Mpiin 19:3 - Uwumbɔr aagbaŋ

³ U nan bi ki gaŋni bi, le bi ti kii tii u, le ki buen udo. Lot nan cha bi ŋa tijikaar nyaan tii bi, le bi jin.

Mpiin 19:3 Iomraidhean Croise

Mpiin 19:2

le ki bui bi ke, “Ndindatiib, taa jer ndo man. M bi do ke m chann nimi tichann la. M gaŋ nimi, dan ndo man, aan ki nan finn nitaa, ki doon kinyeek kee ndo man. Ni yaa fe woln kichakpiik ni kan, ni ki nab nimi aasachuln.” Le bi nan bui Lot ke, “Aayii, ti ga ti doon lipaal, kinyaŋ ponn ni la.”

Mpiin 21:8

Aisak nan muun, le waah nan lii libiil na, Abraham nan ŋa njim sakpiin.

Mpiin 24:31

le ki ti bui u ke, “Dan ti buen ndo, aa ye unii u Uwumbɔr ŋa tinyoor ŋa aa pu na la. Ba ŋa aa nan si do kina? Mpaan bi ndo aa ga ti kan ki doon, le mpaan bi, saalaakumii tiib mu ga koo.”

Mpiin 26:30

Aisak nan ŋa njim le ki chann bi tichann, le bi jin ki nyun.

2 Bibɔrb 4:8

Daalbaadaal le Elaisa nan buen Sunem aatiŋ ni, le upii uwankpadaan ubaa bi nima. U nan yin u ke u nan ji udo tijikaar. Ki nyan liyaadaal ngbaan, u yaa nan ki buen Sunem aatiŋ ni kan, upii ngbaan do le u ji.

Nnyam 12:15

Uwumbɔr nan bui ke, “Iwiin ilole aakaasisik ni, ubaa taa ŋmɔ boroboro u kpa boroboro aanyɔk na, ni li ŋmɔ boroboro u kaa kpa nnyɔk na ŋmeen. Njan aawiin daal, see ni nyan boroboro aanyɔk mu bi nimi aadichal ponn ni na mɔmɔk; iwiin ilole ngbaan aasisik ni, ni ponn ni ubaa yaa ŋman boroboro u kpa boroboro aanyɔk na kan, maan ki yin u maanii.

Nnyam 12:39

Bi nan di boroboro aayon mu kaa kpa nnyɔk na le ki ŋa boroboro, ba pu? bi nan jenn nyan bi Ijipt aatiŋ ni mala sakpen, nima pu le baa nan ŋmaa gor ki ŋa tijikaar waahr le ki nin nyan Ijipt aatiŋ ni.

Tibɔnyaan ti Luk ŋmee ti na 11:8

Naa ye kijɔtiik pu le u ga fii ki tii si. Aa yaa gaŋni u ki gaŋni u ki muk u kan, nima le ga cha u fii ki tii si saah ban pu na mɔmɔk.

Tibɔnyaan ti Luk ŋmee ti na 14:23

Le udindaan bui u, ‘Li cha isan ni, ki ti gaŋ binib ke bi dan nan ji, aan maadichal gbiin.

Tibɔnyaan ti Luk ŋmee ti na 5:29

Le Liifai ŋa tijikaar sakpen waadichal ni ki tii Yesu. Le bilampoogaab pam ni binib biken dan nan ka ji bi chee tijikaar.

Jɔnn 12:2

Le bi ŋa tijikaar ti ŋan na nima tii Yesu. Mata nan yoor tijikaar ngbaan siin bi. Lasarus nan ye binib bi nan ji Yesu chee tijikaar na ponn ni ubaa.

1 Korenti 5:8

Nima pu na, cha ti li ji Lakr‑jer aajim, ki ŋmɔ boroboro u kaa kpa nnyɔk na, ki di boroboro aanyɔkpok lii. Maah len pu na le ye ke ti li dak ilandak i ŋan na, ki li ŋani mbamɔm, ki di bakaa ni titunwanbir lii.

2 Korenti 5:14

Kristo aah gee timi pu na le junni tiwon ni, ki cha ti bi kina. Ti nyi ke unibaan nan sil binib mɔmɔk aasisiiyaan ki gaa baakun ki kpo, nima le bi mɔmɔk kpo.

Hiibru Yaab 13:2

Ni li teer ki chann bicham tichann. Binib bibaa nan chann Uwumbɔr aatuuntiib tichann, kaa nyi ke Uwumbɔr aatuuntiib ye.

Bibɔjirb 6:19

Gideonn nan siir koo udo, le ki ti ku uŋoob u laa diin na ki ŋaa, le ki di n‑yon mu ga gbiin kuruwaa kipiik na ŋa boroboro u kaa kpa boroboro aanyɔk na. U nan baan tinann ngbaan ŋa kibɔɔkuuk ni, le ki di tikpin mu ŋa likumbuul ni, le ki joo ni ni mɔmɔk nan tii Uwumbɔr aatuun ngbaan, likpaln ngbaan taab.

1 Samuel 28:24

Le upii ngbaan ŋa mala ki kɔr waah bi kpiini unaabo u na, le ki ban n‑yon, le ki toor mu, ki ŋa boroboro u kaa kpa boroboro aanyɔk na.