Mpiin 27:28 - Uwumbɔr aagbaŋ

²⁸ Uwumbɔr ga tii si limaln li nyan ni paacham na, ki cha saasaak ngbaan ŋa tijikaar sakpen. U cha aa li chee tijikaar ki li kpa ŋisubil aadaan sakpen.

Mpiin 27:28 Iomraidhean Croise

Mpiin 27:37

Le Aisak bui u ke, “M di tininkpir tii uma la, le u ga li ye aa pu usaloln, le udo yaab mɔmɔk ga li ye waanaagbiib. Le u ga li kpa tijikaar ki kpa ŋisubil aadaan mu sakpen. Maabo, tinyoor tibaa aa ki bi m ga ki ŋa aa pu.”

Mpiin 27:39

Le ute Aisak bui u ke, “Limaln aan nyan ni paacham ki lir ni aa pu. Kitiŋ aan li kpa tinyoor tii sin.

Mpiin 45:18

Cha bi ti li joo ni bite, ni baamaal mɔmɔk, ki dan Ijipt aatiŋ ni do. M ga tii bi kitinyaan Ijipt ponn ni do, le bi ga kan baah ban pu na mɔmɔk.

Mpiin 49:20

Sin Aser, aa ga li kpa tijikaar pam. Saah ga ko ki kan tijikaar ti na, bibɔrb ga li gee ti pam.

Mpiin 49:25

Mbamɔn, uma aate Aawumbɔr le ga ter si. Uwumbɔr Mpɔɔnsakpiindaan, uma le ga ŋa tinyoor ŋa aa pu, le ki tii si utaal u nyan ni paacham na, ki tii si nnyun mu nyan ni taab na, ki tii si tiwakor ni mbim pam,

2 Samuel 1:21

Taa cha utaal, bee limaln lir Gilboa aagongon paab, cha ŋaakpaakon kpaln nteer n‑yoonn mɔmɔk; ba pu? nima chee le bipobidam aajaak aapen dɔ inimɔɔn ni; baa ki joo nkpan ŋmir Sɔɔl aajaak aapeln.

1 Bibɔrb 17:1

Uwumbɔr aabɔnabr, u bi nan yin u ke Elaija, aan u nyan ni Tisbe aatiŋ ki bi Gilead ni na le nan bui Ubɔr Ahab ke, “M ye timi Israel yaab Aadindaan Uwumbɔr u bi na aatutunn. M tuk si waayimbil pu ke limaln bee utaal aan ki juu kitiŋ pu ki ti saa ŋibin ŋilee bee ŋitaa, see m ti bui u ke u nu.”

1 Bibɔrb 5:11

le Solomonn mu tii Hiram njikaabim bɔtɔ ŋichur imonko ilee, ni olif aakpan mu ikinja ikui iŋmu, libiln mɔmɔk ni, ke u li joo kpiini waanib.

2 Bibɔrb Aabɔr 2:10

M ga tii ni njikaabim bɔtɔ ŋichur imonko iniin, ni ŋisubil aadaan kpalba ŋichur ikui inaa, ni olif aakpan mu kpalba ŋichur ikui inaa.”

Ilahn 104:15

ki cha u kani ndaan mu piir usui na, ki tii u olif aasui aakpan mu cha unimbil wɔb ŋan na, ni tijikaar ti ga tii u mpɔɔn na.

Ilahn 133:3

Ni naahn limaln li bi Hemonn Aajool paab, ki lir ni Sionn aagongon pu na la. Nima chee le Uwumbɔr puu ke u ga ŋa waanyoor ti ye limɔfal li kaa kpa ndoon na ŋa bi pu.

Ilahn 36:8

Saah tii timi tijikaar sakpen ti na le kpiini timi; le ti nyu nnyun saaŋann aamɔɔ na ni.

Ŋiyataŋak 19:12

Ubɔr aaŋuul naahn uchinn aah ŋuuni pu na la, le u yaa san si kinimbaak kan, ni naahn unaalantaal.

Ŋiyataŋak 3:20

Waalan le cha ŋimɔɔ puu, ki cha ntaalangbam tii kitiŋ utaal.

Aisaya 45:8

M ga cha linyaŋ nyan ni kitaapaak ke ntaanyun na; le kitiŋ ga waar kimɔb ki gaa, le ki kpaln lifuur ni ibamɔn ŋmeen. Min Uwumbɔr ga cha nimina ŋa.”

Jeremia 14:22

Ŋitimbol aawaal libaa aan ŋmaa cha utaal nu; kitaapaak kibaa aan ŋmaa cha titaapupur dan. Tidindaan Uwumbɔr, ti di timi aamakl ŋa sin ni la, ba pu? sin baanja le ŋani tiwan mɔmɔk.

Joel 2:19

U kii baameel ki len ke: “Dandana wee m ban m tii nimi tijikaar ni ndaan, ni olif aakpan, aan ni mɔɔr nimi. Ŋinibol ŋiken aan ki lik seen nimi.

Maika 5:7

Israel aanib bi ŋmar na ga li naahn limaln li Uwumbɔr tun ni li na le ŋitimbol pam chee, ki naahn utaal u pui tijikaar pu na. Bi ga li bi Uwumbɔr pu la, naan li ye unibɔn pu.

Sekaria 8:12

Bi ga bu baajikaar nsuudoon ni la. Baasubil aasui ga lu ŋisubil, le kitiŋ ga ŋa tijikaar, le utaal ga nu. Maatimbol aanib bi ga ŋmar na le m ga tii bi tinyoor timina mɔmɔk.

Sekaria 9:17

Baanyaan ga nyaŋ. Tijikaar ni ŋisubil aadaan ga tii binib bi laa diin na mpɔɔn.

Nkahm 13:20

Ni lik ke tikpaatan nyuun aan taa nyuun, isui mu bi aan yaa bi. Ni pɔɔn nibaa ki li joo ni nima chee aasubil ki nan mɔk mi.” Ni nan ye buyoonn ndaan aasubil bi puir na la.

Nkahm 18:12

“M di tiwanyaan ni Israel yaab kan ki nyan baasar ni, ŋibin mɔmɔk ni, aan bi di tii mi na, tii si; tiwan ngbaan sɔ: olif aakpan, ni ŋisubil aadaan, ni njikaabim.

Rom Yaab 11:17

Uwumbɔr nan gaa gii busunyaan aabon ibaa, le ki di timoor ni aasub aabon ki di toŋ bu pu. Juu yaab bi ke busunyaan na la. Nimi bi kaa ye Juu yaab na bi ke timoor ni aasub aabon na. Le Uwumbɔr chuu nyan ni binib bibaa Juu yaab ponn ni, ki di nimi koon Juu yaab ponn ni, ke ni yakr baanyoor, ni baawanyaan.

Ikaal 32:2

Maamɔkm ga lir ke utaal na la, le ki bi kitiŋ pu ke limaln na. Maamɔbon ga lir ke titaapupur aah lir timoor ti laa diin na pu na la, ki ki naahn ke utaal u lir yɔl yɔl timoor ti laa chiin na pu na.

Ikaal 33:13

U nan ŋa tinyoor ŋa Josef aanibol pu ki bui ke; “Uwumbɔr, ŋa tinyoor ŋa baatiŋ pu, ki cha utaal nu, ki cha nnyun mu nyeeni nya kitiŋ aataab na sɔŋ baatiŋ aan ki li kpa tijikaar.

Ikaal 33:28

Nima pu na, le Jakob aayaabitiib bi bibaa pu, ki kpa nsuudoon, ni mpɔɔn, ki bi kitiŋ ki gbii tijikaar, ni ŋisubil aadaan na, nin chee limaln nyani kitaapaak ki sɔŋni kitiŋ ngbaan n‑yoonn mɔmɔk na.

Ikaal 7:13

U ga li gee nimi ki ŋa tinyoor ŋa ni pu, nima kan, ni ga pɔr kpee, ki li kpa mbim pam. U ga ŋa tinyoor ŋa nimi aasar, ni tijikaar, ni ndaan aasubil, ni olif aakpan pu; u ga ŋa tinyoor ŋa ni pu, ki tii nimi tiwakor pam. U ga ŋa ni pu tinyoor tee mɔmɔk aaboln, kitiŋ ki pu u nan puu tii niyaajatiib ke u ga di tii nimi na.

Hiibru Yaab 11:20

Aisak nan gaa Uwumbɔr ki kii, nima le nan cha u nan bui waabim Jakob ni Esɔ ke Uwumbɔr ga ŋa tinyoor ŋa bi pu n‑yoonn mu choo na.