Mpiin 27:27 - Uwumbɔr aagbaŋ

²⁷ Waah fuu ute chee buyoonn ki ban u moor utakpiln na, le Aisak ŋun waawanpeenkaan aabaan, ki ŋa tinyoor ŋa Jakob pu. U nan bui ke, “Maabo aabaan naahn kisaak ki Uwumbɔr ŋa tinyoor ŋa ki pu na la.

Mpiin 27:27 Iomraidhean Croise

Mpiin 26:12

Aisak nan kon ki bun njikaabim kitiŋ ngbaan ni, le u nan chee tijikaar libiln ngbaan ni, nfum nkub ki jer waah bun pu na, ba pu? Uwumbɔr nan ŋa tinyoor ŋa u pu.

Mpiin 27:15

Le Rebeka yoor Esɔ aawanpeenkaan nyaan, ni bi linampal na, le ki di peen Jakob,

Mpiin 27:26

Waah jin doo na, le u bui ke, “Maabo, foor dan m chee ki nan moor ntakpiln.”

Mpiin 27:39

Le ute Aisak bui u ke, “Limaln aan nyan ni paacham ki lir ni aa pu. Kitiŋ aan li kpa tinyoor tii sin.

Mpiin 48:10

Jakob aah nan por sakpen pu na, waa nan ki waa mbamɔm. Le Josef di waabim ngbaan buen u chee, le u bub chuu bi, ki moor bitakpin.

Mpiin 48:15

le ki mee tinyoor ŋa Josef pu ke: “Uwumbɔr u ye ntetiib Abraham ni Aisak Aawumbɔr na, ŋa tinyoor ŋa mbim bee pu. Cha Uwumbɔr u lik mi ki nan saa din wee na, ŋa tinyoor ŋa bi pu.

Ilahn 65:10

Aa cha utaal nu ikpaakon i bi toor bil na ponn ni pam, le i sɔŋ mbamɔm. Aa cha titaapupur sɔŋni kitiŋ, ki cha tijikaar ti laa punn na muuni.

Solomonn Aalahn 2:13

Ŋikakan bi puir la; ndaan aasubil aanunun gaa ni mɔmɔk a. Mbɔɔn, kina kan, dan; mbɔɔn unyaan, cha ti li cha.

Ikaal 33:13

U nan ŋa tinyoor ŋa Josef aanibol pu ki bui ke; “Uwumbɔr, ŋa tinyoor ŋa baatiŋ pu, ki cha utaal nu, ki cha nnyun mu nyeeni nya kitiŋ aataab na sɔŋ baatiŋ aan ki li kpa tijikaar.

Hiibru Yaab 11:20

Aisak nan gaa Uwumbɔr ki kii, nima le nan cha u nan bui waabim Jakob ni Esɔ ke Uwumbɔr ga ŋa tinyoor ŋa bi pu n‑yoonn mu choo na.

Hiibru Yaab 6:7

Kitiŋ ki gaa utaal aanyun mu lir ni ki pu, ki ŋani tijikaar ti ŋan na ki tii binib bi ko ti na, Uwumbɔr ŋani tinyoor ŋani kitiŋ ngbaan pu.