Mpiin 22:3 - Uwumbɔr aagbaŋ

³ Naah woln kichakpiik ni na, le Abraham ban idɔ ki di paan waabon pu, le ki yoor Aisak ni waanaagbiib bilee ki di kpee ubaa pu. Le bi piin ki cha Uwumbɔr aah nan mɔk u kitiŋ ki na ni.

Mpiin 22:3 Iomraidhean Croise

Mpiin 17:23

Nwiin ngbaan daal, le Abraham nan gaa Uwumbɔr ki kii waamɔboln pu, le ki gii ujapɔɔn Ismael, ni bijab bimɔk nan bi udo lichiln ni na aachakpan. Bijab ngbaan le ye waah nan daa binaagbiib bi na, ni baabijabim mɔmɔk.

Mpiin 21:14

Ni woln kichakpiik ni le Abraham ban tijikaar, le ki ban nnyun ŋa ntuun ni, ki di baln Hagar aabɔgbiln pu, le ki di waabo ngbaan tii u, le ki bui u ke u li cha. Hagar nan chuun le ki yenni Beerseba aateersakpiin ni.

Mpiin 22:18

Aayaabitiib pu, le m ga ŋa tinyoor ŋa ŋinibol mɔmɔk pu, ni mu ye le ke aa kii maamɔb la.”

Mpiin 22:2

Uwumbɔr nan bui u ke, “Di aajapɔɔn, u ye aajapɔnbaal Aisak, aan aa gee u sakpen na, ki di u buen Moria aatiŋ ni. Nima chee m ga mɔk si lijool libaa paab, aa di u toor kitork tii mi nima chee.”

Mpiin 22:4

Iwiin itaa daal, le bi nan lik ki waa kitiŋ ngbaan dandar.

Ilahn 119:60

M kii saakaal kaan taan kpala.

Ulandaan 9:10

Aa yaa bi tun lituln limɔk na kan, di saapɔɔn mɔmɔk tun li, ba pu? lituln, ni ilandak, ni ichiin, ni Uwumbɔr do aalan aa bi kitekpiitiŋ ni. Nima chee mu le aa cha.

Matiu 10:37

“Unii umɔk gee ute, bee una ki jer mi na, waa ŋeer u le ye maadidiir. Unii umɔk gee ujapɔɔn, bee ubisal ki jer mi na, u mu aa ŋeer u le ye maadidiir.

Tibɔnyaan ti Luk ŋmee ti na 14:26

“Unii yaa dan u nan dii mi, ki yaa kaa gee mi ki jer waah gee ute ni una, ni upuu, ni waabim, ni unaatiib, ni ukpetiib, ni uninkpatiib, ni waamɔfal pu na kan, waan ŋmaa dii mi.

Galantiya 1:16

Waageehn pu le u kpiir Ujapɔɔn aah bi pu na mɔk mi, ke m buen ti tuk binib bi kaa ye Juu yaab na waabɔr. Waah ŋa kina na, le maa buen unii ubaa chee ki ti kpokl maah ga ŋa pu na,

Hiibru Yaab 11:8

Uwumbɔr nan yin Abraham, ki bui u ke u buen kitiŋ ki u puu tipuur ke u ga di tii u na. Abraham aah nan gaa Uwumbɔr ki kii pu na le u kii waamɔb, le ki nyan waatiŋ ni, ki buen, kaa nyi waah cha nin chee na.

Josua 3:1

Naah woln kichakpiik ni na, Josua ni Israel aanib ngbaan mɔmɔk nan fii lichakpitaawoln, le ki nyan Sitim aatiŋ ni, ki buen Jɔɔdann Aamɔɔl chee. Bi nan bi nima chee ki kii nwiin mu bi ga puur li na.

Josua 8:10

Naah woln kichakpiik ni na, le Josua yin bijab ngbaan mɔmɔk ke bi kuun ni. Le u ni bijab ngbaan aaninkpiib di bi buen bi ti to Ai yaab butɔb.