Mpiin 21:21 - Uwumbɔr aagbaŋ

²¹ Una nan yoor Ijipt yaab aapiibo le tii u.

Mpiin 21:21 Iomraidhean Croise

Mpiin 14:6

ni Hor yaab bi nan bi Edom aajoo pu na, ki san dii bi ti saa Elparann aatiŋ ki bi nteersakpiin aagbaan na.

Mpiin 16:3

Nima pu na, Sarai nan di Hagar tii uchal Abram, le u di u ŋa upuu. Nimina nan ŋa buyoonn Abram nan bi Kanaann aatiŋ ni ki ti saa ŋibin kipiik na la.

Mpiin 25:18

Ismael aayaabitiib nan bi Hafila ni Sur aakaasisik ni, ki cha Ijipt aawipuul wɔb ki bi Asiria aasan chee na. Bi ni Abraham aamaal biken aa nan kpaan bi tɔb chee.

Mpiin 27:46

Le Rebeka bui uchal Aisak ke, “Esɔ aapuutiib aabimbin aah bi pu na muk mi sakpen, ki cha naa mɔ mi n‑yoonn mɔmɔk. Jakob mu yaa ki yoor Hef yaab aapiibo ubaa kan, naan ki li mɔ kpala.”

1 Bibɔrb 11:18

Bi nan fii Midiann aatiŋ ni le ki di buen Parann aatiŋ ni, nima chee le bijab bibaa nan ti kpee bi pu. Le bi mɔmɔk chuun buen Ijipt aatiŋ ni, ki ti buen ubɔr chee, le ubɔr ngbaan tii Hadad kitiŋ ni lidichal, ki tii u tijikaar.

2 Bibɔrb Aabɔr 24:3

Jehoyada nan ban bipiib bilee le tii Joas, le bi ma mbijabim ni mpiibim tii u.

Jeremia 29:6

Yoor bipiib ki maa mbim man, ki cha nijapɔtiib mu yoor bipiib, nibisatiib mu mɔn tichar, aan ki mu kan mbim. Ni ŋan ke ni pɔr ki taa seen.

Habakuk 3:3

Uwumbɔr ki nyan ni Edom aatiŋ ni ki choo; Uwumbɔr u ye chain na nyan ni Parann aagongon pu ki choo. Waanyuun gbiin paacham, le waapak mu gbiin kitiŋ kee pu.

Nkahm 10:12

Le Israel yaab nan piin lisachuln Sainai Aateersakpiin ni. Ntaalangbam ngbaan nan ti sil Parann Aateersakpiin ni la.

Nkahm 12:16

Nee aapuwɔb le binib ngbaan fii Haserof Aateersakpiin ni, ki ti kal Parann Aateersakpiin ni.

Nkahm 13:26

nee aapuwɔb, le bipepekb ngbaan gir ni Moses, ni Aaronn, ni Israel yaab mɔmɔk chee, Kades aatiŋ ki bi Parann Aateersakpiin ni na. Bi nan bui bi baah kan pu na, ki mɔk bi nima chee aasubil ŋi bi nan joo ni na.

Nkahm 13:3

Le Moses nan kii kina ki nyan bisalolm ngbaan, Parann Aateersakpiin ni, ki tun bi. Baah nan nyan bi na sɔ: Linibol Usaloln Rubenn Sakur aajapɔɔn Samua Simeonn Hori aajapɔɔn Safat Juda Jefune aajapɔɔn Kaleb Isakar Josef aajapɔɔn Igal Efraim Nunn aajapɔɔn Hosea Benjaminn Rafu aajapɔɔn Palti Sebulunn Sodi aajapɔɔn Gadiel Manase Susi aajapɔɔn Gadi Dann Gemali aajapɔɔn Amiel Aser Maikel aajapɔɔn Setur Naftali Fofsi aajapɔɔn Nabi Gad Maki aajapɔɔn Gewel

1 Korenti 7:38

Nima pu na, uja u kunn ubisal uchal do na, u ŋa ni ŋan na la. Uja u mu kaa kunn ubisal uchal do na, u ŋa ni ŋan na ki jer uja u kunn ubisal uchal do na.

Bibɔjirb 14:2

U nan gir kun le ki ti bui ute ni una ke, “Filistia aasapɔɔn ubaa bi Timna aatiŋ ni ki koo nsui ni sakpen. Ban u tii mi man; m gee ke m di u ŋa mpuu.”

1 Samuel 25:1

Samuel nan kpo, le Israel yaab mɔmɔk kuun dan nan wii waakpuul. Bi nan ti sub u udo aatiŋ Rama ni la. Nee aapuwɔb le David buen Parann aateersakpiin ni.