Mpiin 25:20 - Uwumbɔr aagbaŋ

²⁰ Aisak nan ye ŋibin imonko ilee le ki yoor upuu Rebeka u nan ye Betuel aabisal na. Betuel nan ye Aram aatiŋ aanii, kitiŋ ki bi Mesopotamia ni na. Rebeka nan ye Labann aaninkpan la.

Mpiin 25:20 Iomraidhean Croise

Mpiin 22:23

u nan ye Rebeka aate na. Milka le nan ma mbijabim biniin bimina ki tii Nahor, u nan ye Abraham aanaal na.

Mpiin 24:15

Waahr aan u ti mee Uwumbɔr doo na, le Rebeka fuu ni nnyunbun ngbaan taab ki tu libuul. U nan ye Betuel aabisal la, Betuel mu nan ye Abraham aanaal Nahor aajapɔɔn, le Milka nan ye Nahor aapuu.

Mpiin 24:29

Rebeka nan kpa uninja ubaa, bi yin u ke Labann, le u nan san buen nnyunbun mu Abraham aanaagbiija ngbaan nan si mu chee na.

Mpiin 24:67

Le Aisak di Rebeka di koon una Sara aadiik ni, le ki di u ŋa upuu. Aisak nan gee Rebeka pam, le usui nan sɔŋ ki cha u suln una aakun bɔr.

Mpiin 25:26

Ubo u nan paa na nan nyan ni le ki joo Esɔ aataagbeln, nima pu na, bi nan yin u ke Jakob. Aisak nan ye ŋibin imonko itaa le ki ma bijaam ngbaan.

Mpiin 27:43

Maabo, ŋa maah ban m bui si pu na. Siir mala ki san buen nninja Labann do, Harann aatiŋ ni,

Mpiin 28:2

Li cha Mesopotamia aatiŋ ni, aayaaja Betuel do, ki ti yoor nima chee aapiibo, aaweeja Labann aabisatiib ponn ni ubaa.

Mpiin 28:7

U nan bee ke Jakob kii ute ni una aamɔb ki buen Mesopotamia aatiŋ ni.

Mpiin 31:20

Jakob nan ŋmann Labann, le kaa cha u nyi ke u ga nya udo.

Mpiin 31:24

Kinyeek ngbaan le Uwumbɔr nan dan Labann chee tidaŋ ni, le ki bui u ke, “Aa li nyi ki taa ŋa Jakob nibaa.”

Mpiin 33:18

Kina le Jakob nan nyan ni Mesopotamia ki cha le ki ti fuu Sekem aatiŋ, ni laafee; kitiŋ ngbaan nan bi Kanaann aapepel ni la, le u kal nkpaakon mubaa ni, kitiŋ ngbaan chee,

Mpiin 35:26

Le Lea aanaagbiipii Silpa aabim nan ye Gad, ni Aser. Jakob nan ma mbijabim ngbaan mɔmɔk Mesopotamia aatiŋ ponn ni la.

Mpiin 35:9

Jakob aah nan gir nyan ni Mesopotamia aatiŋ ni ki cha kina na, le Uwumbɔr nan ki dan u chee ki nan ŋa tinyoor ŋa u pu,

Mpiin 46:15

Jakob aajapɔtiib bi Lea nan ma u chee Mesopotamia aatiŋ ni na le na, ki kpee ubisal Daina. Waabim ni uyaabitiib bi nyan ni u ni Lea aakaasisik ni na kpaan piitaa ni bitaa la.

Tibɔnyaan ti Luk ŋmee ti na 4:27

Uwumbɔr aabɔnabr Elaisa aayoonn na, bikɔndam nan bi Israel yaab ponn ni ki wiir; le Uwumbɔr aa cha bi ponn ni ubaa pɔɔk. Naamann, u nan ye Siria aatiŋ aanii na baanja le u nan cha u pɔɔk.”

Ikaal 26:5

Le udaan ngbaan ga sil Uwumbɔr aanimbiin ni ki len ke, ‘N‑yaaja nan ye Aram aanii u ye usachuln na la, le ki nan di waamaal buen Ijipt aatiŋ ni ki ti koo nima. Baah nan buen na, baa nan wiir, le ki ti wiir ki ŋa litimbokpaan.