Mpiin 28:14 - Uwumbɔr aagbaŋ

¹⁴ Bi ga li wiir ke kitiŋ aatanbol na. Bi ga yaa gbiin dulnyaa wee ni mɔmɔk. Le sin pu, ni aayaabitiib pu, m ga ŋa tinyoor ŋa ŋinibol mɔmɔk pu.

Mpiin 28:14 Iomraidhean Croise

Mpiin 12:3

M ga ŋa tinyoor ŋa unii umɔk ŋa tinyoor ŋa aa pu na, ki ga puun lii unii umɔk puun lii aa pu na, le aa pu, m ga ŋa tinyoor ŋa ŋinibol mɔmɔk pu.”

Mpiin 13:14

Buyoonn Lot nan yakr Abram chee ki buen waah gee ni wɔb na, le Uwumbɔr nan bui Abram ke, “Lik ŋipepel mɔmɔk mbamɔm.

Mpiin 13:15

M ban ke m di saah waa kitiŋ kimɔk na ki di tii aa ni saamaal, aan ki li ye nimi aatiŋ n‑yoonn mu kaa kpa ndoon na.

Mpiin 13:16

M ga cha aa maa ki pɔr pam, le unii ubaa aan ŋmaa kahn saamaal aanib; bi ga li wiir jer dulnyaa wee aatanbol mɔmɔk aah wiir pu na.

Mpiin 18:18

Uyaabitiib ga li kpa mpɔɔn ki ŋa litimbokpaan, u pu le m ga ŋa tinyoor ŋa ŋinibol mɔmɔk pu.

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

Mpiin 22:18

Aayaabitiib pu, le m ga ŋa tinyoor ŋa ŋinibol mɔmɔk pu, ni mu ye le ke aa kii maamɔb la.”

Mpiin 26:4

M ga cha aa maa ki li kpa yaabitiib bi li wiir ke iŋmabi na, le m ga di kitiŋ kee mɔmɔk tii bi. Aayaabitiib pu le m ga ŋa tinyoor ŋa ŋinibol mɔmɔk pu.

Mpiin 32:12

Teer ke aa nan puu tipuur tii mi ke aa ga li kii ki ter mi tiwan mɔmɔk ni, ki ga cha m maa pɔr, le n‑yaabitiib ga li wiir ke litambol li dɔ limɔɔl aagbaan na, le ubaa aan ŋmaa kahn bi.”

Mpiin 48:16

Cha Uwumbɔr aatuun u gaa mi tibɔbir mɔmɔk ni lii na ŋa tinyoor ŋa bi pu. Cha maayimbil, ni ntetiib Abraham ni Aisak aayimbil li kpa yimbipur bi pu. Cha bi kan mbim ni yaabitiib pam.”

Mpiin 48:19

Le ute yii, ki bui u ke, “Maabo, m nyi kina. Manase aamaal mu ga ŋa litimbosakpeln. Le unaal Efraim ga li ye u pu unikpaan, le waamaal mu ga ŋa ŋitimbosakpeln.”

2 Bibɔrb Aabɔr 1:9

Ndindaan Uwumbɔr, cha saah nan puu tipuur ti tii nte na gbiin. Aa di mi ŋa binib bi wiir ki ti nyaŋ na aabɔr la.

Ilahn 72:17

Taa cha ubɔr aayimbil kuln; cha waayimbil yunn ke nwiin aah ga yunn pu na. Cha bi mee Uwumbɔr aan u ŋa tinyoor ŋa bi pu ke waah ŋa tinyoor ŋa ubɔr pu pu na.

Nnyam 32:13

Teer saanaagbiib Abraham, ni Aisak, ni Jakob bɔr. Teer tipuur bamɔnn ti aa nan puu, ke aa ga cha bi maa ki pɔr, ki li wiir ke iŋmabi i bi kitaapaak na, ki di kitiŋ ki aa nan puu ke aa ga di tii bi, aan bi li yeh ki n‑yoonn mu kaa kpa ndoon na bɔr.”

Aisaya 54:3

Aa ga moo ban kitiŋ kpee saatiŋ pu ŋipepel mɔmɔk pu; saanib ga ki gaa ntim mu ŋitimbol ŋiken nan gaa bi chee na. Ntisakpem mu binib san cha mu na ga ki gbiin binib.

Nkahm 23:10

Israel yaab ngbaan wiir pam, le unii aan ŋmaa kahn bi. Uwumbɔr cha m kpo ke waanib aah ga kpo pu na. U cha m kpo nsuudoon ni, ke waaninyaam na.”

Matiu 8:11

M tuk nimi la, binib pam ga nya ni liwipuul wɔb, ni liwilir wɔb, ki nan kal, ki ji Abraham, ni Aisak, ni Jakob chee tijikaar Uwumbɔr aanaan ni.

Lituln 3:25

Nimi le ye bibɔnabtiib ngbaan aayaabitiib. Uwumbɔr nan puu tipuur tii niyaajatiib. Nimi le yeh tipuur ngbaan. Uwumbɔr nan tuk Abraham ke u ga ŋa tinyoor ŋa ŋinibol ŋimɔk bi dulnyaa wee ni na pu, uma Abraham aayaabil pu.

Galantiya 3:16

Uwumbɔr nan puu tipuur tii Abraham ni uyaabil la. Waa len ke uyaabitiib, kaa len ke kinipaak, u len ke unibaan la. U nan len ke uyaabil la. Uma le ye Kristo.

Galantiya 3:8

Ni ki ŋmee Uwumbɔr Aagbaŋ ni ke Uwumbɔr nan bee ke binib bi kaa ye Juu yaab na ga nan gaa u ki kii ki ŋmar. Baah kaa nan kee gaa u ki kii buyoonn na, le u nan puen tuk Abraham tibɔnyaan tee, ki bui u, “Aa pu, le m ga ŋa tinyoor ŋa ŋinibol mɔmɔk pu.”

Efesusi 1:3

Cha ti pak Uwumbɔr, u ye Tidindaan Yesu Kristo Aate na. Taah kpaan Kristo ni na, le Uwumbɔr ŋa tinyoor ŋa ti pu, ki tii timi Waafuur Nyaan aapiin mɔmɔk paacham.

Ikaal 12:20

“N‑yoonn mu Nidindaan Uwumbɔr moo tii nimi kitiŋ kpee, ke waah nan puu pu na kan, ni ga ŋmaa ŋmɔ tinann, naah ban pu na.

Ikaal 13:17

Ni taa yoor tiwan ni Uwumbɔr bui ke ni bii, kitiŋ ngbaan ni na, ki li joo nibaa; nima kan, Uwumbɔr aaŋuusakpeln ga sɔŋ, le u ga san nimi kinimbaak. Ni yaa joo waakaal i m joo tuk nimi din wee na, ki ŋani waah gee pu na kan, le u ga san nimi kinimbaak, ki cha ni pɔr pam, ke waah nan puu pu tii niyaajatiib na.

Tibɔkpiirkaan 7:4

Le m ŋun baah daan binib bi na aakahm. Bi nan ye binib ŋichur nkub ni imonko ilee ni ŋinaa, ki nyan ni Israel aanibol mɔmɔk ni.

Tibɔkpiirkaan 7:9

Nimina aapuwɔb le m kan kinipaak sakpeŋ. Ubaa aa ti ki nyi baakahm. Bi nyan ŋitimbol mɔmɔk aanib bi bi dulnyaa wee ni ki len iliin imɔk bi dulnyaa wee ni na, ki si Uwumbɔr aabɔrjal ni Upihbo ngbaan aanimbiin ni, ki pee tikparpipiin, ki ŋub tibɔkpafar biŋaal ni,