Mpiin 24:65 - Uwumbɔr aagbaŋ

⁶⁵ le ki baa Abraham aanaagbiija na ke, “Ŋma ye unachipɔɔn u chuun ikpaakon ni ki choo na?” U nan bui ke, “Maaninkpel ye.” Nima pu na, Rebeka nan di kikekengeŋ biin unimbil wɔb.

Mpiin 24:65 Iomraidhean Croise

Mpiin 20:16

U nan bui Sara mu ke, “M ban m tii aaninja ŋimombil lichur aan ni mɔk ke aa kpa mbamɔn, le binib mɔmɔk ga bee ke saa tun bakaa ubaa.”

Mpiin 24:64

Buyoonn Rebeka mu yaar kan Aisak na, le u sunn laakumii pu,

Mpiin 24:66

Unaagbiija ngbaan nan tuk Aisak waah ŋa pu na mɔmɔk.

Mpiin 38:14

Le Tamar fii ki kpeln tikpopiir aawanpeenkaan, le ki di tiwanyaan peen, ki di likekeln liken biin unimbil pu, le ki ti kal Enayim aatiŋ aabisamɔb chee, kitiŋ ngbaan ni le aa ga dii ki buen Timna aatiŋ ni. Tamar nan bee ke Juda aajapɔɔn Sela muun ki ŋa unii a, le uchooja aa di u tii ujapɔɔn ngbaan.

Aisaya 3:23

ni baanimbilikr, ni baabɔkol nyaan, ni baayibubur ti fɔk aan bi joo buu biyil pu na mɔmɔk.

Aisaya 47:2

Chuu labr kinaak ngbaan. Nan n‑yon. Chuu nyan saah di likekeln li bii aanimbil wɔb na. Chuu gbabr saakekenyaan ngbaan. Chuu kuun saawando mam ki puur ikpen.

1 Korenti 11:10

Nima pu na, Uwumbɔr aatuuntiib mu pu, ni ŋan upii buu kiyibubuuk uyil pu, ki mɔk ke u bi kichadiik ni.

1 Timoti 2:9

M ban ke bipiib li pee tiwanpeenkaan ni ŋeer bipiib bi dii Uwumbɔr na, ki li bi suuna, ki taa li kpa kalmbaani, ki taa fiini tiyikpir sakpen siini, ki taa tuun ŋitafajɔn ŋi kpa kidaak na, ki taa gbin nleen mu kpa kidaak na, ki taa li peeni tiwanpeenkaan ni kpa kidaak na.