Mpiin 26:29 - Uwumbɔr aagbaŋ

²⁹ saan ŋa timi bakaa ubaa, ke taah kaa nan ŋa si bakaa pu na. Ti nan ŋa si tibulchinn, le ki cha aa nyan tido nsuudoon ponn ni. Dandana wee, ni kpiir mɔk timi ke Uwumbɔr bi aa chee ki ŋa si tinyoor sakpen.”

Mpiin 26:29 Iomraidhean Croise

Mpiin 12:2

M ga cha aa maa ki pɔr pam, le saamaal ga ŋa linibokpaan. M ga ŋa tinyoor ŋa aa pu, le aa ga li kpa liyimbil, le aa pu, binib ga kan tinyoor m chee.

Mpiin 12:3

M ga ŋa tinyoor ŋa unii umɔk ŋa tinyoor ŋa aa pu na, ki ga puun lii unii umɔk puun lii aa pu na, le aa pu, m ga ŋa tinyoor ŋa ŋinibol mɔmɔk pu.”

Mpiin 21:22

N‑yoonn ngbaan le Abimelek ni waajab aaninkpel u bi nan yin u ke Fikol na, nan buen Abraham chee ki ti bui u ke, “M nyi ke Uwumbɔr bi aa chee ki ter si n‑yoonn mɔmɔk.

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

Mpiin 24:31

le ki ti bui u ke, “Dan ti buen ndo, aa ye unii u Uwumbɔr ŋa tinyoor ŋa aa pu na la. Ba ŋa aa nan si do kina? Mpaan bi ndo aa ga ti kan ki doon, le mpaan bi, saalaakumii tiib mu ga koo.”

Ilahn 115:15

Uwumbɔr u naan paacham ni kitiŋ na ŋa waanyoor ŋa ni pu.