, ni ni nimi aamaal li ji, ki di ngem mu ŋa libuul.”

Mpiin 47:26

Nima pu na, Josef nan siin nkaal Ijipt aatiŋ mɔmɔk ni, ke bimɔk yaa yakr baajikaar nfum muŋmu pu kan, mubaa li yeh ubɔr yaan. Le nkaal ngbaan beenin bi kina ki nan saa din, see bitotoorb aakpaakon baanja le baa di ŋa ubɔr yaan.

Malakai 3:10

Ni li joo ni naah yakr tiwan ni ke ni ye min yaan na Maadichal ni, aan tijikaar li bi li ponn ni. Tɔŋ mi man aan ki kan ke m ga piir paacham aatakolu tiib waan, ki cha tijikaar gbiin nimi aatiŋ.