Mpiin 21:16 - Uwumbɔr aagbaŋ

¹⁶ le ki buen ti kal nibaa chee ni daa siib ki cha ubo ngbaan. U nan bui ke, “Maan ŋmaa li ka ki kan maabo aah ga kpo pu na.” Le u nan ka nima ki wii.

Mpiin 21:16 Iomraidhean Croise

Mpiin 21:15

Waah nan joo nnyun mu na nan ti doo, le u di waabo Ismael di bil kitiŋ, busub bubaa taab,

Mpiin 27:38

Le Esɔ nan bi ki gaŋni ute ki bui u ke, “Nte, tinyoor tibaa aa gur aa? Nte, ŋa tinyoor ŋa m mu pu.” Usui aah bii sakpen pu na, le u wii ki kaani.

Mpiin 29:11

Le u buen ti moor Rachel aatakpiln ki piin ki kaani mpopiin pu.

Mpiin 44:34

Ubo ngbaan yaa kaa dii timi kan, m ga ŋa kinye ki gir kun nte chee? Nte aah bi pu na, naa ŋan ke m joo ni tibɔbir kina aaboln u pu.”

1 Bibɔrb 17:12

Le u gar u ke, “Aadindaan Uwumbɔr u bi na pu, m puu ke maa kpa boroboro. Maah kpa tiwan ni na le ye n‑yon pɔkaa kina lisambil ni, ni olif aakpan siib likpasambil ni. M dan do ke m nan pii idɔ ki di siib ngbaan ŋa tii m ni njapɔɔn la. Timi aakookoo aajikaar le ga li bi na, le nkon ga nin ku timi.”

1 Bibɔrb 3:26

Ubodaan aasui aah nan gee waabo sakpen pu na, le u bui ubɔr ke, “Mpɔɔndaan, m gaŋ si, taa ku ubo ngbaan. Di u tii u.” Le uken na ma bui ke, “Taa di u tii ti ponn ni ubaa; cha bi gaa gii u nfum mulee.”

Esta 8:6

Tibɔbir timina yaa nan pii maanib, aan bi ku bi mɔmɔk doo kan, m ga ŋa mbaa kinye?”

Aisaya 49:15

Le Uwumbɔr gar ke, “Upii ga ŋmaa suln waabo bɔr, kaan li gee ubo u u ma na aa? Hali upii yaa suln waabo bɔr kan, mma aan suln ni bɔr.

Jeremia 6:26

Le Uwumbɔr bui waanib ke, “Di tiwanpeenkaan ni saak kuub na peen, ki di nfatan pɔŋ nibaa. Li wii ikpowiil ke lijapɔnbaal aah kpo kan, bi wii pu na; ba pu? unii u choo u nan bii doo nimi na ga fuu ni n‑yoonn mu naa dak u pu na la.

Amos 8:10

M ga kpeln nimi aajim aayoonn ŋa ŋikpuu, ki kpeln nimi aamɔɔn aalahn ŋa inimbaalahn. M ga cha ni kuu nimi aayikpir ki peen tiwan ni saak kuub na, aan ki cha ni li naahn libibaal li kpo na aate ni una aah wii waakpuul pu na. Nwiin ngbaan daal ga li cho kina le ki ti saa mu aadoon.

Sekaria 12:10

“M ga cha David aayaabitiib ni Jerusalem aanib biken li kpa linimbaasaln, le bi ga li ban ke bi mee mi. Bi ga li lik baah saa ku u na pu la, le ki ga wii waakpuul ke baah wii libibaal aakpuul pu na. Bi ga wii waakpuul ke binib aajapɔnbaal yaa kpo kan, bi wii pu na la.

Tibɔnyaan ti Luk ŋmee ti na 15:20

Le u fii ki cha ute do. “Waah laa bi ni daa na, le ute waa u, ki san u kinimbaak, le ki san tooh u nsan ni, ki ti di uŋaal kpal u, le ki moor utakpiln.

Bibɔjirb 2:4

Uwumbɔr aatuun ngbaan aah len kina ti doo na, le Israel aanib mɔmɔk piin ki wii,

Ruf Aagbaŋ 1:9

Uwumbɔr ki cha ni mɔmɔk kan bijab ki mɔn ki kan ŋidichal.” Le Naomi moor bitakpin ki chɔi bi. Bi nan piin ki bi wii,

1 Samuel 24:16

David aah len doo na, le Sɔɔl bui ke, “Sin maabo David sil ye ee?” le ki piin ki bi wii.

1 Samuel 30:4

David ni waajab nan piin ki bi wii kaa ŋmin, le bi mɔmɔk nan ti bak.