Mpiin 25:27 - Uwumbɔr aagbaŋ

²⁷ Mbim ngbaan nan muun ki ŋa binib, le Esɔ nan nyi kikpaŋ aatuln pam, le ki nan gee chaa timoor ni sakpen, le Jakob nan ye unii u bi suuna na, le ki nan gee u li bi linampal.

Mpiin 25:27 Iomraidhean Croise

Mpiin 10:9

Uwumbɔr aah nan ter u pu na, le u nan nyi kikpaŋ aabɔr pam, nima le binib len ke, “Cha Uwumbɔr ŋa si ukpakpaan ke Nimrod na.”

Mpiin 21:20

Ubo ngbaan aah nan bi muun ni na, Uwumbɔr nan bi u chee. U nan bi Parann aateersakpiin ni, le ki ŋa ukpakpaan.

Mpiin 27:40

Saajawan pu le aa ga li bi. Aa ga li ye aanaal aanaagbiija la. Le aa yaa yii kan, aa ga nyan uŋaal ni.”

Mpiin 46:34

ni tuk u ke ni ye binib bi lik tiwakor na la, ke niyaajatiib aatuln le ni tun. Nima kan, u ga di Gosenn aapepel tii nimi.” Tiwan ni cha Josef len kina na le ye ke Ijipt yaab aan kpaan binib bi lik tiwakor na chee.

Mpiin 6:9

Nowa nan dii Uwumbɔr mbamɔm. U nan ma mbijabim mutaa, ki nan yin bi ke Sem, ni Ham, ni Jafef. Nowa baanja le nan ye uninyaan n‑yoonn ngbaan. Uma le nan dii Uwumbɔr mbamɔm.

Job Aagbaŋ 1:1

Uja ubaa nan bi Us aatiŋ ni, bi nan yin u ke Job. Job nan dooni Uwumbɔr le ki dii u mbamɔm. U nan ye uninyaan, le kaa gee titunwanbir aatuln.

Job Aagbaŋ 1:8

Le Uwumbɔr ki baa u ke, “Aa kan maatutunn Job aah bi pu na aan saa kan u? Ubaa aa ki bi kitiŋ pu ki kpa mbimbinyaan ki dii mi mbamɔm ke uma na. U dooni mi, le ki nyi kaa tun titunwanbir.”

Job Aagbaŋ 2:3

Le Uwumbɔr baa u ke, “Aa kan maatutunn Job aah bi pu na aan saa kan. Ubaa aa ki bi kitiŋ pu ki kpa mbimbinyaan ki dii mi mbamɔm ke uma na. U dooni mi, le ki nyi kaa tun titunwanbir. Aa nan muk mi ke m cha aa ti tak u, ntakn mu kaa kpa tataa na pu, le Job beenin kpa gaakii ke waah nan kpa pu na.”

Ilahn 37:37

Lik bee uninyaan, lik unii u ŋan na mbamɔm unii u kpa nsuudoon na kpa yaabitiib la,

Jeremia 35:7

U nan ki bui timi ke ti taa maa tidir, ki taa ko tisar, ki taa ŋum ndaan aasubil aasui ki taa daa i mu. U nan siin ke ti li koo igban aaboo ni, timi aamɔfal ni, aan ki li ye bicham kitiŋ kee pu n‑yoonn mɔmɔk.

Hiibru Yaab 11:9

U nan ti fuu kitiŋ ki Uwumbɔr puu tipuur ke u ga di tii u na ni. Le u pak Uwumbɔr aah len pu na, nima le u nan kal nima, ki nan ye uwɔwɔnja. U ni waabo Aisak, ni uyaabil Jakob nan bi nima, ŋiboo ponn ni. Bi mu nan yeh tipuur tichachaan ngbaan la.