Mpiin 24:60 - Uwumbɔr aagbaŋ

⁶⁰ Baah nan len tinyoor aaliin i ki ŋa Rebeka pu na sɔ: “Tininkpan, Uwumbɔr pee aa pu mmɔɔnyunsɔm aan aa maa pam; ki cha aayaabitiib nyaŋ baadim mɔmɔk.”

Mpiin 24:60 Iomraidhean Croise

Mpiin 1:28

le ki ŋa tinyoor ŋa bi pu, le ki bui ke, “Maa, ki pɔr, aan ki gbiin kitiŋ kee pu, ki li lik kitiŋ ngbaan. Li kpa mpɔɔn ijan, ni inyoon, ni tiwan nimɔk fu ki baar kitiŋ pu na.”

Mpiin 14:19

le ki ŋa tinyoor ŋa u pu, ki bui ke, “Uwumbɔr u kaa kpa ŋeen aatɔ, ki naan paacham ni kitiŋ na, ŋa tinyoor ŋa Abram pu.

Mpiin 17:16

M ga ŋa tinyoor ŋa u pu, le ki cha u maa ubijabo tii si. M ga ŋa tinyoor ŋa u pu, le u ga li ye ŋitimbol pam aana, le bibɔrb ga nyan ni uyaabitiib ponn ni.”

Mpiin 22:17

nima pu le m puu ke m ga cha aayaabitiib li wiir ke iŋmabi aah bi paacham pu na, ki ga ki li wiir ke limɔɔtanbol li dɔ nnyusakpem aagbaan na. Aayaabitiib le ga li nyaŋni baadim.

Mpiin 24:61

N‑yoonn ngbaan le Rebeka ni waanaagbiisapɔmbim mɔmɔk gor, le ki diŋ laakumii tiib pu, ki dii Abraham aanaagbiija ngbaan buen.

Mpiin 28:3

Uwumbɔr Mpɔɔnsakpiindaan ŋa tinyoor ŋa aa ni aapuu pu, ki cha ni maa pɔr sakpen, nima kan, aa ga li ye ŋitimbol pam aate.

Mpiin 32:1

Jakob mu nan cha, le Uwumbɔr aatuuntiib tooh u nsan ni.

Mpiin 48:20

Nima chee le u ŋa tinyoor ŋa bi pu liyaadaal ngbaan, ki bui ke, “N‑yoonn mumɔk Israel yaab ti ban bi ŋa tinyoor ŋa unii pu na kan, bi ga pur nimi aayimbil, le ki bui ke, ‘Uwumbɔr ŋa aa pu tinyoor ke waah ŋa Efraim, ni Manase pu pu na.’” Jakob aah nan ŋa pu na, ni mɔk ke u nan di Efraim le ŋa upol Manase pu.

Mpiin 9:1

Le Uwumbɔr nan ŋa tinyoor ŋa Nowa ni ujapɔtiib pu, ki bui ke, “Ni maa ki too pɔr kpee, aan niyaabitiib ga pɔr gbiin dulnyaa wee ni.”

Jeremia 29:6

Yoor bipiib ki maa mbim man, ki cha nijapɔtiib mu yoor bipiib, nibisatiib mu mɔn tichar, aan ki mu kan mbim. Ni ŋan ke ni pɔr ki taa seen.

Daniel 7:10

ki naahn ke nnyun le aah puu cha na. Binib ŋichur ŋichur le nan bi nima, bi nan ye binib churbakaa, ki si gbɔk u, bi ti tun waatuln tii u. Le tibɔr aajim aayoonn fuu ni a, le bi kpar tigbann.

Liifai Yaab 25:46

Le bi ga li tun tii nimi, ni nimi aabim, ki li ye nimi aafaal ki ti saa baamɔfal mɔk. Nido yaab Israel aanib ma kan, ni taa ŋa bi mbiin.

Ikaal 21:19

ute ni una di u buen kitiŋ ngbaan ni aayidam chee, ki cha bi ji u tibɔr.