Mpiin 27:46 - Uwumbɔr aagbaŋ

⁴⁶ Le Rebeka bui uchal Aisak ke, “Esɔ aapuutiib aabimbin aah bi pu na muk mi sakpen, ki cha naa mɔ mi n‑yoonn mɔmɔk. Jakob mu yaa ki yoor Hef yaab aapiibo ubaa kan, naan ki li mɔ kpala.”

Mpiin 27:46 Iomraidhean Croise

Mpiin 24:3

“M ban ke aa puu Uwumbɔr u ye paacham ni taab aadindaan na aayimbil pu, ke saan ban Kanaann aatiŋ kee pu aapiibo tii njapɔɔn.

Mpiin 28:8

Esɔ nan bee ke ute Aisak aa gee ke bi yoor Kanaann aapiibim.

1 Bibɔrb 19:4

le ki di nwimɔn chuun buen nteersakpiin ni. U nan ti sil nibaa chee le ki kal busub bubaa aaboon ni, ki ba neen ke u tee kpo. U nan mee limeel ke, “Uwumbɔr, nimina nyaŋ mi a. Gaa maawiin; m ba kpo kan, ni ŋan.”

Job Aagbaŋ 14:13

M ba ga li gee ke aa di mi bɔr bitekpiib do la; cha m li bɔr aan saaŋuul ti sɔŋ waahr, aan ki nin siin n‑yoonn mu aa ga teer mbɔr na.

Job Aagbaŋ 7:16

M di cha a; m bak limɔfal lee ni a. Di cha mi. Maamɔfal aa kpa tinyoor tibaa.

Jona 4:3

Uwumbɔr, cha m kpo. M yaa ba tee kpo kan, ni ba soor ni ke m li kpa limɔfal.”

Jona 4:9

Le Uwumbɔr nan ki bui u ke, “Saah gee liŋuul lipulaajil ngbaan aakun pu na, ni ŋan aa?” Le Jona gar ke, “Ni ŋan ke m gee liŋuul. M kpa liŋuul li ga ŋmaa ku mi na.”

Nkahm 11:15

Ni yaa ye ke aa ga ŋa mi kina kan, tee san mi kinimbaak ki nyan maamɔfal, nima kan, m ga nya falaa sakpiin wee ni.”