Mpiin 24:67 - Uwumbɔr aagbaŋ

⁶⁷ Le Aisak di Rebeka di koon una Sara aadiik ni, le ki di u ŋa upuu. Aisak nan gee Rebeka pam, le usui nan sɔŋ ki cha u suln una aakun bɔr.

Mpiin 24:67 Iomraidhean Croise

Mpiin 18:6

Le Abraham nan san buen waadiik ni, upuu Sara chee, ki ti bui u ke, “Ŋa mala, ki ban n‑yon mu ŋan na, ki ŋa tijikaar,”

Mpiin 24:66

Unaagbiija ngbaan nan tuk Aisak waah ŋa pu na mɔmɔk.

Mpiin 25:1

Abraham nan ki yoor upii u bi yin u ke Ketura na, ki di ŋa upuu.

Mpiin 25:20

Aisak nan ye ŋibin imonko ilee le ki yoor upuu Rebeka u nan ye Betuel aabisal na. Betuel nan ye Aram aatiŋ aanii, kitiŋ ki bi Mesopotamia ni na. Rebeka nan ye Labann aaninkpan la.

Mpiin 29:18

Jakob nan gee Rachel sakpen, nima pu le u bui ke, “Aa yaa ga di Rachel tii mi kan, m ga tun lituln ki ti saa ŋibin ŋilole tii si.”

Mpiin 37:35

Le ujapɔtiib ni ubisatiib mɔmɔk nan dan bi nan sɔŋ usui, le u nan yii baasurm ki bui ke, “Hali, m ga di ti kpo, maan suln maabo ngbaan aakun bɔr.” Nima pu na, n‑yoonn mɔmɔk u nan wii Josef aakun aabɔr pu la.

Mpiin 38:12

Ni nan bi cha, le Juda aapuu mu kpo. N‑yoonn mu u toor upuu aakpuul doo na, le u ni ujɔ Hira, u ye Adulam aatiŋ aanii na, nan buen Timna aatiŋ ni, bi ti chee waapiih aakor pu.

Solomonn Aalahn 8:2

M ba ga di si buen nna aadiik ni le aa ti mɔk mi mbɔngeehm. M ba ga tii si ndaan mu nu mɔ na, m ba ga tii si ŋisubil aadaan aan aa nyu.

1 Tesalonika 4:13

Tinaabitiib, ti ban ke ni bee binib bi kpo na aabɔr, aan ki taa li kpa mpombiin, ke binib bi kaa kpa limakl na aah kpa mpombiin pu na.

1 Tesalonika 4:15

Taah ban ti tuk nimi tibɔr ti na, ti ye Tidindaan aabɔr la. Tidindaan aanib bi ga li bi dulnyaa wee ni bundaln u ga gir ni na aan puen binib bi kpo na ki buen paacham.