Mpiin 25:11 - Uwumbɔr aagbaŋ

¹¹ Abraham aah nan kpo na, le Uwumbɔr nan ŋa tinyoor ŋa Abraham aabo Aisak pu, le u nan bi nnyunbun mu bi nan yin mu ke “U bi ki waa mi na aanyunbun” chee.

Mpiin 25:11 Iomraidhean Croise

Mpiin 12:2

M ga cha aa maa ki pɔr pam, le saamaal ga ŋa linibokpaan. M ga ŋa tinyoor ŋa aa pu, le aa ga li kpa liyimbil, le aa pu, binib ga kan tinyoor m chee.

Mpiin 12:3

M ga ŋa tinyoor ŋa unii umɔk ŋa tinyoor ŋa aa pu na, ki ga puun lii unii umɔk puun lii aa pu na, le aa pu, m ga ŋa tinyoor ŋa ŋinibol mɔmɔk pu.”

Mpiin 16:14

Nima pu le binib yin nnyunbun mu dɔ Kades ni Bered aakaasisik ni na ke, “U bi ki waa mi na aanyunbun.”

Mpiin 17:19

Le Uwumbɔr nan bui u ke, “Ayii. Aapuu Sara le ga maa ubijabo tii si, le aa ga yin u ke Aisak. M ga cha tipuur ngbaan li bi m ni uma ni uyaabitiib mu aakaasisik ni, ki joo cha n‑yoonn mu kaa kpa ndoon na. Ti ye tipuur ti ga li bi cha, kaa kpa ndoon na la.

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

Mpiin 24:35

Uwumbɔr ŋa tinyoor sakpen ki ŋa u pu, le u ŋa uwankpadaan. Uwumbɔr tii u ipiih, ni iŋoob, ni inaa, ni tikunabr, ni salmaa aamombil, ni binaagbiib, ni laakumii tiib, ni ibon.

Mpiin 24:62

Tɔ, Aisak nan buen kipɔɔk ni, nin chee bi yin ke, “U bi ki waa mi na aanyunbun na” chee, ki nan bi Kanaann aatiŋ ngbaan aaŋangii wɔb la.

Mpiin 26:12

Aisak nan kon ki bun njikaabim kitiŋ ngbaan ni, le u nan chee tijikaar libiln ngbaan ni, nfum nkub ki jer waah bun pu na, ba pu? Uwumbɔr nan ŋa tinyoor ŋa u pu.

Mpiin 26:3

Li koo do, le m ga li bi aa chee, ki ŋa tinyoor ŋa aa pu. M ban ke m di kitiŋ kee mɔmɔk tii sin ni aayaabitiib la. Maah nan puu tipuur ti tii aate Abraham na, m ga li joo ti.

Mpiin 50:24

Le u bui ukpetiib ke, “Ni ŋeer m kpo; Uwumbɔr mu ga sil li joo nimi, ki nyan nimi Ijipt aatiŋ kee ni, ki giin nimi buen kitiŋ ki u nan puu ke u ga di ki tii titetiib Abraham, ni Aisak, ni Jakob na.”

Ilahn 112:2

Uninyaan aabim ga li kpa mpɔɔn kitiŋ pu; uyaabitiib ga kan tinyoor.