Mpiin 19:5 - Uwumbɔr aagbaŋ

⁵ Bi nan tar, le ki baa Lot ke, “Bijab bi bi aado kinyeek kee na bi la chee? Nyan bi tii ni timi. Ti ban ti doon bi chee la.”

Mpiin 19:5 Iomraidhean Croise

Mpiin 19:6

Le Lot nan nyan ki piin leŋ bicham ngbaan pu,

1 Bibɔrb 14:24

Ni nan ti nyaŋ sakpen na le ye ke bipiib ni bijab nan bi idoon aabuu ŋee ni ki joo biwon kooh. Juda aanib nan tun ŋinimɔɔntun ŋi mɔmɔk binib bi Uwumbɔr nan jenn nyan bi n‑yoonn mu Israel yaab nan tur koo baatiŋ ni na nan tun na.

1 Bibɔrb 22:46

U nan kuln bijab ni bipiib bi mɔmɔk nan joo bibaa kooh, ŋiwaa aatork aabimbin chee, ki tun lituln nima ki nan gur ute Asa aayoonn na.

Aisaya 1:9

Uwumbɔr Mpɔɔnsakpiindaan yaa kaa ba gur binib siib kan, Jerusalem ba ga kuln ke Sodom aatiŋ ni Gomora aatiŋ aah nan kuln pu na la.

Aisaya 3:9

Baa kaa gbaa ibamɔn pu na ga ki gir koon bima le tibɔr ni. Bi tun titunwanbir kaa joo bɔrni ke Sodom aanib aah nan tun pu na la. Bima le joo ni bibaa aadoon, bi kuln a.

Jeremia 3:3

Nima pu le utaal aa nan ki nu, le utakuutaal mu aa nan ki nu. Ni sil naahn bidagoob la; naa san inimɔɔn.

Jeremia 6:15

Baa nan san inimɔɔn, baajɔŋ aatun ŋee pu. Aayii, baa nan san inimɔɔn kpala; baa kpaan nyi baah ga mɔk pu ke inimɔɔn joo bi na. Kina pu le bi mu ga lir ke biken aah lir pu na; m yaa nan daa bitafal kan, baadoon le ga li bi na. Min Uwumbɔr le len kina.”

Esekiel 16:49

Ki ni kibisatiib nan kpa kigaak baah kpa tijikaar sakpen bi ji pu na pu, aan ki bi nsuudoon, ni lifuur ni na pu; bitafal mu aa nan tee bi bigiim ni binib bi lann na ponn ni.

Esekiel 16:50

Bi nan kpa kigaak ni tafalaaŋun, le ki ŋani tiwan ni sukr ponn ni na m chee, kina pu le m nan kuln bi, saah nyi pu na.

Esekiel 16:51

“Samaria aatiŋ aa nan tun saah tun titunwanbir ti na aageln libaa. Aa tun ŋitun ŋi sukr ponn ni ki jer Samaria aatiŋ aah nan tun pu na pel pel. Saatun yɔl yɔl ngbaan cha aanaabitiib bi aa chee ke baah kaa tun taani kpala le na.

Liifai Yaab 18:22

Uja ubaa taa koo ti doon uja ŋeen aatɔ chee; Uwumbɔr aa gee kina.

Liifai Yaab 20:13

Uja ubaa yaa koo ti doon ujatɔ chee kan, bi kpaan ŋa inimɔɔn aawan la, ni kpaan ki ku bimɔk bilee. Bima le ku bibaa.

1 Korenti 6:9

Naa nyi ke binib bi aabimbin kaa ŋan na aan kan Uwumbɔr aanaan aa? Ni taa ŋmanni nibaa man; bibɔnbɔnn, ni biwaadam, ni bidagoob, ni bijab bi di biŋeen aatɔtiib kpaln bipiib ki doo bi chee na, ni bijab bi mu di bibaa ŋa bipiib ki cha bijab ŋeen aatɔtiib doo bi chee na,

Ikaal 23:17

“Nimi Israel yaab ponn ni aaja, bee upii, taa ŋa liwaal libaa aamaakpayal.

1 Timoti 1:10

ni binib bi gɔr kidagook na, ni bijab bi yii bipiib ki ban bijab na, ni binib bi chur biken tinaagbiir na, ni binib bi chuun mɔni inyamɔn na, ni binib bi puur Uwumbɔr yɔl yɔl na, ni binib bi ŋani tiwan ni kaa dii mmɔkm mu ŋan na. Nkaal ngbaan bi titunwanbir timina mɔmɔk pu la.

2 Timoti 3:13

Le mbiindam ni biŋmaŋmannim ga moo tun titunwanbir ki li ŋmanni binib, le binib mu gir ki li ŋmanni bi.

2 Piita 2:2

Binib pam ga dii baasanwanbir ngbaan. Bi pu le binib ga sii mbamɔn aasan na.

2 Piita 2:7

U nan gaa Lot lii; ba pu? u nan ye uninyaan; le titunwanbirdam na aah tun tijɔŋ aatuln pu na, ni muk u sakpen a.

Juud 1:7

Teer man, Sodom ni Gomora aatim, ni itingbaan na aanib bi nan gɔr kidagook, ki mu yii bipiib ki ban bijab na aabɔr. Uwumbɔr nan daa bitafal, ki di bi ŋa mmii mu kaan junn na ni, ni le ye nsurm ki tii titunwanbirdam mɔmɔk.

Bibɔjirb 19:22

Bi nan bi ji ki mɔɔni, le bininsum bibaa nyan ni kitiŋ ni ki nan kpaan gob lidichal ngbaan ti ton ki gbaa jaaleŋ. Bi nan bui ujaninkpel ngbaan ke, “Nyan ni uja u ba dii si kun ni na. Ti ban ti doon u chee la.”