Mpiin 25:32 - Uwumbɔr aagbaŋ

³² Esɔ nan bui u ke, “Tɔ, nkon ban mu ku mi la, tininkpir na ga ŋa mi ba?”

Mpiin 25:32 Iomraidhean Croise

Mpiin 25:31

Jakob nan giin bui u ke, “Di tininkpir tii mi aan m mu tii si tikpin ngbaan.”

Mpiin 25:33

Jakob nan bui u ke, “Pue puu tipuur ke aa ga di tininkpir ngbaan tii mi.” Esɔ nan puu tii Jakob le ki di tininkpir ngbaan kooh tii u.

Mpiin 27:36

Le Esɔ bui ke, “U jin mi nfum mulee le na. Mbamɔn, ni ŋeer bi yin u ke Jakob. Njan u nan ŋmann mi ki gaa tininkpir, le ki ki ŋmann tite mu ki gaa maanyoor. Nte, saa gur tinyoor tibaa ki ŋa m pu uu?”

Job Aagbaŋ 21:15

Baa dak ke aa yaa tun tii Uwumbɔr kan, ni kpa tinyoor, kaa nyi ke aa yaa mee u kan, ni kpa nterm.

Job Aagbaŋ 22:17

Binib bee le nan yii Uwumbɔr ki kpa lipobil ke waan ŋmaa ŋa bi nibaa.

Job Aagbaŋ 34:9

U len le ke aa yaa pɔɔni aabaa ke aa dii Uwumbɔr aageehn kan, naa kpa tinyoor tibaa.

Nnyam 22:9

“Binib bilee yaa kpak tiwan pu, ni yaa ye inaa, bee ibon, bee ipiih, bee tiwanpeenkaan, bee tiwan ni wɔŋ na pu kan, ni di bimɔk bilee dan min Uwumbɔr aanimbiin ni. Min Uwumbɔr yaa ti nyan unii u ke uma le lir na, u ga pa tiwan ngbaan nfum mulee ki teen unii u ji mbamɔn na.

Malakai 3:14

Ni bui ke, ‘Uwumbɔr aadiim aa kpa tinyoor tibaa. Ti yaa ŋani waah len pu na kan, naa kpa tinyoor; ti yaa ti ki bui Uwumbɔr Mpɔɔnsakpiindaan ke tisui bii taah tun pu na pu kan, naa kpa tinyoor tibaa.