Mpiin 20:7 - Uwumbɔr aagbaŋ

⁷ Tɔ, dandana wee giin upii ngbaan tii uchal. Uchal ye maabɔnabr la, le u ga mee mi tii si, nima kan, saan kpo. Tɔ, aa yaa yii, kaa di u tii uchal kan, m sur si la, aa ni saanib mɔmɔk ga kpo.”

Mpiin 20:7 Iomraidhean Croise

Mpiin 12:15

Ubɔr ngbaan aaninkpiib nan sil kan Sarai, le ki buen ti bui ubɔr, Sarai aah ŋan sakpen pu na, le ki di u buen ubɔr aachiln ni.

Mpiin 12:17

Tɔ, ubɔr aah nan gaa Sarai, Abram chee na, le Uwumbɔr nan cha iween i bir na lir u ni waachiln aanib pu.

Mpiin 2:17

see busub bu aasubil cha unii beer ni ŋan na, ni ni kaa ŋan na. Aa taa ji busub ngbaan aasubil. Aa yaa jin kan, see aa kpo.”

Mpiin 20:3

Kinyeek kibaa daal le Uwumbɔr nan dan ubɔr ngbaan chee tidaŋ ni, le ki bui u ke, “M ga ku si; saah yoor upii u na kpa chal.”

Mpiin 20:8

Lichakpitaawoln le ubɔr Abimelek fii mala ki yin waaninkpiib, le ki tuk bi waah kan pu tidaŋ ni na, le ijawaan chuu bi pam.

Mpiin 23:6

“Uninkpel, li pel taah len pu na, ti lik si ke aa ye uninyuun la; di aapuu ti sub likaakul li ŋan aa gee li na ponn ni. Ti mɔmɔk ga li gee ke ti tii si likaakul li aa ban na, aan aa di aapuu sub li ni.”

2 Samuel 24:17

David nan kan ntuun mu bi ku binib ngbaan na, le ki bui Uwumbɔr ke, “Min le ye u aabɔr bii na. Min le tun taani. Bigiim bee mu ŋa ba? Aa ga daa min ni maadichal aatafal la.”

1 Bibɔrb 13:6

Ubɔr Jeroboam nan bui Uwumbɔr aabɔnabr ngbaan ke, “Ŋaanii ki mee Aadindaan Uwumbɔr tii mi, aan u cha ŋŋaal ki pɔɔk.” Uwumbɔr aabɔnabr ngbaan nan mee Uwumbɔr, le ubɔr aaŋaal pɔɔk.

2 Bibɔrb 5:11

Le Naamann aaŋuul nan fii, le u siir cha ki len ke, “M ba dak ke u ba ga dan aan unimbil nan kan mi la, le ki mee Udindaan Uwumbɔr, ki di uŋaal laal laal iween ngbaan pu, le ki cha i sɔŋ.

1 Bibɔrb Aabɔr 16:22

“Taa tii maatutum titotonn man; taa meeh maabɔnabtiib man.”

2 Bibɔrb Aabɔr 30:18

Ki kpee na, binib bi nan nyan ni Efraim, ni Manase, ni Isakar, ni Sebulunn aanibol ni na pam le nan ye binib bi kaa toor bibaa chain na, kina pu na, baah nan bi ji Lakr‑jer aajim na, naa nan ka kina. Ubɔr Hesekia nan mee limeel lee le tii bi:

Job Aagbaŋ 34:19

Waa len tibɔr kpae bijojoob pu kaa ter uwankpadaan ki cha ugiin, ba pu? uma le naan unii mɔmɔk.

Job Aagbaŋ 42:8

Tɔ, dandana chuu man inaaja ilole ni ipihja ilole ki di buen Job chee, ki ti toor kitork tii nibaa pu. Job ga mee limeel tii nimi, le m ga kii waameel, ki taa jinn nimi inimɔɔn naah ŋeer pu na. Naa len ibamɔn m pu ke waah len pu na.”

Ilahn 25:14

Uwumbɔr aajɔtiib le ye binib bi keei waamɔb na, le u mɔk bi waah puu tipuur ti na aatataa.

Nnyam 18:17

Le Jetro bui u ke, “Saah ŋani pu na aa ye nsan mu ŋan na.

Nnyam 4:16

Uma le ga len tibɔr tii si, ki bui binib ngbaan saah ban aa len pu na. Le aa ga sil Uwumbɔr aasisiiyaan, ki bui Aaronn waah ga len pu na.

Nnyam 7:1

Uwumbɔr nan bui u ke, “M ga cha aa li bi ke Uwumbɔr na le ubɔr ngbaan chee, le aakpel Aaronn le ga li ye saabɔnabr ki len tibɔr ubɔr chee tii si.

Jeremia 14:11

Uwumbɔr nan bui mi ke, “Taa bui mi ke m ter binib bee.

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Jeremia 27:18

Bi yaa sil ye maabɔnabr le ki kpa maabɔr kan, cha bi gaŋ min Uwumbɔr Mpɔɔnsakpiindaan ke m taa cha bi yoor liwangol li gur Maadichal ni, ni nnaan aadichal ni na buen Babiloŋ aatiŋ ni.”

Esekiel 3:18

M yaa len ke utunwanbirdaan ga kpo, le saa sak u ke u kpeln waabimbin aan ki ŋmar kan, u ga kpo, ki beenin ye utunwanbirdaan, le m ga chuu si taani waakun pu.

Esekiel 33:8

M yaa len ke utunwanbirdaan ga kpo, le saa sak u ke u kpeln waabimbin aan ki ŋmar kan, u ga kpo, ki beenin ye utunwanbirdaan, le m ga chuu si taani waakun pu.

Liifai Yaab 6:4

Unii yaa ti tun titunwanbir kina aaboln kan, waah kaa dii mbamɔn ki kan tiwan ngbaan na, u pa ni pu. Bundaal bi bee ke uma le ŋa kina na, u pa uwandaan waawan mɔmɔk, ki ki pa paan ni pu.

Liifai Yaab 6:7

Le utotoor ga di kiwakork ngbaan toor udaan ngbaan aatunwanbir pu, le Uwumbɔr ga di cha pinn u waatunwanbir.

Lituln 8:24

Le Simonn bui Piita ni Jɔnn, “Mee Uwumbɔr tii mi, aan saah len tibɔr ti na, ti taa pii mi.”

1 Korenti 14:4

Unii u len iliin yayan na, u ter ubaa ke u dii Uwumbɔr aasan mbamɔm la. Unii u nabr Uwumbɔr aah len pu na, u ter Yesu aanib ke bi dii Uwumbɔr aasan mbamɔm la.

Hiibru Yaab 1:1

N‑yaayoonn na Uwumbɔr nan cha waabɔnabtiib tuk tiyaajatiib waabɔr ki di tiwan aabɔŋ aabɔŋ ŋaŋ waasan.

Hiibru Yaab 13:4

Tɔ, chatiib ni puutiib, ni li nyi ke Uwumbɔr le di nimi kpaan, ki li pak kina, ki taa gɔr kidagook man. Binib bi chuun bɔɔni na, ni binib bi chuun gɔr kidagook na, Uwumbɔr ga ji bi tibɔr.

1 Jɔnn 5:16

Unii yaa kan una aabo tun titunwanbir ti kaan cha u kpo na kan, u ga mee Uwumbɔr tii u. Le Uwumbɔr ga tii u limɔfal. Binib bi tun titunwanbir ti kaan cha bi kpo na, Uwumbɔr ga tii bi limɔfal. Le titunwanbir ti cha binib kpo na mu bi. Maa len ke ni li mee Uwumbɔr tii binib bi tun titunwanbir ngbaan na.

1 Samuel 12:19

le ki bui Samuel ke, “Timi aaninkpel, ti gaŋ si, mee Aadindaan Uwumbɔr tii timi, aan ti taa kpo. Dandana wee ti bee ke taah ki ban ubɔr pu na le ye titunwanbir, ki kpee timi aatunwanbir tiken mɔmɔk pu.”

1 Samuel 12:23

M ma kan, Uwumbɔr taa cha m tun titunwanbir ke maan ki mee u tii nimi. M ga mɔk nimi nsan mu ŋan ke ni dii mu na.

1 Samuel 7:5

Le Samuel tun yin Israel yaab mɔmɔk ke bi ti kuun Mispa aatiŋ ni, le ki len ke, “M ga ti mee Uwumbɔr tii nimi, nima chee.”

1 Samuel 7:8

le bi bui Samuel ke, “Li beenin mee Tidindaan Uwumbɔr aan u gaa timi Filistia yaab bee chee lii.”