Mpiin 24:12 - Uwumbɔr aagbaŋ

¹² Unaagbiija ngbaan nan bi mee Uwumbɔr ke, “Uwumbɔr, u ye maaninkpel Abraham Aawumbɔr na, cha m kan maah ban pu na, ki gbiin saah puu ke aa ga ŋa pu ki tii maaninkpel na.

Mpiin 24:12 Iomraidhean Croise

Mpiin 15:1

Nimina aapuwɔb, le Uwumbɔr nan kpiir ubaa mɔk Abram ki bui u ke, “Abram, taa li san ijawaan. M ga kiir tibɔbir mɔmɔk ti ga dan aa pu na, ki tii si ipiin sakpiin.”

Mpiin 24:21

Unaagbiija na nan si lik upiibo ngbaan suuna, u nan ban u bee ke ni ye Uwumbɔr aageehn aan naa ye.

Mpiin 24:27

U nan bui ke, “M pak Uwumbɔr u ye maaninkpel Abraham Aawumbɔr, ki gbiin waah nan puu tipuur ti tii u na. U cha m nan tuur maaninkpel Abraham aamaal aachiln ni aanii le pu.”

Mpiin 24:42

“N‑yoonn mu m fuu ni nnyunbun chee din wee na, le m mee Uwumbɔr u ye maaninkpel Abraham Aawumbɔr na ke u ter mi,

Mpiin 24:48

le ki gbaan kitiŋ nima chee, ki pak Uwumbɔr u ye maaninkpel Abraham Aawumbɔr na, ba pu? uma le ter mi, le m di nan tuur waamaal aanib do, le ki kan bibisal tii ujapɔɔn.

Mpiin 26:24

Kinyeek ngbaan le Uwumbɔr nan bui u tidaŋ ponn ni ke, “Min le ye aate Abraham Aawumbɔr. Taa li san ijawaan; m bi aa chee. M ga ŋa tinyoor ŋa aa pu, ki cha aa maa pɔr, ki li kpa yaabitiib sakpen, ke maah nan puu tii maatutunn Abraham pu na.”

Mpiin 27:10

Aa di buen ti tii u aan u ji, le u ga ŋa tinyoor ŋa aa pu, aan ki nin kpo.”

Mpiin 27:20

Aisak nan baa u ke, “Maabo, aa ŋa kinye ki kan tinann ngbaan mala kina?” Jakob nan bui u ke, “Aadindaan Uwumbɔr le ter mi.”

Mpiin 28:13

Le u kan ke Uwumbɔr si gbɔk u ki bui u ke, “Min le ye Uwumbɔr, aayaaja Abraham ni aate Aisak Aawumbɔr. M ga di kitiŋ ki aa dɔ ki pu na tii aa ni aayaabitiib.

Mpiin 31:42

Ni yaa kaa ye Uwumbɔr u nte Aisak ni n‑yaaja Abraham nan dii na nan bi m chee kan, kina m ba nyan aado nkuun la. Uwumbɔr aah kan maafalaa ngbaan, ni maah tun tii si pu na, le kinyeek na u fe bui si mbamɔn.”

Mpiin 32:10

Lik saah ŋa mi, saanaagbiija, tiŋann, ni saah kii mi ki joo mi pu na; maa ba ŋeer aa ŋa mi kina. Maah nyan ni nte do ki puur Jɔɔdann aamɔɔl na, m nan joo kijaangbeek baanja la, le dandana wee, sin pu, m kpa ŋiniker ŋilee, ni tiwakor ŋiker ŋilee ŋimina.

Mpiin 32:9

Le Jakob mee Uwumbɔr ke, “N‑yaaja Abraham, ni nte Aisak Aawumbɔr, ŋun maameel. Uwumbɔr, sin le bui mi ke m gir kun maatiŋ, ni ndo yaab chee, ke aa ga li kii ki ter mi tiwan mɔmɔk ni.

Mpiin 43:14

Uwumbɔr Mpɔɔnsakpiindaan cheen nimi, ki cha uja ngbaan ti san nimi kinimbaak, ki giin Benjaminn ni nikpel uken na mu tii ni nimi. Min kan, ni yaa ye ke m ga kɔŋ maabim le kan, see ni ŋa kina.”

1 Bibɔrb 18:36

Naah nan ŋeer nwiin pu aatork yoonn na, le Elaija buen ti sil kitork ngbaan chee ki mee ke, “Abraham, ni Aisak, ni Jakob Aadindaan Uwumbɔr, mɔk dandana ke sin le ye Israel yaab Aawumbɔr, le m ye saatutunn ki bi ŋani nimina saah tuk mi pu na pu la.

2 Bibɔrb 2:14

le ki di Elaija aakpalk na faa nnyun ngbaan, le ki bui ke, “Elaija Aadindaan Uwumbɔr bi la chee?” le ki ki gir faa nnyun ngbaan, le mu yakr nfum mulee pu, le u chuun puur lidapuul.

Nehemia 1:11

Li pel maameel, ni saanaagbiib bimɔk ban ke bi nyuŋ si na mu aameen. Tii mi maah ban pu na din wee ki cha ubɔrkpaan ngbaan san mi kinimbaak.” N‑yoonn ngbaan, min le nan ye ubɔrkpaan ngbaan aadaan aaninkpel.

Nehemia 2:4

Le ubɔrkpaan ngbaan ki baa mi ke, “Ni ye ba le aa ban?” Le m mee Uwumbɔr u bi Paacham na,

Ilahn 118:25

Uwumbɔr, gaa timi lii. Uwumbɔr, tii timi linyaŋ.

Ilahn 122:6

Mee Uwumbɔr ke u cha nsuudoon li bi Jerusalem ni man; “Cha binib bi gee Jerusalem na kan liwangol.

Ilahn 127:1

Uwumbɔr yaa kaa maa lidichal kan, udimaar aatuln ye fam la; Uwumbɔr yaa kaa kiir kitiŋ kan, ukikiir u si kii na aatuln ye fam la.

Ilahn 37:5

Di aabaa tii Uwumbɔr; di naadii tii u, aan u ter si;

Nnyam 3:15

Tuk Israel yaab ke min, U‑ye‑na, u ye niyaajatiib Abraham, ni Aisak, ni Jakob Aawumbɔr na le tun ni si bi chee. Bi ga li yin mi kina le n‑yoonn mu kaa kpa ndoon na. Kina le n‑yoonn mu choo na aanib ga li yin mi.

Nnyam 3:6

Min le ye aayaajatiib Aawumbɔr, min le ye Abraham, ni Aisak, ni Jakob Aawumbɔr.” Nima pu na, Moses nan biin unimbil pu, kaa nan kaa u lik Uwumbɔr.

Ŋiyataŋak 3:6

Teer Uwumbɔr bɔr, saatuln mɔmɔk ni, le u ga mɔk si nsanyaan.

Matiu 22:32

ke uma le ye Abraham, ni Aisak, ni Jakob Aawumbɔr. Uwumbɔr yaa len ke u ye binib bi kpo na Aawumbɔr kan, nima le mɔk ke bi kpa limɔfal.”

Filipi 4:6

Ni taa cha ilandak li muk nimi tiwan nibaa pu. Ni li mee Uwumbɔr tiwan mɔmɔk pu, ki gaŋni u, ki dooni u ki tuk u naah ban pu na mɔmɔk.