Mpiin 24:1 - Uwumbɔr aagbaŋ

¹ N‑yoonn mue, Abraham nan por pam, le Uwumbɔr nan ŋa tinyoor ŋa waatuln mɔmɔk pu.

Mpiin 24:1 Iomraidhean Croise

Mpiin 12:2

M ga cha aa maa ki pɔr pam, le saamaal ga ŋa linibokpaan. M ga ŋa tinyoor ŋa aa pu, le aa ga li kpa liyimbil, le aa pu, binib ga kan tinyoor m chee.

Mpiin 13:2

Abram nan kpa liwangol pam: u nan kpa ipiih, ni iŋoob, ni inaa, ki kpee ŋimombil pam.

Mpiin 18:11

Abraham ni upuu Sara nan por pam, le Sara aa nan ki fu tipiir.

Mpiin 21:5

N‑yoonn ngbaan Abraham nan ye ŋibin nkub le ki nin ma Aisak.

Mpiin 24:35

Uwumbɔr ŋa tinyoor sakpen ki ŋa u pu, le u ŋa uwankpadaan. Uwumbɔr tii u ipiih, ni iŋoob, ni inaa, ni tikunabr, ni salmaa aamombil, ni binaagbiib, ni laakumii tiib, ni ibon.

Mpiin 25:20

Aisak nan ye ŋibin imonko ilee le ki yoor upuu Rebeka u nan ye Betuel aabisal na. Betuel nan ye Aram aatiŋ aanii, kitiŋ ki bi Mesopotamia ni na. Rebeka nan ye Labann aaninkpan la.

Mpiin 26:12

Aisak nan kon ki bun njikaabim kitiŋ ngbaan ni, le u nan chee tijikaar libiln ngbaan ni, nfum nkub ki jer waah bun pu na, ba pu? Uwumbɔr nan ŋa tinyoor ŋa u pu.

Mpiin 49:25

Mbamɔn, uma aate Aawumbɔr le ga ter si. Uwumbɔr Mpɔɔnsakpiindaan, uma le ga ŋa tinyoor ŋa aa pu, le ki tii si utaal u nyan ni paacham na, ki tii si nnyun mu nyan ni taab na, ki tii si tiwakor ni mbim pam,

1 Bibɔrb 1:1

Ubɔr David nan por sakpen, le waatutum nan joo ŋikeken ŋi nyuun na biini u pu, ŋi mu aa nan ŋmaa lee u tiwoor.

Ŋiyataŋak 10:22

Uwumbɔr aanyoor le tii si liwankpal. Aabaa aatusakpeln aan ŋmaa ŋa si uwankpadaan.

Aisaya 51:2

Dakl ki lik man niyaaja Abraham aabɔr, ni Sara, niyaa u ma nimi na. Maah nan yin Abraham na, waa nan kpa ubo, le m tii mmɔɔnyunsɔm ŋa upuu pu ki tii u mbim; m cha uyaabitiib wiir sakpen.

Matiu 6:33

Ni li ban Uwumbɔr aanaan, ni waasanyaan le waahr; le u ga di tiwan ngbaan mɔmɔk kpee nimi.

Tibɔnyaan ti Luk ŋmee ti na 1:7

Baa nan kpa ubo. Elisabef nan ye upiiŋoob la. Bi mɔmɔk mu nan por la.

Galantiya 3:9

Nima pu na, Uwumbɔr ga ŋa tinyoor ŋa binib bi gaa u ki kii na pu, ke waah nan ŋa tinyoor ŋa Abraham u nan gaa u ki kii na pu na.

Efesusi 1:3

Cha ti pak Uwumbɔr, u ye Tidindaan Yesu Kristo Aate na. Taah kpaan Kristo ni na, le Uwumbɔr ŋa tinyoor ŋa ti pu, ki tii timi Waafuur Nyaan aapiin mɔmɔk paacham.

1 Timoti 4:8

Unii yaa san ke uwon yabr kan, ni kpa tinyoor siib la. Unii yaa chuu ubaa ki bae Uwumbɔr aasan kan, nima le ye tinyoor sakpen ki tii u. Ba pu? Uwumbɔr puu tipuur ke nima le ga tii binib limɔfanyaan dandana wee, ni n‑yoonn mu choo na.