Mpiin 23:4 - Uwumbɔr aagbaŋ

⁴ “M ye uwɔwɔnja, le ki nan bi ni chee; kooh nimi aatiŋ ngbaan nibaa chee tii mi aan m di mpuu sub nima.”

Mpiin 23:4 Iomraidhean Croise

Mpiin 17:8

M ga di kitiŋ ki aa ye uwɔwɔnja ki pu na tii si ni aayaabitiib. Kanaann aatiŋ kee mɔmɔk ga li ye aa ni aayaabitiib yaan, le ki cha n‑yoonn mu kaa kpa ndoon na, le m ga li ye Baawumbɔr.”

Mpiin 23:5

Bi nan bui u ke,

Mpiin 3:19

Aa ga ko le kitotoŋ naa si waahr, le aa nin kan tijikaar ki ji, ki ti saa saakundaal. Le aa ga ki gir koo titan ni; ba pu? aa nyan titan ni la. M nan di titan le naan si, le aa ga ki kpaln titan.”

Mpiin 47:9

Le Jakob bui u ke, “Maah chuun ki mann gonni pu na, m saa ŋibin nkub ni piitaa la. Ŋibin ngbaan aa wiir, ki mu ye linimaln la, kaa wiir ke n‑yaajatiib aabin aah nan wiir pu na.”

Mpiin 49:30

Li bi Makpela aatiŋ ni, Mamre aawipuul wɔb. Abraham nan daa bukpaab, ni likaakul ngbaan Efronn chee la.

Mpiin 50:13

bi nan yoor uwon ki di buen Kanaann aatiŋ ni, ki ti di u sub likaakul li bi Makpela ni, Mamre aawipuul wɔb, bukpaab bu Abraham nan daa Efronn u ye Hef aanii na chee ke nima chee li ye waamaal aacheek na.

1 Bibɔrb Aabɔr 29:15

Uwumbɔr, aa nyi ke ti bi limɔfal lee ponn ni ke biwɔwɔm ni bicham na, ke tiyaajatiib aah nan bi pu na la. Timi aamɔfal aawiin naahn kijunjuŋ ki jer cha na la, le taa ŋmaa minn nkun.

Job Aagbaŋ 30:23

M nyi ke aa joo mi cha maakun ni la, aa joo mi cha ndoon mu dɔ kii unii mɔmɔk na ni la.

Ilahn 119:19

Maan yunn kitiŋ kee pu, kina pu na, taa di saakaal bɔr mi.

Ilahn 39:12

Uwumbɔr, ŋun maameel, ki ŋun maawiil; m yaa wii kan, dan ki nan ter mi. Aa chee, m yunn siib ke uchaan na le dulnyaa wee ni, ke n‑yaajatiib aah nan bi pu na la.

Nnyam 2:22

le u ma ubijabo tii u. Le Moses bui usui ni ke, “M ye uwɔwɔnja le kitiŋ kee ni, nima pu na, m ga yin ubo ngbaan ke Gesom.”

Ulandaan 12:5

Aa ga li san ke aa tɔŋ tiwan ni fɔk paacham na ijawaan, le lisachuln ga li ye tiwan ni bir na le aa chee. Aayikpir ga piir, le saan ki ŋmaa yoor aataa paacham ki chuun. Lineen mɔmɔk ga nya aa chee. Ti cha timi aakookoo aafuur chee la, le ikpowiil ga li bi kitiŋ ponn ni.

Ulandaan 12:7

Timi aawon ga ki gir kpaln kitiŋ aatan, le limɔfal aafuurk ga gir buen Uwumbɔr u di li tii timi na chee.

Ulandaan 6:3

Uja ga ŋmaa li kpa mbim nkub, ki yunn pam, tɔ, u gee u yunn dulnyaa ni ba pu, u yaa kaa jin waamɔɔn, kaa kan likpuul li nyuun na kan, ubo u kpo una aaponn ni ki nyan ni na soor u.

Liifai Yaab 25:23

Ni taa di nimi aatiŋ kooh tii ubaa u li joo ki kookoo, ba pu? nimi le aa yeh kitiŋ ngbaan, Uwumbɔr le yeh ki. Ni naahn biwɔwɔm la, le u di ki tii nimi, ni li ko ki ji.

Lituln 7:16

Baah kpo na, le bi yoor bi ki di dan Sekem aatiŋ ki bi do chee na ni, ki ti di bi sub. Bi nan sub bi nfal mu Abraham nan di ŋimombil daa Hamor yaab chee na ponn ni la.

Lituln 7:5

N‑yoonn ngbaan, Uwumbɔr aa nan tii u kitiŋ kibaa do chee na. Waa nan po tii u lisaŋ libaa. U nan puu tipuur tii u ke u ga di kitiŋ kee tii u ni uyaabitiib. N‑yoonn mu Uwumbɔr nan puu tipuur tee tii u na, Abraham aa nan kee kpa ubo.

Hiibru Yaab 11:9

U nan ti fuu kitiŋ ki Uwumbɔr puu tipuur ke u ga di tii u na ni. Le u pak Uwumbɔr aah len pu na, nima le u nan kal nima, ki nan ye uwɔwɔnja. U ni waabo Aisak, ni uyaabil Jakob nan bi nima, ŋiboo ponn ni. Bi mu nan yeh tipuur tichachaan ngbaan la.

1 Piita 2:11

Maanigeekaab, ni ye biwɔwɔm ni bisachum dulnyaa wee ni la. Nima pu na, m gaŋ nimi, ni taa kii nisui aah gee pu na; ba pu? nisui aah gee pu na kiir nimi Uwumbɔr aasan ni.