Mpiin 26:24 - Uwumbɔr aagbaŋ

²⁴ Kinyeek ngbaan le Uwumbɔr nan bui u tidaŋ ponn ni ke, “Min le ye aate Abraham Aawumbɔr. Taa li san ijawaan; m bi aa chee. M ga ŋa tinyoor ŋa aa pu, ki cha aa maa pɔr, ki li kpa yaabitiib sakpen, ke maah nan puu tii maatutunn Abraham pu na.”

Mpiin 26:24 Iomraidhean Croise

Mpiin 13:16

M ga cha aa maa ki pɔr pam, le unii ubaa aan ŋmaa kahn saamaal aanib; bi ga li wiir jer dulnyaa wee aatanbol mɔmɔk aah wiir pu na.

Mpiin 15:1

Nimina aapuwɔb, le Uwumbɔr nan kpiir ubaa mɔk Abram ki bui u ke, “Abram, taa li san ijawaan. M ga kiir tibɔbir mɔmɔk ti ga dan aa pu na, ki tii si ipiin sakpiin.”

Mpiin 17:7

“Maah puu pu tii si na, m ga li joo tipuur ngbaan ki tii si, ni aayaabitiib bimɔk ga paan ni aa pu na, aan ti li ye tipuur ti kaa kpa ndoon na. M ga li ye Saawumbɔr, ni aayaabitiib Aawumbɔr.

Mpiin 17:8

M ga di kitiŋ ki aa ye uwɔwɔnja ki pu na tii si ni aayaabitiib. Kanaann aatiŋ kee mɔmɔk ga li ye aa ni aayaabitiib yaan, le ki cha n‑yoonn mu kaa kpa ndoon na, le m ga li ye Baawumbɔr.”

Mpiin 21:17

Uwumbɔr nan ŋun ubo ngbaan aah wii pu na, le upii ngbaan nan ŋun Uwumbɔr aaneel nyan ni paacham ki baa u ke, “Hagar, ba muk si? Taa san ijawaan, Uwumbɔr ŋun saabo aah wii pu na.

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

Mpiin 22:19

Abraham ni ujapɔɔn nan ki gir buen waanaagbiib bilee, ni ubon na chee, le bi dii buen Beerseba aatiŋ ni, nin chee Abraham nan ti kal na.

Mpiin 24:12

Unaagbiija ngbaan nan bi mee Uwumbɔr ke, “Uwumbɔr, u ye maaninkpel Abraham Aawumbɔr na, cha m kan maah ban pu na, ki gbiin saah puu ke aa ga ŋa pu ki tii maaninkpel na.

Mpiin 28:13

Le u kan ke Uwumbɔr si gbɔk u ki bui u ke, “Min le ye Uwumbɔr, aayaaja Abraham ni aate Aisak Aawumbɔr. M ga di kitiŋ ki aa dɔ ki pu na tii aa ni aayaabitiib.

Mpiin 28:15

Taa suln, ki li teer n‑yoonn mɔmɔk ke m ga li bi aa chee, le ki ga li joo si saah ga buen nimɔk na, ki ga ki giin ni si kitiŋ kee pu. Maan di si lii see m ŋa maah puu ke m ga ŋa si pu na.”

Mpiin 28:3

Uwumbɔr Mpɔɔnsakpiindaan ŋa tinyoor ŋa aa ni aapuu pu, ki cha ni maa pɔr sakpen, nima kan, aa ga li ye ŋitimbol pam aate.

Mpiin 30:27

Le Labann nan bui u ke, “Cha m len tibɔr tee. M baal, ki ŋun ke si pu le Uwumbɔr ŋa m pu tinyoor.

Mpiin 31:5

Baah fuu ni na le u bui bi ke, “M bee ke nite aa ki gee maabɔr ke waah nan gee mi njan pu na; tɔ, nte Aawumbɔr bi m chee.

Mpiin 39:2

Le Uwumbɔr nan bi Josef chee ki cha u tun lituln mbamɔm. Le u nan bi Ijipt aaninkpel ngbaan do,

Mpiin 39:3

le uninkpel ngbaan kan ke Uwumbɔr le bi Josef chee ki cha u ŋani tiwan mɔmɔk deedee, kaa kpa ngalm.

Mpiin 46:1

Jakob nan yoor waamaal, ni waawangol mɔmɔk, le ki buen Beerseba aatiŋ ni, le ki ti toor kitork tii Uwumbɔr u ute Aisak mu nan dii na.

1 Bibɔrb 17:13

Le Elaija bui u ke, “Taa cha ni muk si. Aa ma li cha ki ti ŋa saajiir. Tee puen ŋa likpiln waatiir, saah kpa siib u na ni, ki li joo ni mi, ki nin ŋa aa ni aajapɔɔn yaan.

Nnyam 14:13

Moses nan giin bui bi ke, “Taa san ijawaan man. Sil chob man, ni ga kan Uwumbɔr aah ga ŋa pu ki gaa nimi lii din wee na. Naan ki kan Ijipt yaab bee daalbaadaal.

Nnyam 3:6

Min le ye aayaajatiib Aawumbɔr, min le ye Abraham, ni Aisak, ni Jakob Aawumbɔr.” Nima pu na, Moses nan biin unimbil pu, kaa nan kaa u lik Uwumbɔr.

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 44:2

Min le ye Uwumbɔr u naan nimi na; ki nyan bundaal bi ma nimi na, le m nan piin ki ter nimi. Taa san ijawaan man, nimi le ye maatutum, maanib bi m lee bi ki gee bi na.

Aisaya 51:12

Uwumbɔr bui ke, “Min le pɔɔk nitaakpab. Ba ŋa ni san unibɔn u ga kpo na ijawaan? Ba ŋa ni san unibɔn u ga kpo mala ke timoor na?

Aisaya 51:7

Li pel man, nimi bi nyi tiwan ni ye mbamɔn na, binib bi di maamɔkm ŋa bisui ni na, li pel man. Binib yaa ŋani nimi mbɔnyun ki seei nimi kan, ni taa san ijawaan;

Inandalahn 3:57

Aa nan ŋun le ki bui mi ke m taa san ijawaan.

Liifai Yaab 26:42

m ga teer tipuur ti m nan puu tii Jakob, ni Aisak, ni Abraham na, ki ki fikr tipuur ngbaan, ki giin maanib aatiŋ tii bi.

Liifai Yaab 26:45

M ga fikr tipuur ti m nan puu tii biyaajatiib n‑yoonn mu m nan di maapɔɔn mɔk ŋinibol mɔmɔk aan ki nyan ni maanib Ijipt aatiŋ ni na, ke min Uwumbɔr li ye Bidindaan.”

Matiu 22:32

ke uma le ye Abraham, ni Aisak, ni Jakob Aawumbɔr. Uwumbɔr yaa len ke u ye binib bi kpo na Aawumbɔr kan, nima le mɔk ke bi kpa limɔfal.”

Tibɔnyaan ti Luk ŋmee ti na 12:32

“Maanib bi bi siib na, ni taa san ijawaan man. Nite Uwumbɔr le ban ke u tii nimi nnaan. Waageehn le na.

Lituln 7:32

‘Min le ye aayaajatiib Abraham, ni Aisak, ni Jakob Aawumbɔr.’ Ijawaan chuu Moses, le uwon gbaa. Waa ki kaa u ki lik.

Ikaal 13:17

Ni taa yoor tiwan ni Uwumbɔr bui ke ni bii, kitiŋ ngbaan ni na, ki li joo nibaa; nima kan, Uwumbɔr aaŋuusakpeln ga sɔŋ, le u ga san nimi kinimbaak. Ni yaa joo waakaal i m joo tuk nimi din wee na, ki ŋani waah gee pu na kan, le u ga san nimi kinimbaak, ki cha ni pɔr pam, ke waah nan puu pu tii niyaajatiib na.

Ikaal 31:6

Ni nya sil, ki li kpa lipobil. Ni taa san bi ijawaan. Nidindaan Uwumbɔr ubaa ga li bi ni chee. Waan jinn nimi inimɔɔn, ki mu aan di nimi lii.”

Hiibru Yaab 11:16

Bi nan ban kitiŋ ki ŋan jer kitiŋ ngbaan na la. Bi nan ban paacham aatiŋ la. Nima pu na, inimɔɔn aa nan joo Uwumbɔr ke bi yin u ke Baawumbɔr. U nan toor kitiŋ tii bi.

Hiibru Yaab 13:6

Nima pu le ti ga li kpa lipobil ki bui ke, “Uwumbɔr ye maateter la. Maan san ijawaan. Ubaa aan ŋmaa ŋa mi nibaa.”

Tibɔkpiirkaan 1:17

Maah kan u na, le m lir gbaan unimbiin ni ke maah kpo le na. Le u di uŋangii paan m pu, ki bui mi ke, “Taa san ijawaan. Min le ye mpiin ngbaan ni ndoon ngbaan.

Ruf Aagbaŋ 3:11

Kina pu na, Ruf, taa cha nibaa li muk si. M ga ŋa saah ban pu na mɔmɔk; unii umɔk bi kitiŋ kee ponn ni na bee ke aa ye upii u ŋan na la.