Mpiin 28:20 - Uwumbɔr aagbaŋ

²⁰ Le u nan puu tipuur nima chee ki tii Uwumbɔr ke, “Sin Uwumbɔr yaa ga li bi m chee, ki joo mi maasachuln ni, ki ga tii mi tijikaar ni tiwanpeenkaan,

Mpiin 28:20 Iomraidhean Croise

Mpiin 28:15

Taa suln, ki li teer n‑yoonn mɔmɔk ke m ga li bi aa chee, le ki ga li joo si saah ga buen nimɔk na, ki ga ki giin ni si kitiŋ kee pu. Maan di si lii see m ŋa maah puu ke m ga ŋa si pu na.”

Mpiin 31:13

Min le ye Uwumbɔr u nan dan aa chee Betel aatiŋ ni, nin chee aa nan di litakpal ŋum, ki di nkpan kpir li pu ki di tii mi, ke aa li teer mbɔr, ki nan ki puu tipuur tii mi na. Dandana wee, gor saawan mɔmɔk, ki gir buen baah nan ma si kitiŋ ki ponn ni na.’”

Mpiin 35:3

Ti ga nya do ki buen Betel aatiŋ ni, nin chee m ga ti maa libimbiln ki toor kitork tii Uwumbɔr u ter mi maamukl mɔmɔk ponn ni, ki bi m chee ni kookoo na.”

2 Samuel 15:8

Maah nan bi Siria aatiŋ ki bi yin ki ke Gesur na, m nan puu tipuur tii Uwumbɔr ke u yaa ki di mi giin Jerusalem ponn ni kan, m ga li dooni u Hebronn ni la.”

1 Bibɔrb Aabɔr 4:10

Tɔ, Jabes nan mee Israel yaab Aawumbɔr ke, “Uwumbɔr, ŋa saanyoor ŋa m pu, ki tii mi kitiŋ ki wiir na. Li bi m chee, ki nyan mi kinimbɔŋ aawan nimɔk ga ŋmaa tii mi iween na ni.” Le Uwumbɔr nan tii u waah mee ki ban tiwan ni na.

Ilahn 116:14

Waanib mɔmɔk aanimbil ni le m ga tii u maah puu ke m ga tii u ni na.

Ilahn 116:18

Saadichal li bi Jerusalem ponn ni na, saanib mɔmɔk aanimbil ni le m ga tii si maah puu ke m ga tii si tiwan ni na. Pak Uwumbɔr man.

Ilahn 119:106

M ga li joo maapuur kpaan ti m puu ke m ga li dii saakaal bamɔnn na.

Ilahn 132:2

Uwumbɔr, teer tipuur ti u nan puu na tii si u ye Mpɔɔnsakpiindaan u Jakob mu nan dii na.

Ilahn 22:25

Kinipaak aah kuun nin chee na, le m ga pak si saah tun pu na pu. Binib bi dooni si na aanimbiin ni, le m ga toor kitork ki m nan puu na.

Ilahn 56:12

Uwumbɔr, maah puu ke m ga tii si pu na, m ga ŋa kina; m ga tii si maadoon aapiin;

Ilahn 61:5

Uwumbɔr, aa ŋun maah puu tipuur ti na, le ki tii mi binib bi nyuŋni si na aawan.

Ilahn 61:8

Le m ga li gaa ilahn ki pak si n‑yoonn mumɔk m tii si maah puu pu iwiin mɔmɔk aatork ni na.

Ilahn 66:13

M ga joo ni kitork ki bi ga di see mmii ni na saadichal ni, m ga tii si maah puu pu na.

Ilahn 76:11

Tiin Uwumbɔr naah puu ke ni ga tii u pu na; ŋitimbol ŋi mɔmɔk bi ki duun na, li joo ni ipiin nan tii u man. Uwumbɔr cha unibɔn san u ijawaan;

Aisaya 19:21

Uwumbɔr ga di ubaa mɔk Ijipt aanib, le bi ga bee u ki doon u, aan ki joo ni kitork ni ipiin nan tii u. Bi ga puu tipuur bamɔnn tii u le ki ŋa baah puu pu na.

Jɔnn 1:16

Uwumbɔr aah bi pu na, u mu bi kina le chob. Le ti mɔmɔk gaa waabimbin. U ŋa Uwumbɔr aanyoor ŋa ti pu, ki beenin ŋani timi tinyoor n‑yoonn mɔmɔk.

Lituln 18:18

Pɔɔl nan bi Korint aatiŋ ni ki yunn. Waah bi nima ki yunn na, le u chɔi Yesu aanib. Le u ni Prisila ni Akuila buen Senkrea aatiŋ ni. Pɔɔl aah ti bi nima na, le u kuu uyikpir lii. Ni mɔk ke waah nan puu tipuur ti tii Uwumbɔr na le na. Le bi nan ti koo buŋɔb ni, ke bi puur nnyusakpem na ki buen Siria aatim ponn ni.

1 Timoti 6:8

Nima pu na, taah kpa tijikaar ni tiwanpeenkaan ni na, cha tinimbil gbiin ni.

1 Samuel 1:11

Le Hana nan puu tipuur tii Uwumbɔr ke: “Uwumbɔr u yeh mpɔɔn mɔmɔk na, lik mi, saanaagbiipii. Lik ki kan maabɔr, ki teer mbɔr. Taa suln mbɔr. Aa yaa tii mi ubijabo kan, m puu ke m ga di u tii si u tun saatuln waamɔfal mɔmɔk ponn ni, ki taa kuu uyikpir.”

1 Samuel 1:28

Kina pu le m joo ni u m nan di tii Uwumbɔr. N‑yoonn mumɔk u bi limɔfal ponn ni na, u ga li ye Uwumbɔr yoo la.” Le bi doon Uwumbɔr nima chee.

1 Samuel 14:24

Nkon nan chuu Israel yaab, le biwon yɔl; ba pu? Sɔɔl nan puu ki siin nkaal ke, “Tibɔbir bi unii umɔk jin tijikaar tibaa din wee buyoonn maa kee lee maaŋuul maadim pu na.” Kina pu na, ubaa aa nan jin nibaa nwiin ngbaan daal.