Mpiin 20:1 - Uwumbɔr aagbaŋ

¹ Abraham nan fii Mamre aatiŋ ni, le ki buen Kanaann aaŋangii wɔb, ki ti bi Kades ni Sur aakaasisik ni. Nee aapuwɔb le u nan buen ti kal Gerar aatiŋ ni. Waah nan bi nima na,

Mpiin 20:1 Iomraidhean Croise

Mpiin 10:19

ki ti ker Saidonn mɔk, ki yoor kina ti saa Gerar, Gasa chee, ki cha liwipuul, ki ti pii Sodom, ni Gomora, ni Adma, ni Seboyim ki bi gbɔk Lasa aatiŋ na.

Mpiin 12:9

U nan ki fii nima chee, ki chuun ki doo nsan ni, ki ti ki fuu Kanaann aapepel li bi ŋŋangii wɔb na.

Mpiin 13:1

Abram, ni upuu, ni waawan mɔmɔk nan nyan Ijipt aatiŋ ni, ki cha ŋŋangan wɔb, le ki buen Kanaann ŋŋangii wɔb, le Lot mu nan dii u, le bi ti kal nibaa chee.

Mpiin 14:7

Le bi fenn ki mann ki ki gir ni Kades aatiŋ, ki bi nan ki yin ki ke Enn Mispat na. Bi nan to ki nyaŋ Amalek yaab aatim, le ki nyaŋ Amor yaab bi nan bi Hasasonn Tamar ni na.

Mpiin 16:1

Abram aapuu, u bi nan yin u ke Sarai na, aa nan ma ubo tii u. Tɔ, Ijipt aapiibo ubaa nan bi Sarai chee, ki ye waanaagbiipiibo, bi nan yin u ke Hagar.

Mpiin 16:14

Nima pu le binib yin nnyunbun mu dɔ Kades ni Bered aakaasisik ni na ke, “U bi ki waa mi na aanyunbun.”

Mpiin 16:7

Uwumbɔr aatuun nan ti kan Hagar nnyunbun mubaa chee, mu nan bi kipɔɔk ni, ki dɔ Sur aasan chee,

Mpiin 18:1

Uwumbɔr nan dan Abraham chee Mamre aasui sakpiin na taab. Nwiin aah nan tɔŋ sisik ni ki ton na, le Abraham nan ka waadiik aabisamɔb,

Mpiin 21:34

Abraham nan bi Filistia aatiŋ ni ki yunn pam.

Mpiin 24:62

Tɔ, Aisak nan buen kipɔɔk ni, nin chee bi yin ke, “U bi ki waa mi na aanyunbun na” chee, ki nan bi Kanaann aatiŋ ngbaan aaŋangii wɔb la.

Mpiin 25:18

Ismael aayaabitiib nan bi Hafila ni Sur aakaasisik ni, ki cha Ijipt aawipuul wɔb ki bi Asiria aasan chee na. Bi ni Abraham aamaal biken aa nan kpaan bi tɔb chee.

Mpiin 26:1

Abraham aah nan bi Kanaann aatiŋ ni buyoonn na, le nkon mbaa nan lir nima, le Aisak aayoonn mu nkon nan ki lir kitiŋ ngbaan ni lelee. Aisak nan buen Abimelek, u nan ye Filistia yaab aabɔr na chee, Gerar aatiŋ ni.

Mpiin 26:20

Gerar aatiŋ aapihkpaab nan tak Aisak aapihkpaab, nnyunbun ngbaan pu, le ki bui ke, “Timi le yeh nnyunbun ngbaan.” Nima le cha Aisak nan yin nnyunbun ngbaan ke, “Kijaak.”

Mpiin 26:26

Le Abimelek nyan ni Gerar aatiŋ ni ki dan Aisak chee. Ahusaf u nan ye ujɔ na, ni Fikol u ye waajab aaninkpel na, nan dii ni u.

Mpiin 26:6

Nima pu le Aisak nan bi Gerar aatiŋ ni.

Ilahn 29:8

Waaneel cha nteersakpiin aatiŋ jii la; u damni Kades aateersakpiin aatiŋ mu.

Nnyam 15:22

Moses nan loln binib ngbaan pu nsan ki nyan Limɔɔkal Aanyusakpem na chee, ki di bi dii Sur aateersakpiin ni. Bi nan chuun kiteek ngbaan ni, ki ti saa iwiin itaa, le baa nan kan nnyun.

Nkahm 13:26

nee aapuwɔb, le bipepekb ngbaan gir ni Moses, ni Aaronn, ni Israel yaab mɔmɔk chee, Kades aatiŋ ki bi Parann Aateersakpiin ni na. Bi nan bui bi baah kan pu na, ki mɔk bi nima chee aasubil ŋi bi nan joo ni na.

Nkahm 20:16

le ti wii yin Uwumbɔr ke u ter timi. U nan ŋun timi aawiil le ki tun ni waatuun, le u nan nyan timi Ijipt aatiŋ ni. N‑yoonn mue ti ka Kades aatiŋ ni la. Kitiŋ ngbaan bi saatiŋ aanaanmɔk la.

Ikaal 1:19

“Tidindaan Uwumbɔr aah nan bui ke ti ŋa pu na, ti nan ŋa kina. Ti nan fii Sainai Aajool chee, ki di bɔ dii ijawaan aateersakpiin ngbaan ni, le ki di buen Amor yaab aatiŋ ki ye ŋigongon na ni. N‑yoonn mu ti nan ti fuu Kades Banea aatiŋ ni na,

Ikaal 32:51

ba pu? nimi bilee ngbaan nan yii maamɔb, Israel aanib ngbaan mɔmɔk aanimbiin ni. Buyoonn ni nan fuu Meriba aanyun mu bi gbɔk Kades aatiŋ ki bi Sinn aateersakpiin ni chee na, ni nan yii, kaa tii mi kipak binib ngbaan aanimbiin ni.

1 Samuel 15:7

Sɔɔl nan nyaŋ Amalek yaab, ki dii bi nyan Hafila aatiŋ ni, ki ti saa Sur aatiŋ ni, ki bi Ijipt aawipuul wɔb na.