Mpiin 24:10 - Uwumbɔr aagbaŋ

¹⁰ Unaagbiijapol u nan joo Abraham aawan mɔmɔk na nan nyan waaninkpel Abraham aalaakumii kipiik, ni tiwan pam, le ki buen Abraham aanaal Nahor aah bi kitiŋ ki na ni, ki bi Mesopotamia aatiŋ aaŋangan wɔb la.

Mpiin 24:10 Iomraidhean Croise

Mpiin 11:26

Tera nan ti saa ŋibin imonko itaa ni kipiik, le ki ma ujapɔtiib, bi nan yin bi ke Abram, ni Nahor, ni Harann.

Mpiin 11:29

Abram nan yoor Sarai, le Nahor mu yoor Harann aabisal Milka. Harann mu nan ye Iska aate.

Mpiin 11:31

Le Tera nan yoor ujapɔɔn Abram, ni uyaabil Lot u aate nan ye Harann na, ki kpee ubipuu Sarai, u ye Abram aapuu na, le ki di bi nyan Ur aatiŋ ki nan bi Babiloŋ yaab aatiŋ ni na, le ki di bi nyan ki cha Kanaann yaab aatiŋ ni. Bi nan ti fuu Harann aatiŋ ni, le ki kal nima.

Mpiin 11:32

Tera nan saa ŋibin ikui ilee ni ŋiŋmu, le ki kpo Harann aatiŋ ngbaan ni.

Mpiin 22:20

N‑yoonn mbaa le Abraham nan ŋun ke Milka nan ma mbim biniin tii unaal Nahor. Bima sɔ:

Mpiin 24:2

U nan bui waanaagbiijapol u lik waatuln mɔmɔk na, ke u di uŋaal ŋa uma Abraham aataapaln taab, ki puu tipuur ke,

Mpiin 24:22

Waah nan lun nnyun tii laakumii tiib ngbaan mɔmɔk doo na, le uja ngbaan nyan salmaa aakur aabɔmbik ki kpa kidaak na, ni salmaa aakur aabuen ilee, ki di tii upiibo ngbaan,

Mpiin 24:53

Le u nyan ŋikeken, ni tikunabr, ni salmaa aatakpanyaan tii Rebeka. U nan ki tii upiibo ngbaan aana ni uninja tiwan ni kpa kidaak na.

Mpiin 27:43

Maabo, ŋa maah ban m bui si pu na. Siir mala ki san buen nninja Labann do, Harann aatiŋ ni,

Mpiin 29:1

Jakob nan fii Betel aatiŋ ni, le ki nab waasachuln pu ki cha liwipuul wɔb.

Mpiin 29:2

Waah cha na, le u ti kpaan nyan nnyunbun mubaa pu, le ki kan ipiih ŋiker ŋitaa pu dɔ mann goln nnyunbun ngbaan. Bipihkpaab bi nan joo ipiih ngbaan na nan lu nnyunbun ngbaan aanyun le tii ipiih ngbaan le i nyu, le bi nan di litakpasakpeln libaa di biin nnyunbun ngbaan aamɔb.

1 Bibɔrb Aabɔr 19:6

Ubɔr Hanunn ni Amonn yaab nan bee ke bi ŋa David baadin, le bi buen ti pan tikunabr aamombil ŋichur piitaa ni ŋinaa tii Mesopotamia aapaacham wɔb, ni Maaka, ni Soba aatim mu bi Siria aatiŋ pu na aajab ke bi nan ter bi butɔb ni.

Lituln 2:9

Timi bibaa nyan ni Patia aatiŋ ni, bibaa mu nyan ni Media aatiŋ ni, bibaa mu nyan ni Elam aatiŋ ni, bibaa mu nyan ni Mesopotamia aatiŋ ni, bibaa mu nyan ni Judea aatiŋ ni, bibaa mu nyan ni Kapadosia aatiŋ ni, bibaa mu nyan ni Pontus aatiŋ ni, bibaa mu nyan ni Asia aatiŋ ni,

Ikaal 23:4

Naah nan nyan ni Ijipt aatiŋ ni ki choo na, Amonn yaab nan yii, kaa tii nimi tijikaar ni nnyun; Moab yaab nan yoor Beor aajapɔɔn u bi nan yin u ke Balaam aan u nyan ni Petor aatiŋ ki bi Mesopotamia aapepel ni na, ke u nan puun lii ni pu.