Mpiin 26:1 - Uwumbɔr aagbaŋ

¹ Abraham aah nan bi Kanaann aatiŋ ni buyoonn na, le nkon mbaa nan lir nima, le Aisak aayoonn mu nkon nan ki lir kitiŋ ngbaan ni lelee. Aisak nan buen Abimelek, u nan ye Filistia yaab aabɔr na chee, Gerar aatiŋ ni.

Mpiin 26:1 Iomraidhean Croise

Mpiin 12:10

Tɔ, n‑yoonn mubaa le nkon nan lir Kanaann aatiŋ ni. Nkon ngbaan nan pɔɔ ti nyaŋ. Nima pu le Abram nan buen Ijipt aatiŋ ni, u ti laa li bi nima aan bi kan tijikaar ki ji.

Mpiin 25:11

Abraham aah nan kpo na, le Uwumbɔr nan ŋa tinyoor ŋa Abraham aabo Aisak pu, le u nan bi nnyunbun mu bi nan yin mu ke “U bi ki waa mi na aanyunbun” chee.

Mpiin 25:34

Le Jakob mu di tijikaar ni tikpin ngbaan tii Esɔ. U nan jin ki nyun le ki fii buen. Nima le mɔk ke Esɔ aatafal aa nan bi tininkpir ni.

Mpiin 42:5

Le Jakob aajapɔtiib ni binib biken nan dii buen Ijipt aatiŋ ni, bi ti daa tijikaar; ba pu? nkon nan lir Kanaann aatiŋ ni.

Mpiin 43:1

Nkon ngbaan nan moo pɔɔk Kanaann aatiŋ ponn ni, ni ti nyaŋ,

2 Samuel 21:1

David aah nan ye Israel ni Juda yaab aabɔr n‑yoonn mu na, le nkon nan lir, ki ti saa ŋibimɔn ŋitaa. Kina pu le David nan baa Uwumbɔr nkon ngbaan aabɔr; le Uwumbɔr bui u ke, “Sɔɔl ni waamaal ku binib; u ku Gibeonn aatiŋ aanib.”

Nnyam 33:1

Uwumbɔr nan bui Moses ke, “Fii do, aa ni binib bi aa nyan ni bi Ijipt aatiŋ ni na, ki li cha kitiŋ ki m puu tii Abraham, ni Aisak, ni Jakob, ni biyaabitiib na ni.

Ruf Aagbaŋ 1:1

N‑yoonn mu jer aan Israel yaab aa nan kee kpa bibɔrb na, le nkon nan lir Israel yaab aatiŋ pu. Kina pu le uja u bi nan yin u ke Elimelek, aan u ye Efraf aamaal aanii, ki koo Betlehem aatiŋ ki bi Juda aatiŋ pu na, ni upuu Naomi, ni ujapɔtiib bilee bi bi yin bi ke Malonn ni Kilionn na, nan laa fii kun Moab aatiŋ ni.