Mpiin 27:29 - Uwumbɔr aagbaŋ

²⁹ U cha ŋitimbol mɔmɔk aanib li ye saanaagbiib ki gbaan aanimbiin ni. U cha aa li ye aado yaab, ni aana aabim mɔmɔk aayidaan, aan bi li gbaani aanimbiin ni. Uwumbɔr puun lii unii umɔk puun lii aa pu na pu, aan ki ŋa tinyoor ŋa unii umɔk ŋa si tiŋann na pu.”

Mpiin 27:29 Iomraidhean Croise

Mpiin 12:3

M ga ŋa tinyoor ŋa unii umɔk ŋa tinyoor ŋa aa pu na, ki ga puun lii unii umɔk puun lii aa pu na, le aa pu, m ga ŋa tinyoor ŋa ŋinibol mɔmɔk pu.”

Mpiin 25:33

Jakob nan bui u ke, “Pue puu tipuur ke aa ga di tininkpir ngbaan tii mi.” Esɔ nan puu tii Jakob le ki di tininkpir ngbaan kooh tii u.

Mpiin 27:30

Kina le Aisak nan ŋa tinyoor ŋa Jakob pu. Waah ti doo buyoonn, aan Jakob nyan buen na, le ukpel Esɔ mu nyan ni kikpaŋ kun ni.

Mpiin 27:37

Le Aisak bui u ke, “M di tininkpir tii uma la, le u ga li ye aa pu usaloln, le udo yaab mɔmɔk ga li ye waanaagbiib. Le u ga li kpa tijikaar ki kpa ŋisubil aadaan mu sakpen. Maabo, tinyoor tibaa aa ki bi m ga ki ŋa aa pu.”

Mpiin 27:40

Saajawan pu le aa ga li bi. Aa ga li ye aanaal aanaagbiija la. Le aa yaa yii kan, aa ga nyan uŋaal ni.”

Mpiin 37:10

U nan tuk ute mu tidaŋ ngbaan aabɔr, le ute nan sur u tibɔr ngbaan pu, le ki baa u ke, “Ba aadaŋ aaboln le aa daŋ kina? Aa dak ke aana, ni aakpetiib, ki kpee min, ti ga nan gbaan aanimbiin ni ii?”

Mpiin 37:7

Ti mɔmɔk nan bi kisaak le ki chee ipui, le buyoonn m di maapuijaal di bil na, le li fii sil chob, le nimi aapuijaan mu fii sil, le ki goln n‑yaal ki gbaan linimbiin ni.”

Mpiin 9:27

Uwumbɔr cha Jafef aamaal pɔr, ki li kpa tinyoor, ki cha waamaal, ni Sem yaab kpaan ki li bi tɔb chee. Kanaann ga li ye Jafef aanaagbiija la.”

1 Bibɔrb 22:47

Edom aatiŋ aa nan kpa ubɔr; Juda yaab aabɔr le nan ban unii kaan nima le u joo ki.

1 Bibɔrb 4:21

Solomonn le nan joo ŋitimbol aanib bi bi Yufrates Aamɔɔl, ni Filistia, ni Ijipt aatim aakaasisik ni na. Bi nan pa lampoo tii u, le ki ye waatutum, waamɔfal yoonn mɔmɔk.

1 Bibɔrb Aabɔr 5:2

Ni mu nan tee ye Juda aanibol le nan ŋa bipɔɔndam le ki nyan bijojoob tii ŋinibol ŋiken na mɔmɔk.

Ilahn 72:8

Waanaan ga taln ti saa ni mɔmɔk, ki nya Yufrates aamɔɔl ni ki ti saa kitiŋ aanaanmɔk.

Aisaya 45:14

Uwumbɔr bui Israel yaab ke, “Ijipt ni Kus aatim aawangol ga kpaln nimi yaan la, le Seba aatiŋ aajab bi fɔk sakpen na ga ŋa nimi aanaagbiib; ni ga di tikululn le di dar bi buen. Bi ga gbaan ninimbiin ni le ki gaŋ nimi ki bui ke, ‘Uwumbɔr bi ni chee, uma baanja le ye Uwumbɔr.

Aisaya 49:23

Bibɔrkpaam ga li naahn aatetiib la; le bipiibɔrb naahn aanatiib. Bi ga sunn bibaa taab aanimbiin ni ki nyuŋ si; bi ga sunn bibaa taab ki mɔk si baapak, le aa bee ke min le ye Uwumbɔr; unii umɔk ka kii maaterm na aan lir.”

Aisaya 49:7

Israel yaab Aawumbɔr u bi chain, ki gaal bi lir na bui baah lik unii u fam na, aan ŋinibol mɔmɔk yii u, aan u ye bitinjoob aanaagbiija na ke: “Bibɔrb ga kan ke aa nyan saamuk ni le ki ga fii sil ki tii si kipak; Kitiŋ aajojoob mu ga kan kina, le ki gbaan kitiŋ ki nyuŋ si.” Uwumbɔr aah lee waatutunn pu na le ga cha kina ŋa; Israel yaab Aawumbɔr u bi chain na joo waah puu tipuur ti na la.

Aisaya 60:12

Le ŋinibol ŋi kaa tun lituln tii nimi na ga kuln kookoo.

Aisaya 60:14

Binib bi muk si na aajapɔtiib ga dan ki nan gbaan kitiŋ aanimbiin ni. Binib bimɔk nan lik seen si n‑yoonn mu jer na ga dan nan gbaan kitiŋ ki doon si. Bi ga yin si ke ‘Uwumbɔr aatiŋ’, ki ki yin si ke, ‘Sionn, Israel yaab Aawumbɔr u bi chain na aatiŋ’.

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Nkahm 23:8

M ga ŋa kinye ki puun lii binib bi Uwumbɔr aa puun lii bi pu na, bee m len tibɔbir lii binib bi Uwumbɔr aa len tibɔbir lii bi pu na.

Nkahm 24:18

U ga nyaŋ waadim bi mɔmɔk bi Edom aatiŋ ni na, ki gaa baatiŋ di ŋa uyaan, Israel yaab ga li nyaŋni kina le ki cha.

Nkahm 24:9

Litimbol ngbaan kpa mpɔɔn sakpen ke uchinn aah kpa pu na la; u yaa dɔ geen kan, ubaa aan kaa ki finn u. Unii umɔk ŋa tinyoor ŋa Israel yaab pu na kan, Uwumbɔr mu ga ŋa tinyoor ŋa udaan pu; le unii umɔk puun lii bi pu na kan, Uwumbɔr mu ga puun lii udaan pu.”

Matiu 25:40

Le min Ubɔrkpaan ngbaan ga bui bi, ‘M tuk nimi mbamɔn la, naah nan ŋa kina ki tii nnaabitiib, biwaatiib bimina na, ni nan ŋa tii mi le na.’

Matiu 25:45

Le m ga bui bi, ‘M tuk nimi mbamɔn la, naah kaa nan ter nnaabitiib, biwaatiib bimina na, naa nan ter mi le na.’

Tibɔkpiirkaan 19:16

Liyimbil nan ŋmee waakpalk pu, utaapaln chee ke, “Bibɔrb mɔmɔk Aabɔrkpaan ni dindatiib mɔmɔk Aadindaan.”