Mpiin 25:23 - Uwumbɔr aagbaŋ

²³ Le Uwumbɔr nan bui u ke, “Ŋinibol ŋilee le bi aaponn ni; saah ga maa bijaam bi na ga li ye ŋinibol ŋilee aanib la, le ubaa ga li pɔɔ jer uken, upol le ga nan li tun tii uwaatiir.”

Mpiin 25:23 Iomraidhean Croise

Mpiin 17:16

M ga ŋa tinyoor ŋa u pu, le ki cha u maa ubijabo tii si. M ga ŋa tinyoor ŋa u pu, le u ga li ye ŋitimbol pam aana, le bibɔrb ga nyan ni uyaabitiib ponn ni.”

Mpiin 17:4

“M puu tipuur tii si ke aa ga li ye ŋitimbol pam aate.

Mpiin 24:60

Baah nan len tinyoor aaliin i ki ŋa Rebeka pu na sɔ: “Tininkpan, Uwumbɔr pee aa pu mmɔɔnyunsɔm aan aa maa pam; ki cha aayaabitiib nyaŋ baadim mɔmɔk.”

Mpiin 25:24

Naah nan ŋeer ke u maa na, le u ma mbijabim bi ye bijaam.

Mpiin 25:27

Mbim ngbaan nan muun ki ŋa binib, le Esɔ nan nyi kikpaŋ aatuln pam, le ki nan gee chaa timoor ni sakpen, le Jakob nan ye unii u bi suuna na, le ki nan gee u li bi linampal.

Mpiin 27:29

U cha ŋitimbol mɔmɔk aanib li ye saanaagbiib ki gbaan aanimbiin ni. U cha aa li ye aado yaab, ni aana aabim mɔmɔk aayidaan, aan bi li gbaani aanimbiin ni. Uwumbɔr puun lii unii umɔk puun lii aa pu na pu, aan ki ŋa tinyoor ŋa unii umɔk ŋa si tiŋann na pu.”

Mpiin 27:33

Le Aisak aah ŋun kina na, le uwon faa tɔtɔk, le u baa ke, “Ŋma ba ku ni upeel ki joo ni m chee na? M laa jin tima le doo le aa nin koo ni na. M di maakookoo aanyoor tii u a, nima pu na, udaan le yeh tinyoor ngbaan ki cha n‑yoonn mu kaa kpa ndoon na.”

Mpiin 27:37

Le Aisak bui u ke, “M di tininkpir tii uma la, le u ga li ye aa pu usaloln, le udo yaab mɔmɔk ga li ye waanaagbiib. Le u ga li kpa tijikaar ki kpa ŋisubil aadaan mu sakpen. Maabo, tinyoor tibaa aa ki bi m ga ki ŋa aa pu.”

Mpiin 27:40

Saajawan pu le aa ga li bi. Aa ga li ye aanaal aanaagbiija la. Le aa yaa yii kan, aa ga nyan uŋaal ni.”

Mpiin 32:6

Buyoonn bitutum ngbaan gir ni Jakob chee na, bi nan bui u ke, “Ti buen aakpel Esɔ do, le u gor ki choo ke ni nan tooh tɔb nsan ni. U choo ki joo ni bijab ikui inaa la.”

Mpiin 33:3

le Jakob loln bi pu nsan. Waah pii ukpel Esɔ chee na, le u gbaan kitiŋ nfum mulole.

Mpiin 36:31

Bibɔrb bi aayimbil paa tɔb pu na le nan pue joo Edom aatiŋ, le Israel yaab nan nin kaan bibɔrb. Bi nan jin nnaan ki paa paa tɔb pu kina la: Beor u nan nyan ni Dinhaba aatiŋ ni na aajapɔɔn Bela. Sera u nan nyan ni Bosra aatiŋ ni na aajapɔɔn Jobab. Husam u nan nyan ni Temann aatiŋ ni na. Hadad u nan ye Bedad u nyan ni Afif aatiŋ ni na aajapɔɔn. Bedad le nan to butɔb ki nyaŋ Midiann yaab, Moab aatiŋ ni na. Samla, u nan nyan ni Masreka aatiŋ ni na. Saul, u nan nyan ni Rehobof, kitiŋ ki bi limɔɔl chee na. Akbor aajapɔɔn Baal Hanann. Hadad u nan nyan ni Pau aatiŋ ni na. Upuu Mehetabel nan ye Matred aabisal la, le u nan ye Mesahab aayaabil.

Mpiin 48:19

Le ute yii, ki bui u ke, “Maabo, m nyi kina. Manase aamaal mu ga ŋa litimbosakpeln. Le unaal Efraim ga li ye u pu unikpaan, le waamaal mu ga ŋa ŋitimbosakpeln.”

2 Samuel 8:14

U nan kaan kaan bijab Edom aatim mɔmɔk ni, le Edom yaab kpaln waatutum. Uwumbɔr nan tii David linyaŋ nimɔk u buen na.

1 Bibɔrb 22:47

Edom aatiŋ aa nan kpa ubɔr; Juda yaab aabɔr le nan ban unii kaan nima le u joo ki.

1 Bibɔrb Aabɔr 18:13

U nan kaan kaan butɔb aajab Edom aatim mɔmɔk ni, le Edom yaab kpaln Ubɔr David aatutum. Uwumbɔr nan tii David linyaŋ, ni kookoo.

Obadia 1:21

Jerusalem yaab bi ga nyaŋ baadim mɔmɔk na ga tak Edom yaab ki nyaŋ bi. Le Uwumbɔr uma ubaa ga li ye Ubɔrkpaan.”

Nkahm 20:14

Baah nan ka Kades aatiŋ ni na, le Moses nyan ntuuntiib tun Edom yaab aabɔr chee. Bi nan ti bui u ke, “Tibɔr tee nyan ni aanaabitiib Israel yaab chee la. Aa nyi taah ji falaa umɔk na.

Ikaal 2:4

U nan tuk mi ke m bui nimi tibɔr tee: ‘Ni ban ni dii ŋigongon aatiŋ Edom, ki ye nimi aamaal ponn ni aanib Esɔ aayaabitiib aatiŋ na ni le jer. Bi ga li san nimi ijawaan;

Ikaal 2:8

“Nima na, ti nan fii nima chee, kaa nan dii nsan mu nya Elaf ni Esionn Geber aatim ni ki cha N‑yaan Aanyusakpem chee na. Ti nan fenn toŋ ŋŋangan ni liwipuul aakaasisik ni, Moab aapepel wɔb.

1 Samuel 17:14

David le nan ye uwaatiir; le buyoonn bipolb bitaa ngbaan nan bi Sɔɔl chee na,