Mpiin 24:40 - Uwumbɔr aagbaŋ

⁴⁰ Le u bui mi ke Uwumbɔr, u uma Abraham kii waamɔb na le ga cha waatuun dii mi buen ki ter mi, ke m ga kan upii u nyan ni waamaal ni na, ki nan tii ujapɔɔn.

Mpiin 24:40 Iomraidhean Croise

Mpiin 17:1

Buyoonn Abram nan ti saa ŋibin imonko inaa ni kipiik ni ŋiwae na, le Uwumbɔr nan dan u chee ki nan bui u ke, “Min le ye Uwumbɔr Mpɔɔnsakpiindaan. Tii mi naadii, ki li ŋani ni ŋan na n‑yoonn mɔmɔk.

Mpiin 24:56

U mu nan giin bui bi ke, “Taa cha ti gaar do. Uwumbɔr ter mi pam, cha m gir kun maaninkpel chee.”

Mpiin 24:7

Uwumbɔr u ye paacham aadindaan na, uma le nyan ni mi nte do, ni ndo yaab aatiŋ ni, le ki puu ke u ga di kitiŋ kimina tii m ni n‑yaabitiib. Uma le ga cha waatuun loln aa pu nsan, nima kan, aa ga ti kan upii ki nan tii njapɔɔn.

Mpiin 48:15

le ki mee tinyoor ŋa Josef pu ke: “Uwumbɔr u ye ntetiib Abraham ni Aisak Aawumbɔr na, ŋa tinyoor ŋa mbim bee pu. Cha Uwumbɔr u lik mi ki nan saa din wee na, ŋa tinyoor ŋa bi pu.

Mpiin 5:22

Nee aapuwɔb le Enok nan dii Uwumbɔr aasan mbamɔm, le ki ma mbim muken, le ki nan beenin bi, ki ti saa ŋibin ikui itaa.

Mpiin 5:24

U nan dii Uwumbɔr mbamɔm, le kaa nan kpo. Uwumbɔr le nan di u buen paacham.

Mpiin 6:9

Nowa nan dii Uwumbɔr mbamɔm. U nan ma mbijabim mutaa, ki nan yin bi ke Sem, ni Ham, ni Jafef. Nowa baanja le nan ye uninyaan n‑yoonn ngbaan. Uma le nan dii Uwumbɔr mbamɔm.

1 Bibɔrb 2:3

ki ŋa Aadindaan Uwumbɔr aah bui si ke aa ŋa pu na. Li dii waakaal, ni waamɔkm mɔmɔk, baah ŋmee i pu Moses Aakaal ponn ni na, aan ki kan tinyoor saatuln mɔmɔk ni, ni nin chee mɔk aa buen na.

1 Bibɔrb 3:6

Le Solomonn gar u ke, “Aa nan gee saatutunn, nte David, n‑yoonn mɔmɔk la, le u nan ye uninyaan, ki kii saamɔb, ki bi chob aa ni uma aakaasisik ni. Le aa beenin mɔk u saageehm sakpem mu bi n‑yoonn mɔmɔk na, ki tii u japɔɔn u gaa waanaan din wee na.

1 Bibɔrb 8:23

le ki mee limeel ke, “Israel yaab Aadindaan Uwumbɔr, ubaa aa bi paacham, ni kitiŋ mɔmɔk pu ke sin na. Saanib yaa di bisui mɔmɔk kii tii si kan, le aa joo saah nan puu tipuur ti tii bi na, le ki mɔk bi saageehm.

2 Bibɔrb 20:3

“Uwumbɔr, teer ke m di gaakii tun saatuln ni kipak ŋmeen la, ki pɔɔni mbaa n‑yoonn mɔmɔk ke m ŋa saah ban ke m ŋa pu na,” le ki wii sakpen.

Ilahn 1:3

Bi naahn isui i si gbɔk nkpen na la; i lu ŋisubionn mu ŋeer na la, le yaafar aa kuur. Bi kani tinyoor baatuln mɔmɔk ni.

Ilahn 16:8

M kani Uwumbɔr m chee n‑yoonn mɔmɔk; U duun mi, le nibaa aan ŋmaa foor mi.

Ilahn 91:11

Uwumbɔr ga cha waatuuntiib li joo si ki li kii si nimɔk aa cha na.

Nnyam 23:20

“M ga cha maatuun loln ni pu nsan ki li kii nimi, naah ga li chuun cha nin chee m gor kiir nimi na.

Nnyam 33:2

M ga cha maatuun loln ni pu nsan, le m ga jenn nyan Kanaann yaab, ni Amor yaab, ni Hef yaab, ni Peris yaab, ni Hif yaab, ni Jebus yaab.

Daniel 3:28

Le ubɔr bui ke, “Pak Sadrak, ni Mesak, ni Abednego Aawumbɔr man. U tun ni waatuun le mu nan gaa waanib bitaa bi dii u ki gaa u ki kii na lii. Bi yii maamɔb ke bi ga di baamɔfal pa baah ba ga gbaan ki doon maawaal pu na pu; ke Baawumbɔr baanja le bi ga gbaan ki doon u.

Hiibru Yaab 1:14

Kina kan, waatuuntiib ye ba? Bi mɔmɔk ye iwiin i tun lituln tii Uwumbɔr na la. U tun ni bi ke bi nan ter timi waanib bi ŋmar na.

Tibɔkpiirkaan 22:16

“Min Yesu tun ni maatuun u nan tuk nimi tibɔr tee, ni ti tuk maanib. M ye Ubɔr David aayaabil, ki ye liŋmabil naanyuun li wiin chain na.”

Tibɔkpiirkaan 22:8

Min Jɔnn le ŋun ki kan tiwan nimina. Maah ŋun ki kan ni mɔmɔk doo na, le m gbaan kitiŋ, Uwumbɔr aatuun u mɔk mi tiwan ngbaan na aanimbiin ni, ki ban ke m pak u.