Mpiin 25:21 - Uwumbɔr aagbaŋ

²¹ Rebeka aah nan bi ki yunn kaa ma pu na, le uchal Aisak nan mee Uwumbɔr tii u. Le Uwumbɔr nan ŋun waameel ngbaan ki cha Rebeka dek lipuul.

Mpiin 25:21 Iomraidhean Croise

Mpiin 11:30

Sarai nan ye upiiŋoob la.

Mpiin 16:2

Sarai nan bui uchal Abram ke, “Uwumbɔr aa tii mi ubo. Saan di maanaagbiipiibo ngbaan, ki di ŋa aapuu, ki kpee m pu uu? Nibaakan, u ga maa ubo tii mi.” Abram nan kii tii upuu Sarai aah len pu na.

Mpiin 30:22

Tɔ, Uwumbɔr aa ki suln Rachel aabɔr, u nan ŋun waameel le ki cha ni ŋaŋ u chee, le u ma mbim.

1 Bibɔrb Aabɔr 5:20

Bi nan di baanaadii tii Uwumbɔr la, le ki mee u ki ban nterm. Le Uwumbɔr nan kii baameel ki cha bi nyaŋ Hagar yaab ni bimaantɔtiib.

2 Bibɔrb Aabɔr 33:13

Uwumbɔr nan kii waameel ki cha u gir kun Jerusalem ki ti ki joo waanib. Nimina le nan cha Manase bee ke Uwumbɔr le ye Udindaan.

Esra 8:23

Ti nan lul bumɔb ki mee Uwumbɔr ke u li kii timi, le u kii timi aameel ngbaan.

Ilahn 127:3

Mbim ye Uwumbɔr aapiin le ki tii timi; bi ye tinyoor bamɔnn la.

Ilahn 145:19

U tii binib bimɔk nyuŋni u na baah ban pu na; u ŋun baawiil le ki nyani bi tibɔr ni.

Ilahn 50:15

Tibɔr yaa dan kan, ni yin mi le m ga gaa nimi lii aan ni ga pak mi.”

Ilahn 65:2

ba pu? aa keei limeel mɔmɔk.

Ilahn 91:15

Bi yaa yin mi kan, m ga kii baayim; bi yaa bi tibɔr ni kan, m ga li bi bi chee. M ga nyan bi tibɔr ni, ki nyuŋ bi.

Ŋiyataŋak 10:24

Binib bi aabimbin ŋan na kani baah ban pu na la, le bibiindam kani baah san tiwan ni ijawaan sakpen na.

Aisaya 45:11

Uwumbɔr u ye Israel yaab Aadindaan u bi chain ki ŋani n‑yoonn mu laa choo na waah gee pu na bui ke: “Naa kpa nsan ke ni baa mi maabim aabɔr, bee ni tuk mi maah ga ŋa pu na.

Aisaya 58:9

Le ni yaa mee mi kan, m ga kii nimi aameel. Ni yaa yin mi kan, m ga kii nimi. “Ni yaa kuln limukl, ni lik‑seen, ni tibɔbir mɔmɔk,

Aisaya 65:24

Waahr aan bi nin mee mi doo na, m ga kii baameel.

Tibɔnyaan ti Luk ŋmee ti na 1:13

Le Uwumbɔr aatuun ngbaan bui u, “Sekaria, taa san ijawaan. Uwumbɔr ŋun saameen a. Aapuu Elisabef ga maa ubijabo, ki tii si. Le aa ga yin u ke Jɔnn.

Tibɔnyaan ti Luk ŋmee ti na 1:7

Baa nan kpa ubo. Elisabef nan ye upiiŋoob la. Bi mɔmɔk mu nan por la.

1 Samuel 1:11

Le Hana nan puu tipuur tii Uwumbɔr ke: “Uwumbɔr u yeh mpɔɔn mɔmɔk na, lik mi, saanaagbiipii. Lik ki kan maabɔr, ki teer mbɔr. Taa suln mbɔr. Aa yaa tii mi ubijabo kan, m puu ke m ga di u tii si u tun saatuln waamɔfal mɔmɔk ponn ni, ki taa kuu uyikpir.”

1 Samuel 1:17

Le Eli bui u ke, “Li cha ni nsuudoon, aan Israel yaab Aawumbɔr tii si saah mee u tiwan ni na.”

1 Samuel 1:2

Elkana nan kpa bipiib bilee la, bi nan yin ubaa ke Hana, ki yin uken ke Penina. Penina nan kpa bibilb, le Hana ma aa nan kpa ubaa.

1 Samuel 1:27

M nan mee u ubo wee la, le u tii mi maah ban pu na.