Mpiin 21:2 - Uwumbɔr aagbaŋ

² le u dek lipuul ki ma ubijabo tii uchal Abraham, waah nan pɔr sakpen buyoonn na. U nan ma u buyoonn Uwumbɔr nan len ke bi ga nan maa u na la.

Mpiin 21:2 Iomraidhean Croise

Mpiin 17:19

Le Uwumbɔr nan bui u ke, “Ayii. Aapuu Sara le ga maa ubijabo tii si, le aa ga yin u ke Aisak. M ga cha tipuur ngbaan li bi m ni uma ni uyaabitiib mu aakaasisik ni, ki joo cha n‑yoonn mu kaa kpa ndoon na. Ti ye tipuur ti ga li bi cha, kaa kpa ndoon na la.

Mpiin 17:21

Tɔ, m ga cha maah puu tipuur na li bi aajapɔɔn Aisak, u Sara ga nan maa u libiln li choo na pu la, kinakokoona aayoonn le u ga nan maa.”

Mpiin 18:10

Le bi ponn ni ubaa bui ke, “Iŋmal iwae yaa jer kan, m ga ki gir ni do, le aapuu Sara ga maa ubijabo.” Sara nan bi upuwɔb, ki si pek kidiik aabisamɔb, ki pel waah len pu na.

Mpiin 18:14

Nibaa pɔɔ min Uwumbɔr chee ee? Maah len pu na, m ga ki gir ni iŋmal iwae aapuwɔb, le Sara ga maa ubijabo.”

Tibɔnyaan ti Luk ŋmee ti na 1:36

Lik, aana aabo Elisabef, u por na, u mu pil ubijabo aapuul. Baah nan yin u ke upiiŋoob na kpa iŋmal iloob aapuul la;

Lituln 7:8

Le Uwumbɔr puu tipuur tii Abraham, ki tii u nkaal, ke u ni uyaabitiib mɔmɔk gii ŋichakpan, aan ni mɔk ke bi kii uma Uwumbɔr aah puu tipuur ti na. Le Abraham ma ubijabo, ki yin u ke Aisak, le ki gii uchakpaln, u nan laa ye iwiin iniin aabo la. Le Aisak ma waabo Jakob. Jakob mu ma japɔtiib kipiik ni bilee bi ye tiyaajaninkpiib na. Le bi mɔmɔk gii ŋichakpan.

Rom Yaab 9:9

Uwumbɔr nan puu tipuur tii u ke ni yaa nan ŋeer kan, u ga dan u chee, le upuu Sara ga maa ubijabo.

Galantiya 4:22

Uwumbɔr Aagbaŋ len ke Abraham nan kpa japɔtiib bilee. Unaagbiipii nan ma ubaa, mmaal aabo mu ma uken.

Hiibru Yaab 11:11

Abraham aapuu Sara mu nan tii Uwumbɔr naadii, nima le nan cha u kan mpɔɔn ke u dek lipuul, buyoonn u jer timar na. Ba pu? u nan pak ke Uwumbɔr ga ŋa waah puu tipuur ti na.

Josua 24:3

Le min Uwumbɔr nan yin niyaaja Abraham, ki nyan ni u Yufrates Aamɔɔdapuul, le u dan Kanaann aatiŋ kimina ponn ni. M nan tii u yaabitiib pam. Uma le nan ma Aisak,