Mpiin 19:9 - Uwumbɔr aagbaŋ

⁹ Le Sodom aajab ngbaan nan bui Lot ke, “Siir nima, uwɔwɔnja wee. Aa ye ŋma ki si tuk timi taah ga ŋa pu na. Siir nima, lik suuna, ni yaa kaa ye kina kan, taah ga ŋa si pu na ga jer bi yaan.” Bijab ngbaan nan tur Lot, ke bi foor u jaaleŋ chee, aan ki gbaa wii jaaleŋ ki koo bicham ngbaan chee.

Mpiin 19:9 Iomraidhean Croise

Mpiin 11:6

Le u bui ke, “Binib bee aah ye linibol libaa, ki len iliinbaan na, nima le yaa cha bi piin ki ŋani kina kan, naan yunn, le bi ga ŋmaa ŋa tiwan nimɔk bi gee na.

Mpiin 13:12

Abram nan bee Kanaann aatiŋ aapepel, le Lot mu nan kal kifataŋ ni, ntim aakaasisik ni, Sodom chee.

Nnyam 2:14

Le uja ngbaan giin bui u ke, “Ŋma ŋa si timi aayidaan ni ubɔjir? Aa ban ke aa ku mi ke saah fe ku Ijipt aaja na pu na la aa?” Nima chee le ijawaan chuu Moses, le u dakl usui ni ke, “Binib bee maah ŋa pu na a.”

Ŋiyataŋak 14:16

Bilandam chur bibaa le kaa koo tibɔr ni, le bigbaam ma bi yɔl yɔl le ki tun kaa dakl lik.

Ŋiyataŋak 17:12

Aa yaa to takɔ u binib ku waabim mɔmɔk na nsan ni kan, ni ŋan jer ke aa ti kan ujɔr aah bi tun waajɔrk aatuln pu na.

Ŋiyataŋak 27:3

Litakpal ni litambol aah nyuun pu na aan ŋmaa ŋaŋ tibɔr ti kijɔrk ga ŋmaa ban na.

Ulandaan 10:13

U di ilatiir le di piin, le ki ti di kiwaatiik doo.

Ulandaan 9:3

Bi mɔmɔk aadoon ye mubaa la, le nimina mu aa ŋan ke tiwan ni mɔmɔk ŋani dulnyaa wee ni na aah kaa ŋan pu na. Unibɔn umɔk kpa limɔfal na kpa kiwaatiik ni ilandak i kaa ŋan na la, le nkun piir bi libuul ngbaan ni.

Aisaya 65:5

le ki bui ke, ‘Taa mar ti chee; ti bi chain jer si, aa kpa tijɔŋ, taa meeh timi.’ Le m bui ke, ‘Min ni binib ngbaan aaboln aan kpaan, m gee liŋuul li bi ke mmii mu kaan junn na le bi pu.’

Jeremia 3:3

Nima pu le utaal aa nan ki nu, le utakuutaal mu aa nan ki nu. Ni sil naahn bidagoob la; naa san inimɔɔn.

Jeremia 6:15

Baa nan san inimɔɔn, baajɔŋ aatun ŋee pu. Aayii, baa nan san inimɔɔn kpala; baa kpaan nyi baah ga mɔk pu ke inimɔɔn joo bi na. Kina pu le bi mu ga lir ke biken aah lir pu na; m yaa nan daa bitafal kan, baadoon le ga li bi na. Min Uwumbɔr le len kina.”

Jeremia 8:12

Maanib aa nan san inimɔɔn baajɔŋ aatun ŋee pu. Mbamɔn, baa nan san inimɔɔn kpala; naa kpaan nyi naah ga mɔk pu ke inimɔɔn joo nimi na. Kina pu le ni ga lir ke biken aah lir pu na; m yaa nan daa nitafal kan, naadoon le na. Min Uwumbɔr le len kina.

Esekiel 16:49

Ki ni kibisatiib nan kpa kigaak baah kpa tijikaar sakpen bi ji pu na pu, aan ki bi nsuudoon, ni lifuur ni na pu; bitafal mu aa nan tee bi bigiim ni binib bi lann na ponn ni.

Matiu 7:6

“Ni taa di tiwan ni bi chain na di tii ibɔ. I ga gir nan junn nimi. Ni taa di nleenyaan di tii igbeer. I ga taa taa mu pu.”

1 Samuel 17:44

le ki kpak David ki bui ke, “Dan, aan m nan di saawon tii inyoon ni ipeel.”

1 Samuel 2:16

Udaan yaa bui ke, “Cha ti ŋa ikaal aah mɔk pu na waahr, ki pu nkpan aan aa nin lee saah ban pu na” kan, le utotoor aatutunn ngbaan ga bui ke, “Aayii. Di ti tii mi dandana wee. Aa yaa yii kan, m ga di mpɔɔn le lee ti.”

1 Samuel 25:17

Nimina ga ŋmaa tii timi aaninkpel ni waadichal tibɔbir. U kpa mbiin sakpen, kaa ban u ŋun tii ubaa.”