Mpiin 24:62 - Uwumbɔr aagbaŋ

⁶² Tɔ, Aisak nan buen kipɔɔk ni, nin chee bi yin ke, “U bi ki waa mi na aanyunbun na” chee, ki nan bi Kanaann aatiŋ ngbaan aaŋangii wɔb la.

Mpiin 24:62 Iomraidhean Croise

Mpiin 12:9

U nan ki fii nima chee, ki chuun ki doo nsan ni, ki ti ki fuu Kanaann aapepel li bi ŋŋangii wɔb na.

Mpiin 16:14

Nima pu le binib yin nnyunbun mu dɔ Kades ni Bered aakaasisik ni na ke, “U bi ki waa mi na aanyunbun.”

Mpiin 20:1

Abraham nan fii Mamre aatiŋ ni, le ki buen Kanaann aaŋangii wɔb, ki ti bi Kades ni Sur aakaasisik ni. Nee aapuwɔb le u nan buen ti kal Gerar aatiŋ ni. Waah nan bi nima na,

Mpiin 24:61

N‑yoonn ngbaan le Rebeka ni waanaagbiisapɔmbim mɔmɔk gor, le ki diŋ laakumii tiib pu, ki dii Abraham aanaagbiija ngbaan buen.

Mpiin 25:11

Abraham aah nan kpo na, le Uwumbɔr nan ŋa tinyoor ŋa Abraham aabo Aisak pu, le u nan bi nnyunbun mu bi nan yin mu ke “U bi ki waa mi na aanyunbun” chee.