Mpiin 24:31 - Uwumbɔr aagbaŋ

³¹ le ki ti bui u ke, “Dan ti buen ndo, aa ye unii u Uwumbɔr ŋa tinyoor ŋa aa pu na la. Ba ŋa aa nan si do kina? Mpaan bi ndo aa ga ti kan ki doon, le mpaan bi, saalaakumii tiib mu ga koo.”

Mpiin 24:31 Iomraidhean Croise

Mpiin 18:3

le ki bui bi ke, “Ndindatiib, taa jer ndo man, kal ki fuur man; m bi do ke m chann nimi tichann la.

Mpiin 19:2

le ki bui bi ke, “Ndindatiib, taa jer ndo man. M bi do ke m chann nimi tichann la. M gaŋ nimi, dan ndo man, aan ki nan finn nitaa, ki doon kinyeek kee ndo man. Ni yaa fe woln kichakpiik ni kan, ni ki nab nimi aasachuln.” Le bi nan bui Lot ke, “Aayii, ti ga ti doon lipaal, kinyaŋ ponn ni la.”

Mpiin 19:3

U nan bi ki gaŋni bi, le bi ti kii tii u, le ki buen udo. Lot nan cha bi ŋa tijikaar nyaan tii bi, le bi jin.

Mpiin 24:30

Labann nan kan kibɔmbik ni ibuen i nan bi uninkpan aaŋaal pu na, ki ŋun uja ngbaan aah tuk uninkpan pu na. Labann nan buen Abraham aanaagbiija ni waalaakumii tiib aah si nnyunbun mu taab na chee,

Mpiin 26:29

saan ŋa timi bakaa ubaa, ke taah kaa nan ŋa si bakaa pu na. Ti nan ŋa si tibulchinn, le ki cha aa nyan tido nsuudoon ponn ni. Dandana wee, ni kpiir mɔk timi ke Uwumbɔr bi aa chee ki ŋa si tinyoor sakpen.”

Mpiin 29:13

le ute aah ŋun uweeja Jakob aabɔr na, u nan san tooh u nsan pu ki ti bub chuu u ki moor utakpiln, le ki di u buen udo. Jakob nan tuk u naah ŋa pu, u ti dan u chee na.

Ilahn 115:15

Uwumbɔr u naan paacham ni kitiŋ na ŋa waanyoor ŋa ni pu.

Ŋiyataŋak 17:8

Binib bibaa dak ke igaŋgaŋlik tun ke nnyɔk na la; bi kpa gaakii ke i ga ŋmaa ŋa tiwan mɔmɔk tii bi.

Ŋiyataŋak 18:16

Aa ban ke aa kan uninyuun aa? Tii u ipiin, le naan ki li pɔɔ.

Bibɔjirb 17:2

U nan bui una ke, “Unii ubaa aah nan sun aa chee tikunabr aakur aamombil lichur libaa ni nkub na, aa nan puun lii udaan pu. M nan ŋun saah puun pu na. Lik, min le joo ŋi. Min le nan yoor ŋi.” Una nan bui u ke, “Maabo, Uwumbɔr ŋa waanyoor ŋa aa pu.”

Ruf Aagbaŋ 3:10

Le u bui u ke, “Uwumbɔr ŋa tinyoor ŋa aa pu. Saah bi ŋani pu dandana wee na mɔk saah kii tii timi aadichal pu na ki jer saah nan ŋa aachapii pu na. Aa ba ga ŋmaa buen nibaa wɔb ki ti ban unachipɔɔn, u ye uwankpadaan, bee ugiin na, ke aa mɔn, le saa ŋa kina.