Mpiin 19:24 - Uwumbɔr aagbaŋ

²⁴ N‑yoonn ngbaan le Uwumbɔr cha mmiigaal ni chirbil lir Sodom ni Gomora aatim ngbaan pu.

Mpiin 19:24 Iomraidhean Croise

Mpiin 13:10

Lot nan lik mann gonn, le ki kan ke Jɔɔdann aafataŋ wɔb, ki ti saa Soar aapepel, kpa nnyun sakpen, ke Uwumbɔr aasaak, ni Ijipt aatiŋ na. Nimina mɔmɔk nan laa bi le Uwumbɔr nan nin bii Sodom ni Gomora aatim.

Mpiin 13:12

Abram nan bee Kanaann aatiŋ aapepel, le Lot mu nan kal kifataŋ ni, ntim aakaasisik ni, Sodom chee.

Mpiin 18:17

Le Uwumbɔr dakl usui ni ke, “Maah ban m ŋa pu na, maan di tibɔr ngbaan bɔr Abraham.

Mpiin 19:23

Nwiin aah bi puur buyoonn na, le Lot fuu Soar aatiŋ ni.

Job Aagbaŋ 1:16

Waahr aan u ti len doo na, le ututunn uken dan nan bui ke, “Utaal teen ipiih ni bitutum pu, ki ku bi ni ipiih mɔmɔk. Min baanja le ŋmar ki dan m nan tuk si.”

Job Aagbaŋ 18:15

Bi yaa di chirbil yaa waadichal ni ki finn li kan, unii umɔk gee na ga ŋmaa li koo li ni.

Ilahn 11:6

U cha mmiisakɔn ni chirbil u gaal mmii na lir ni bibiindam pu; u joo libuln li ton na le dar bitafal.

Nnyam 9:23

Moses nan yoor waajaangbeek mɔk kitaapaak, le Uwumbɔr cha ŋitaatakpal lir, le ki cha utaal moor ki tar kitiŋ pu.

Aisaya 1:9

Uwumbɔr Mpɔɔnsakpiindaan yaa kaa ba gur binib siib kan, Jerusalem ba ga kuln ke Sodom aatiŋ ni Gomora aatiŋ aah nan kuln pu na la.

Aisaya 13:19

Babiloŋ aanaan le ŋan jer nnaan mɔmɔk; le mu aanib kpa kipupuk mu pu. Le min Uwumbɔr ga kuln Babiloŋ ke maah nan ŋa Sodom ni Gomora aatim pu na.

Aisaya 30:33

N‑yoonn mu jer na, bi nan puen toor libuul li ponn ni bi ga nan di Asiria aabɔrkpaan ngbaan see mmiisakpiin ni na. Li nyoo le ki waa, le bi pii idɔ ti gbiin li; le Uwumbɔr ga fuur mmiigaal mu ti gaa u ni idɔ ngbaan li ponn ni.

Jeremia 20:16

Cha u li bi ke ntim mu Uwumbɔr kuln mu, kaa san mu kinimbaak na. Cha u li ŋun iween aawiil pu kichakpiik ni ki ŋun butɔb aakuun pu nwiin aakaasisik ni,

Jeremia 23:14

M ki kan maabɔnabr bi bi Jerusalem aatiŋ ni na aatunwanbir jer kina; bi gɔr kidagook le ki geei inyamɔn; bi ter binib le bi tun titunwanbir, le ubaa aa ŋmaa di cha titunwanbir aatuln. Mma chee kan, bi mɔmɔk bi ke Sodom ni Gomora aanib na la.

Jeremia 49:18

Tiwan ni nan ŋa Sodom ni Gomora aatim aan mu ni ntim mu nan bi gbɔk mu na kuln na, kina le ga ŋa Edom aatiŋ mu. Ubaa aan ki koo nima kpala. Min Uwumbɔr le len kina.

Jeremia 50:40

Maah nan kuln Sodom ni Gomora aatim, ni ntim mu bi gbɔk mu na pu na, kina le m ga ŋa Babiloŋ mu. Ubaa aan ki koo nima daalbaadaal. Min Uwumbɔr le len kina.

Inandalahn 4:6

Maanib kan ntafadaan ki jer Sodom yaab bi Uwumbɔr aaŋaal nan dan nan kuln bi liwinbaal na.

Hosea 11:8

Israel, m ga ŋa kinye ki di si lii? M ga ŋa kinye ki di si mee? M ga ŋmaa kuln si ke maah nan bii Adma aatiŋ pu na aa? M ga ŋmaa ŋa si ke maah nan ŋa Seboyim aatiŋ pu na aa? Nsui aan cha m ŋa si kina, ba pu? m gee si sakpen a.

Amos 4:11

“M nan doo nimi bibaa ke maah nan doo Sodom ni Gomora yaab pu na. Nimi bi nan ŋmar na nan naahn limiidɔtɔgeln la. Nee mu aa cha ni gir ni m chee.” Min Uwumbɔr le len kina.

Sefania 2:9

Maah sil ye Uwumbɔr u bi n‑yoonn mɔmɔk, ki ye Israel yaab Aawumbɔr na, m puu ke m ga kuln Moab ni Amonn aatim ke maah nan kuln Sodom ni Gomora aatim pu na. Mu ga kpaln baah gbii n‑yaan nin chee na, ni baah kuln nin chee kookoo aan timoor gaa nima chee na la. Maanib bi ŋmar na ga yoor baawan ni baatiŋ mu.”

Tibɔnyaan ti Luk ŋmee ti na 10:12

M tuk nimi la, bundaln Uwumbɔr ga ji binib tibɔr na, binib ngbaan aatafadaan ga jer Sodom aatiŋ aanib aatafadaan.”

Ikaal 28:24

Uwumbɔr aah ba ga cha utaal nu pu na, le u ga cha kitangbaak ni litambol aataabuŋ daa ki kuln nimi doo.

Ikaal 29:22

“Niyaabitiib bi ga paa ni nipuwɔb na, ni biwɔwɔm bi nyan ntim mu daa na ni na, ga nan kan tibɔbir ni falaa u Uwumbɔr di lii nimi aatiŋ pu na.

Ikaal 29:23

Ikpaakon ga kpaln chirbil ni n‑yaan ŋmeen, ubaa aan ŋmaa bu tiwan nibaa ni punn, le timoor mu aan ŋmaa punn. Nima aatiŋ ngbaan ga li bi ke Sodom ni Gomora aatim, ni Adma, ni Seboyim aatim mu Uwumbɔr nan bii mu na la, n‑yoonn mu usui nan fii bi pu sakpen na, le u kuln mu.

2 Piita 2:6

Tɔ, Uwumbɔr nan bii Sodom ni Gomora aatim ki cha mu kpaln nfatan, ki kuln ntim ngbaan aanib. Ni ye limɔkl la, le ki mɔk titunwanbirdam Uwumbɔr aah ga daa bitafal pu na.

Juud 1:7

Teer man, Sodom ni Gomora aatim, ni itingbaan na aanib bi nan gɔr kidagook, ki mu yii bipiib ki ban bijab na aabɔr. Uwumbɔr nan daa bitafal, ki di bi ŋa mmii mu kaan junn na ni, ni le ye nsurm ki tii titunwanbirdam mɔmɔk.

Tibɔkpiirkaan 14:10

ga nyu ndaan mu ye Uwumbɔr aaŋuul, le u kpir ŋa kiyikuuk ni, kaa di nnyun kpee mu pu. Nima le mɔk waaŋuul sakpen, le bi ga li bi waatuuntiib bi bi chain na, ni Upihbo ngbaan aanimbiin ni, ki ga ji falaa sakpen mmii ni chirbil ponn ni.