Mpiin 22:1 - Uwumbɔr aagbaŋ

¹ N‑yoonn mbaa le Uwumbɔr nan tɔŋ Abraham: u nan yin u ke, “Abraham.” Le Abraham kii ke, “M sɔ.”

Mpiin 22:1 Iomraidhean Croise

Mpiin 15:1

Nimina aapuwɔb, le Uwumbɔr nan kpiir ubaa mɔk Abram ki bui u ke, “Abram, taa li san ijawaan. M ga kiir tibɔbir mɔmɔk ti ga dan aa pu na, ki tii si ipiin sakpiin.”

Mpiin 21:11

Le ni bii Abraham aasui pam, ba pu? Ismael mu nan ye waabo la.

Mpiin 22:11

Le Uwumbɔr aatuun aaneel nyan ni paacham ki yin ke, “Abraham, Abraham.” Le u giin kii ke, “M sɔ.”

Mpiin 22:7

Baah nan chuun cha na, le Aisak bui ke, “Nte.” Le u kii ke, “Maabo, m sɔ.” Le Aisak baa u ke, “M kan aa joo mmii ni idɔ, tɔ, upihbo u ti ga di toor kitork na bi la chee?”

Mpiin 37:13

Le bite Jakob bui Josef ke, “M ban ke aa buen Sekem aatiŋ ni, aakpetiib aah bi nin chee ki kpaa tiwakor na.” Le Josef bui u ke, “M gor ke m buen.”

Mpiin 46:2

Le Uwumbɔr nan len u chee kinyeek, tidaŋ ni, ki yin u ke, “Jakob, Jakob.” Le u kii ke, “M sɔ.”

2 Samuel 24:1

Uwumbɔr nan ki gee Israel yaab pu liŋuul, le ki cha David ban tibɔr tii bi. Uwumbɔr nan bui u ke, “Li cha ki ti kahn Israel ni Juda aanib.”

2 Bibɔrb Aabɔr 32:31

le Babiloŋ aaninkpiib aah nan dan ke bi nan baa ki bee budabu tun iwaan aatuln kitiŋ ngbaan pu na, Uwumbɔr di Hesekia lii ke u ŋa ubaa aageehn. U nan ŋa kina ke u tɔŋ u ki lik waabimbin la.

Ilahn 11:5

U tɔŋni ki lik binib bi ŋan na, ni bi kaa ŋan na mɔmɔk la, kaa gee binib bi kaa dii waakaal na.

Nnyam 16:4

Le Uwumbɔr bui Moses ke, “Dandana wee, m ga cha tijikaar nyan ni paacham ki lir ni kitiŋ, ki tii ni mɔmɔk. Tɔ, binib ngbaan ga ban tijikaar ngbaan iwiin mɔmɔk ki ti ŋeer nwiin mubaa aajim. Nimina le ga cha m bee ke binib ngbaan ga joo maakaal aan baan joo.

Nnyam 3:4

Buyoonn Uwumbɔr kan ke Moses ŋɔŋ mmii ngbaan chee na, le u yin u mmii ngbaan ni ke, “Moses, Moses.” U nan kii ke, “M sɔ.”

Ŋiyataŋak 17:3

Mmii le bi joo tɔŋni salmaa ni tikunabr, Uwumbɔr mu le tɔŋni unibɔn aasui lik.

Aisaya 6:8

N‑yoonn ngbaan le m ŋun Ndindaan aaneel len ke, “M ga tun ŋma? Ŋma ga li ye timi aatuun?” Le m bui ke, “M ga buen. Tun mi.”

1 Korenti 10:13

Naa kee kan ntɔŋ mu pɔɔ ki jer unibɔn mɔk aah kani pu na. Uwumbɔr ye mbamɔndaan, kaan cha ni kan ntɔŋ mu jer nimi na. Ni yaa kan ntɔŋ kan, u ga toor nsan tii nimi, ni nyaŋ ntɔŋ ngbaan. Nima le ni ga li kpa limɔr ntɔŋ ponn ni.

Ikaal 13:3

ni taa kii tii u. Naa kee dii ŋiwaa ngbaan. Nidindaan Uwumbɔr ban ke u di unii ngbaan tɔŋ nimi ki lik ke ni gee u nisui mɔmɔk ni aan naa gee u.

Ikaal 8:16

Nteersakpiin ngbaan ni, le u nan tii nimi tijikaar ti bi yin ti ke mana na, le ni jin, tijikaar ti niyaajatiib aa nan nyi ti na. U nan cha falaa pii nimi ke u ŋaŋ nimi; nima kan, naadoon na, ni yaa nan nyaŋ kan, u ga ŋa tinyoor ŋa ni pu.

Ikaal 8:2

Ni teer ŋibin imonko ilee ŋi jer na ponn ni, Nidindaan Uwumbɔr aah nan loln ni pu nsan dandar mumina, nteersakpiin ni pu na. U nan di ŋimuk aabɔŋ tɔŋ nimi, ke u lik naah ga ŋa pu na, ki ki lik ke ni ga joo waakaal aan naan joo i.

Hiibru Yaab 11:17

Uwumbɔr nan puu tipuur tii Abraham ke u ga kan yaabitiib waabo Aisak pu, le Abraham nan gaa tipuur ngbaan. Le Uwumbɔr tɔŋ u, ki bui u ke u di waabo toor kitork tii u. Waanaadii pu le u nan kii, ki di waabo u nan ye libibaal na, u ti kɔr u ki toor kitork tii Uwumbɔr.

Jemisi 2:21

Tiyaaja Abraham nan tun litunyaan. Nima le nan mɔk ke waabɔr ŋan Uwumbɔr chee; ba pu? u nan di ujapɔɔn Aisak ki di paan kitork aabimbiln paab, u di toor kitork tii Uwumbɔr.

1 Piita 1:7

ba pu? falaa ngbaan ga mɔk ke ni gaa Yesu ki kii mbamɔm aan naa gaa. Naah gaa u ki kii pu na jer salmaa u ga bii na. Bi joo salmaa pu mmii ponn ni ke bi lik ke u ŋan aan waa ŋan. Kina le Uwumbɔr cha ni ji falaa ke u lik ke ni gaa u ki kii mbamɔm aan naa gaa. Ni yaa gaa u ki kii mbamɔm kan, le ni ga kan mpakm ni nnyuŋ bundaln Yesu Kristo ga nyan ubaa mpaan pu na.

Bibɔjirb 2:22

M ga di bima le lik ke Israel yaab bimina ga dii maasan ke biyaajatiib aah nan dii pu na aan baan dii.”

1 Samuel 3:4

le Uwumbɔr yin Samuel. Samuel nan kii ke, “Maaninkpel, m sɔ,”