Mpiin 24:7 - Uwumbɔr aagbaŋ

⁷ Uwumbɔr u ye paacham aadindaan na, uma le nyan ni mi nte do, ni ndo yaab aatiŋ ni, le ki puu ke u ga di kitiŋ kimina tii m ni n‑yaabitiib. Uma le ga cha waatuun loln aa pu nsan, nima kan, aa ga ti kan upii ki nan tii njapɔɔn.

Mpiin 24:7 Iomraidhean Croise

Mpiin 13:15

M ban ke m di saah waa kitiŋ kimɔk na ki di tii aa ni saamaal, aan ki li ye nimi aatiŋ n‑yoonn mu kaa kpa ndoon na.

Mpiin 15:18

Nima chee le Uwumbɔr nan puu tipuur tii Abram. U nan bui ke, “M puu ke m ga di kitiŋ kimina tii saamaal, ki yoor Ijipt aatiŋ ki ti saa Yufrates aamɔɔl mɔk,

Mpiin 16:7

Uwumbɔr aatuun nan ti kan Hagar nnyunbun mubaa chee, mu nan bi kipɔɔk ni, ki dɔ Sur aasan chee,

Mpiin 17:8

M ga di kitiŋ ki aa ye uwɔwɔnja ki pu na tii si ni aayaabitiib. Kanaann aatiŋ kee mɔmɔk ga li ye aa ni aayaabitiib yaan, le ki cha n‑yoonn mu kaa kpa ndoon na, le m ga li ye Baawumbɔr.”

Mpiin 21:17

Uwumbɔr nan ŋun ubo ngbaan aah wii pu na, le upii ngbaan nan ŋun Uwumbɔr aaneel nyan ni paacham ki baa u ke, “Hagar, ba muk si? Taa san ijawaan, Uwumbɔr ŋun saabo aah wii pu na.

Mpiin 22:11

Le Uwumbɔr aatuun aaneel nyan ni paacham ki yin ke, “Abraham, Abraham.” Le u giin kii ke, “M sɔ.”

Mpiin 24:3

“M ban ke aa puu Uwumbɔr u ye paacham ni taab aadindaan na aayimbil pu, ke saan ban Kanaann aatiŋ kee pu aapiibo tii njapɔɔn.

Mpiin 24:40

Le u bui mi ke Uwumbɔr, u uma Abraham kii waamɔb na le ga cha waatuun dii mi buen ki ter mi, ke m ga kan upii u nyan ni waamaal ni na, ki nan tii ujapɔɔn.

Mpiin 26:24

Kinyeek ngbaan le Uwumbɔr nan bui u tidaŋ ponn ni ke, “Min le ye aate Abraham Aawumbɔr. Taa li san ijawaan; m bi aa chee. M ga ŋa tinyoor ŋa aa pu, ki cha aa maa pɔr, ki li kpa yaabitiib sakpen, ke maah nan puu tii maatutunn Abraham pu na.”

Esra 1:2

“Pesia aanaan aabɔr Sairus le siin nkaal mue. Uwumbɔr u ye Paacham Aadindaan na le ŋa mi dulnyaa wee mɔmɔk aajojoor, le ki tii mi lituln ke m maa lidichal Jerusalem aatiŋ ki bi Juda aatiŋ ni na tii u.

Ilahn 103:20

Nimi Uwumbɔr aatuuntiib bi pɔɔ sakpen ki kii waah len pu na, ki pel waah len pu na, pak uma Uwumbɔr man.

Ilahn 136:26

Di idoon tii Uwumbɔr u bi paacham na man; waageehm aa kpa ndoon.

Ilahn 32:8

Uwumbɔr bui ke, “M ga mɔk si nsan mu aa ga dii na; m ga mɔk si le ki lik si.

Ilahn 34:7

Uwumbɔr aatuun le kii binib bi keei waamɔb na, le ki nyani bi linimaln ni.

Ilahn 73:24

Aa di saamɔkm le mɔk mi nsan, le nimina aadoon na, aa ga nan di kinyuŋ le gaa mi.

Nnyam 13:5

Uwumbɔr nan puu tipuur tii niyaajatiib ke u ga di kitiŋ ki ye Kanaann yaab, ni Hef yaab, ni Amor yaab, ni Hif yaab, ni Jebus yaab aatiŋ na ki di tii nimi la. U yaa nyan nimi ki joo nimi ti fuu kitiŋ ngbaan ki kpa tiwakor aamoŋmɔpaan ni ŋisubil sakpen na ni na kan, ni pɔɔ nibaa ki li toor Lakr‑jer aajim ngbaan, njan aaŋmal libiln mɔk ni.

Nnyam 32:13

Teer saanaagbiib Abraham, ni Aisak, ni Jakob bɔr. Teer tipuur bamɔnn ti aa nan puu, ke aa ga cha bi maa ki pɔr, ki li wiir ke iŋmabi i bi kitaapaak na, ki di kitiŋ ki aa nan puu ke aa ga di tii bi, aan bi li yeh ki n‑yoonn mu kaa kpa ndoon na bɔr.”

Nnyam 33:2

M ga cha maatuun loln ni pu nsan, le m ga jenn nyan Kanaann yaab, ni Amor yaab, ni Hef yaab, ni Peris yaab, ni Hif yaab, ni Jebus yaab.

Aisaya 63:9

Kina pu le u nyan bi baafalaa ni. Naa nan ye waatuun, uma Uwumbɔr ubaa le nan gaa bi lii. Waageehm ni waanimbaasaln pu le u gaa bi lii. N‑yoonn mu jer na le u nan kii bi,

Daniel 2:44

Bibɔrb ngbaan aapuwɔb le Uwumbɔr u bi paacham na ga siin nnaan mu kaan li kpa ndoon na. Ubaa aan ŋmaa nyaŋ mu butɔb ni, le muma tee ga kuln nnaan mɔmɔk ki li bi ki cha n‑yoonn mu kaa kpa ndoon na.

Jona 1:9

Le Jona gar bi ke, “M ye Hiibru aanii la. M dooni Uwumbɔr u ye paacham Aadindaan, ki naan kitiŋ, ni nnyusakpem na la.”

Nkahm 11:12

Maa naan bi, ki mu le aa cha bi ma bi. Ba ŋa aa cha m kpaln unii u joo bi ŋŋaal ni, ke ubiyoor aah yoo mbim pu na, ki joo ni bi kitiŋ ki aa nan puu ke aa ga di tii biyaajatiib na ni?

Nkahm 14:16

ke saah kaan ŋmaa joo saanib ngbaan fuu kitiŋ ki aa nan puu ke aa ga di bi buen ki ponn ni na le cha aa ku bi lii nteersakpiin ni.

Nkahm 14:30

M nan puu ke m ga di kitiŋ ngbaan tii nimi, tɔ, ni ponn ni ubaa aan koo ki ponn ni, see Kaleb ni Josua.

Nkahm 32:11

‘M puu ke naah kaa si nchaŋ ni mbamɔm na, nimi bijab bi ye ŋibin moninko ki jer na ki nan nyan ni Ijipt aatiŋ ni na, naan koo kitiŋ ki m nan puu ke m ga di tii Abraham, ni Aisak, ni Jakob na ni.’

Lituln 7:5

N‑yoonn ngbaan, Uwumbɔr aa nan tii u kitiŋ kibaa do chee na. Waa nan po tii u lisaŋ libaa. U nan puu tipuur tii u ke u ga di kitiŋ kee tii u ni uyaabitiib. N‑yoonn mu Uwumbɔr nan puu tipuur tee tii u na, Abraham aa nan kee kpa ubo.

Ikaal 1:8

Ntim mumina mɔmɔk le min Uwumbɔr nan puu tipuur ke m ga di tii niyaajatiib, Abraham, ni Aisak, ni Jakob, ni biyaabitiib na. Ni li cha ki ti gaa mu man.’”

Ikaal 34:4

Le Uwumbɔr bui Moses ke, “Kitiŋ kee le m nan puu tii Abraham, ni Aisak, ni Jakob, ke m ga di ki tii biyaabitiib na. M cha aanimbil le kan ki, maan cha aa koo ki ni.”

Hiibru Yaab 1:14

Kina kan, waatuuntiib ye ba? Bi mɔmɔk ye iwiin i tun lituln tii Uwumbɔr na la. U tun ni bi ke bi nan ter timi waanib bi ŋmar na.

Hiibru Yaab 11:9

U nan ti fuu kitiŋ ki Uwumbɔr puu tipuur ke u ga di tii u na ni. Le u pak Uwumbɔr aah len pu na, nima le u nan kal nima, ki nan ye uwɔwɔnja. U ni waabo Aisak, ni uyaabil Jakob nan bi nima, ŋiboo ponn ni. Bi mu nan yeh tipuur tichachaan ngbaan la.

Josua 1:6

Pɔɔn aabaa ki li kpa lipobil, sin le ga loln binib ngbaan pu nsan, le bi gaa kitiŋ ki m nan puu ke m ga di ki tii biyaajatiib na.

Josua 24:3

Le min Uwumbɔr nan yin niyaaja Abraham, ki nyan ni u Yufrates Aamɔɔdapuul, le u dan Kanaann aatiŋ kimina ponn ni. M nan tii u yaabitiib pam. Uma le nan ma Aisak,

Tibɔkpiirkaan 11:13

N‑yoonn ngbaan le kitiŋ deŋ pam. Le kitisakpeŋ ngbaan aadir ligeln kipiik lir kitiŋ. Kitiŋ aah deŋ pu na le ni ku binib ŋichur ŋilole. Binib bi gur kaa kpo na, ijawaan chuu bi sakpen, le bi nyuŋ Uwumbɔr u bi paacham na.

Bibɔjirb 2:1

Uwumbɔr aatuun nan nyan Gilgal aatiŋ ni, ki buen Bokim aatiŋ ni, ki ti bui Israel yaab ke, “M nyan ni nimi Ijipt aatiŋ ni, ki di nimi dan kitiŋ ki m nan puu ke m ga di tii niyaajatiib na pu. M nan bui ke, ‘Maan bii tipuur ti m nan puu tii nimi na daalbaadaal.