Mpiin 25:31 - Uwumbɔr aagbaŋ

³¹ Jakob nan giin bui u ke, “Di tininkpir tii mi aan m mu tii si tikpin ngbaan.”

Mpiin 25:31 Iomraidhean Croise

Mpiin 25:30

le u bui Jakob ke, “M ga kpo nkon, tii mi saakpimann ngbaan siib m wub.” Nima pu le bi nan ki yin u ke Edom.

Mpiin 25:32

Esɔ nan bui u ke, “Tɔ, nkon ban mu ku mi la, tininkpir na ga ŋa mi ba?”

Mpiin 27:36

Le Esɔ bui ke, “U jin mi nfum mulee le na. Mbamɔn, ni ŋeer bi yin u ke Jakob. Njan u nan ŋmann mi ki gaa tininkpir, le ki ki ŋmann tite mu ki gaa maanyoor. Nte, saa gur tinyoor tibaa ki ŋa m pu uu?”

Mpiin 32:28

Le ntuun ngbaan bui ke, “Saah mɔn ki nyaŋ Uwumbɔr ni unibɔn na, nima pu na, bi ga li gur yin si ke Israel la, baan ki yin si ke Jakob.”

1 Bibɔrb Aabɔr 5:1

Jakob aajapɔpol Rubenn aayaabitiib aayimbil sɔ: Rubenn aah nan gaa ute aapuu waatiir ubaa na, waa nan ki kpa nsan u ji tininkpir aafaal ute chee. Unaal Josef le nan gaa kina aasan.

1 Bibɔrb Aabɔr 5:2

Ni mu nan tee ye Juda aanibol le nan ŋa bipɔɔndam le ki nyan bijojoob tii ŋinibol ŋiken na mɔmɔk.

Ikaal 21:16

uja ngbaan yaa ban u yakr waawan tii mbim ngbaan mɔmɔk kan, u taa li kpa imaagann ki di njan aabo aawan tii upuu u u gee sakpen na aabo.

Ikaal 21:17

U yaa yakr waawan ngbaan kan, u di nfum mulee yaan tii njan aabijabo, hali waah kaa ye upuu u u gee sakpen na aabo na, u tii u kina. Uja mɔmɔk li nyi ki yakr waawan ki tii njan aabijabo, naah ŋeer ke u kan pu na.

Hiibru Yaab 12:16

Ni li nyi man, ubaa mu taa gɔr kidagook. Ubaa mu taa lik Uwumbɔr fam ke Esɔ aah nan ŋa pu na. Tijikaar pu, le u nan di ubopol aafaal kooh.