Mpiin 20:5 - Uwumbɔr aagbaŋ

⁵ Abraham le bui mi ke u ye uninkpan la, le upii ngbaan mu len ke uninja le na. Maah ŋa pu na, maa dak nsui ni ke ni kpa taani.”

Mpiin 20:5 Iomraidhean Croise

Mpiin 12:13

Bui bi ke nninkpan le ye si. Nima kan bi ga cha m li bi, ki ŋa mi tiŋann.”

Mpiin 20:13

Le Uwumbɔr aah nan bui mi ke m nya nte do ki buen kitiyayaŋ ni na, le m bui mpuu ke, ti yaa ti fuu nimɔk na kan, u bui ke uninja le ye mi, kina le u ga mɔk mi waah gee mi pu na.”

Mpiin 20:16

U nan bui Sara mu ke, “M ban m tii aaninja ŋimombil lichur aan ni mɔk ke aa kpa mbamɔn, le binib mɔmɔk ga bee ke saa tun bakaa ubaa.”

1 Bibɔrb 9:4

Aa yaa di ibamɔn, ni mbimbinyaan dii mi, ke aate David na, ki joo maakaal, ki ŋani maah bui si pu na mɔmɔk kan,

2 Bibɔrb 20:3

“Uwumbɔr, teer ke m di gaakii tun saatuln ni kipak ŋmeen la, ki pɔɔni mbaa n‑yoonn mɔmɔk ke m ŋa saah ban ke m ŋa pu na,” le ki wii sakpen.

1 Bibɔrb Aabɔr 29:17

M nyi ke aa tɔŋni unii mɔk aasui lik, le aasui piin binib bi aabimbin ŋan na pu. Mbimbinyaan ni ngeehm ponn ni le m di nsui mɔmɔk tii si nimina mɔmɔk ki kan ke binib bi mɔmɔk kuun do na kpa mpopiin le ki joo ni si ipiin.

Job Aagbaŋ 33:9

“Maabɔr aa bii; maa tun taani ubaa. Maabɔr ŋan, le maa kpa titunwanbir.

Ilahn 24:4

Binib bi aabimbin ni baalandak ŋan na, kaa dii ŋiwaa, kaa puur tipuur ti kaa gbiini na, bima baanja le kpa kina aasan.

Ilahn 25:21

Cha maaŋann ni maabamɔn gaa mi lii; ba pu? m kpa gaakii aa pu.

Ilahn 26:6

Uwumbɔr, m ŋir ŋŋaal le ki mɔk ke maa kpa taani ubaa, le ki chuun manni saatork aabimbiln ki dooni si.

Ilahn 7:8

Sin le ye unibɔn mɔmɔk aabɔjir. Uwumbɔr, len tibɔr kpee m pu; aa nyi ke maa tun taani ubaa.

Ilahn 7:9

Uwumbɔr, aa ye ubamɔndaan la, ki nyi tisui ponn ni aah bi pu na. Kuln kinimbɔŋdam aabiin; ki pa binib bi ŋan na baapar.

Ilahn 73:13

Maah cha maabimbin ŋan aan maa tun titunwanbir na ye fam la aa?

Ilahn 78:72

David nan di lineen le ki joo bi, ki loln bi pu nsan, ki nan kpa nlan.

Ŋiyataŋak 11:3

Aa yaa ye unii u ŋan na kan, saabimbinyaan le kii si. Binib bi kpa beebee na aabeebee le kuln bi.

Ŋiyataŋak 20:7

Mbim yaa kpa te u aabimbin ŋan aan u ŋani tiwan ni ŋan na kan, bi kpa liyinyaan.

Daniel 6:22

Uwumbɔr tun ni waatuun le u nan kiir ichinn ngbaan; yaa ŋmaa ŋa mi nibaa. Waah nyi ke maa tun taani ubaa kaa ti ki ŋa mpɔɔndaan mu tibaa na, le u ŋa kina.”

2 Korenti 1:12

Ti kpa kipupuk; ba pu? ti nyi tisui ni ke ti bi chain. Timi aabimbin bi mbamɔm Uwumbɔr aah ban pu na. Binib aalan le aa cha ti bi mbamɔm, Uwumbɔr aaterm pu, le cha ti bi mbamɔm joo cha dulnyaa wee ni aanib wɔb, ki moo bi mbamɔm joo cha niwɔb.

1 Tesalonika 2:10

Nimi bi gaa Yesu ki kii na, ti ŋa nimi mbamɔm la, ki nan bi chain, kaa nan kpa taani ubaa joo cha ni wɔb. Ni ni Uwumbɔr nyi ke ni ye mbamɔn la.

1 Timoti 1:13

N‑yoonn mu jer na, m nan len tibɔbir u pu, ki seei u, ki ŋa waanib falaa. Maah kaa nan gaa u ki kii n‑yoonn ngbaan na, le maa nan nyi ke m ŋani ni kaa ŋan na. Maah kaa nan nyi na, le Uwumbɔr san mi kinimbaak,

Josua 22:22

“Uwumbɔr le ye Mpɔɔndaan. Uma le ye Uwumbɔr. Uwumbɔr le ye Mpɔɔndaan. Uma le ye Uwumbɔr. Uma le nyi tiwan ni pu ti ŋa kina na, le ti ban ni mu bee ni. Ni yaa ye ke ti tun titunwanbir Uwumbɔr chee, kaa kii waamɔb kan, ku timi man, ki taa cha ti ki li bi man.