Mpiin 2:14 - Uwumbɔr aagbaŋ

¹⁴ Bi yin taataa aapaln ke Tigris, li nan puu dii Asiria aawipuul wɔb la; le bi yin linanar ke Yufrates.

Mpiin 2:14 Iomraidhean Croise

Mpiin 10:11

Waah nan nyan Babiloŋ aatiŋ ni na, u nan buen Asiria aatiŋ ni, le ki ti maa ntikpaam bi yin mu ke Ninefa, ni Rehobof Ir, ni Kala,

Mpiin 10:22

Sem aajapɔtiib le nan ye Elam, ni Asur, ni Apaksad, ni Lud, ni Aram; biyaabitiib nan di baayimbil le ki di yin baanibol aayimbil.

Mpiin 15:18

Nima chee le Uwumbɔr nan puu tipuur tii Abram. U nan bui ke, “M puu ke m ga di kitiŋ kimina tii saamaal, ki yoor Ijipt aatiŋ ki ti saa Yufrates aamɔɔl mɔk,

Mpiin 2:13

Bi yin lelee aapaln ke Gihonn, li nan puu dii Kus aatiŋ ni la.

Mpiin 2:15

Uwumbɔr nan di uja ngbaan ŋa kisaak ngbaan ni, ke u li ko, ki li lik kisaak ngbaan.

Mpiin 25:18

Ismael aayaabitiib nan bi Hafila ni Sur aakaasisik ni, ki cha Ijipt aawipuul wɔb ki bi Asiria aasan chee na. Bi ni Abraham aamaal biken aa nan kpaan bi tɔb chee.

Esekiel 23:23

M ga joo ni Babiloŋ yaab, ni Kaldii yaab mɔmɔk, ni Pekod, ni Soa, ni Koa aajab, ni Asiria yaab mɔmɔk. M ga kuun ni bininyuunyaam bi laa ye binachipɔm na, ni bininkpiib mɔmɔk, ni bininkpekpaam, ni butɔb aajab aaninkpekpaam bi ye bitandam na mɔmɔk.

Daniel 10:4

Libiln aajan aaŋmal aawiin moninko ni inaa daal, le m nan si gbɔk Tigris aamɔɔsakpeln,

Ikaal 1:7

Fiin nima chee ki li cha man. Ni li cha Amor yaab aatiŋ ki ye ŋigongon na ni, ni ŋipepel mɔmɔk ŋi fab na ni, ŋi ye Jɔɔdann aafataŋ, ni ŋigongon na, ni ŋigongon aataab, ki ti ker ŋŋangii aapepel wɔb, ki yoor kina ki ti ker Kaasisik ni Aanyusakpem aagbaan. Ni li cha Kanaann aatiŋ ni, ki jer koo Lebanonn Aajoo ni, ki yoor kina ki ti fuu Yufrates Aamɔɔl sakpeln mɔk.

Ikaal 11:24

Nitaa aah taa kitiŋ ki mɔmɔk pu na ga li ye nimi yaan la. Nimi aatiŋ mɔk ga yoor nteersakpiin aaŋangii wɔb ki ti nya Lebanonn Aajool chee, ŋŋangan wɔb, le ki ga ki yoor Yufrates Aamɔɔl chee, liwipuul wɔb, ki ti ker Kaasisik ni Aanyusakpem chee, liwilir wɔb.

Tibɔkpiirkaan 9:14

Le nneel ngbaan tuk Uwumbɔr aatuun loloob u joo kakaan na ke, “Chuu gbiln Uwumbɔr aatuuntiib binaa bi bi limɔɔsakpeln li bi yin li ke Yufrates na chee lii.”