Mpiin 24:6 - Uwumbɔr aagbaŋ

⁶ Abraham nan bui u ke, “Lik suuna, ki taa di njapɔɔn gir buen ndo aatiŋ ni.

Mpiin 24:6 Iomraidhean Croise

Mpiin 24:5

Tɔ, unaagbiija ngbaan nan baa u ke, “Nibaakan, aado aapiibo ngbaan yaa ti bui ke waan nya udo aatiŋ ni ki dan Kanaann aatiŋ ni kan, m giin aajapɔɔn buen saah nyan ni nin chee na aa?”

Mpiin 24:8

Ni yaa ye ke upiibo ngbaan yii ke waan dii ni si kan, naa ki ye saataani, aa nyan tipuur ngbaan ni a. Tɔ, ni yaa ye pu na kan, aa taa di njapɔɔn buen ndo aatiŋ ni.”

Galantiya 5:1

Kristo nan gaa timi lii, ke ti taa ki li bi tinaagbiir ni. Nima pu na, ni li si mbamɔm, ki taa cha tiwan nibaa ki li joo nimi tinaagbiir.

Hiibru Yaab 10:39

Tima kan, taa ye binib bi gir puwɔb aan ki beer yɔli na. Ti ye binib bi tii Uwumbɔr naadii aan ki ŋmar na la.

Hiibru Yaab 11:9

U nan ti fuu kitiŋ ki Uwumbɔr puu tipuur ke u ga di tii u na ni. Le u pak Uwumbɔr aah len pu na, nima le u nan kal nima, ki nan ye uwɔwɔnja. U ni waabo Aisak, ni uyaabil Jakob nan bi nima, ŋiboo ponn ni. Bi mu nan yeh tipuur tichachaan ngbaan la.