Mpiin 28:2 - Uwumbɔr aagbaŋ

² Li cha Mesopotamia aatiŋ ni, aayaaja Betuel do, ki ti yoor nima chee aapiibo, aaweeja Labann aabisatiib ponn ni ubaa.

Mpiin 28:2 Iomraidhean Croise

Mpiin 24:10

Unaagbiijapol u nan joo Abraham aawan mɔmɔk na nan nyan waaninkpel Abraham aalaakumii kipiik, ni tiwan pam, le ki buen Abraham aanaal Nahor aah bi kitiŋ ki na ni, ki bi Mesopotamia aatiŋ aaŋangan wɔb la.

Mpiin 24:29

Rebeka nan kpa uninja ubaa, bi yin u ke Labann, le u nan san buen nnyunbun mu Abraham aanaagbiija ngbaan nan si mu chee na.

Mpiin 24:4

See aa buen baah nan ma mi kitiŋ ki ni na, ndo yaab ni, ki ti ban upii tii njapɔɔn Aisak.”

Mpiin 24:50

Le Labann ni Betuel bui ke, “Tibɔr ngbaan nyan ni Uwumbɔr chee la. Taan ŋmaa len tibaa.

Mpiin 25:20

Aisak nan ye ŋibin imonko ilee le ki yoor upuu Rebeka u nan ye Betuel aabisal na. Betuel nan ye Aram aatiŋ aanii, kitiŋ ki bi Mesopotamia ni na. Rebeka nan ye Labann aaninkpan la.

Mpiin 28:5

Kina le Aisak nan cha Jakob buen Mesopotamia aatiŋ ni, uweeja Labann do. Labann nan ye Aram aatiŋ aanii Betuel aajapɔɔn, ki mu ye Jakob ni Esɔ aana Rebeka aaninja la.

Mpiin 29:1

Jakob nan fii Betel aatiŋ ni, le ki nab waasachuln pu ki cha liwipuul wɔb.

Mpiin 32:10

Lik saah ŋa mi, saanaagbiija, tiŋann, ni saah kii mi ki joo mi pu na; maa ba ŋeer aa ŋa mi kina. Maah nyan ni nte do ki puur Jɔɔdann aamɔɔl na, m nan joo kijaangbeek baanja la, le dandana wee, sin pu, m kpa ŋiniker ŋilee, ni tiwakor ŋiker ŋilee ŋimina.

Mpiin 33:18

Kina le Jakob nan nyan ni Mesopotamia ki cha le ki ti fuu Sekem aatiŋ, ni laafee; kitiŋ ngbaan nan bi Kanaann aapepel ni la, le u kal nkpaakon mubaa ni, kitiŋ ngbaan chee,

Mpiin 35:9

Jakob aah nan gir nyan ni Mesopotamia aatiŋ ni ki cha kina na, le Uwumbɔr nan ki dan u chee ki nan ŋa tinyoor ŋa u pu,

Mpiin 46:15

Jakob aajapɔtiib bi Lea nan ma u chee Mesopotamia aatiŋ ni na le na, ki kpee ubisal Daina. Waabim ni uyaabitiib bi nyan ni u ni Lea aakaasisik ni na kpaan piitaa ni bitaa la.

Hosea 12:12

Tiyaaja Jakob nan san le ki buen Mesopotamia; nima chee, le u nan ti tun lituln tii uja uken ki kpaa waapiih, ke u tii u usapɔɔn.

Hosea 12:13

Uwumbɔr nan tun ubɔnabr ke u ti nyan Israel yaab tinaagbiir ni Ijipt ni, ki li joo bi.