Mpiin 19:14 - Uwumbɔr aagbaŋ

¹⁴ Le Lot san buen uchootiib bilee bi nan ban bi yoor ubisatiib na chee, ki ti bui bi ke, “Ŋa mala ki san nya do man. Uwumbɔr ban u bii kitiŋ kee la.” Le bi nan dak ke Lot ŋmanni bi la.

Mpiin 19:14 Iomraidhean Croise

Mpiin 19:15

Naah woln kichakpiik ni na, le bijab bilee ngbaan bui Lot ke, “Ŋa mala ki yoor aapuu ni aabisatiib bilee na, ki san ŋmar man, nima kan, Uwumbɔr yaa bii kitiŋ ngbaan kan, naan kpo.”

Mpiin 19:17

Le bijab ngbaan ubaa bui bi ke, “Li san mala ki ŋmar man. Ni taa fenn lik nipuwɔb, ki mu taa sil nsan ni, kifataŋ kee ni. Ni li san cha ŋijoo ŋee paab, nima kan, naan kpo.”

Mpiin 19:22

Ŋa mala ki li san man. Ni yaa kaa fuu kitiwaatiir ngbaan ni kan, maan ŋmaa tun maah ban m ŋa pu na.” Lot aah nan yin kitiŋ ngbaan ke kitiwaatiir na, le bi yin ki ke Soar.

2 Bibɔrb Aabɔr 30:10

Ituun ngbaan nan buen Efraim ni Manase aanibol aapepel aatim mɔmɔk ni, ki di kina ti nyan ŋŋangan wɔb Sebulunn aanibol ni, le binib ngbaan nan tee laa bi ki ŋani bi mbɔnyun.

2 Bibɔrb Aabɔr 36:16

Tɔ, binib ngbaan nan ŋani Uwumbɔr aatuun ngbaan mbɔnyun, kaa gar waamɔboln, ki laa waabɔnabr ngbaan, ki ti saa n‑yoonn mu Uwumbɔr aaŋuul fii waanib pu ki ti nyaŋ, aan baa ki ŋmaa kan ŋŋmarm na.

Nnyam 12:31

Kinyeek ngbaan le ubɔr nan tun yin ni Moses ni Aaronn ki bui bi ke, “Li chaa nya man, ni ni Israel yaab. Nya man maatiŋ ni, li cha ki ti doon Uwumbɔr naah ban pu na.

Nnyam 9:21

Bibaa mu yii, kaa pak Uwumbɔr aasurm, le ki cha baawakor, ni baatutum bi lipaal.

Ŋiyataŋak 29:1

Buyoonn bi sur si aa yii ki moo ŋani kalmbaani na kan, daalbaadaal aa ga nan lir, kaan ki fii sil.

Aisaya 28:22

Taa laa man nsurm mu m joo tii nimi na. Ni yaa laa kan, naah ga ŋa pu aan ki ŋmar na ga moo pɔɔk. Uwumbɔr Mpɔɔnsakpiindaan tuk mi ke u ga kuln litingbaln ngbaan mɔmɔk.

Jeremia 20:7

Uwumbɔr, aa ŋmann mi la, ki nan sil ŋmann mi. Aa pɔɔ ki jer mi, le ki nyaŋ mi. Unii mɔmɔk laa mi la, bi ŋani mi yaansara le nwiin ti lir.

Jeremia 43:1

M nan tuk binib ngbaan Bidindaan Uwumbɔr aah bui mi ke m tuk bi pu na doo.

Jeremia 43:2

Le Hosaya aajapɔɔn Asaria, ni Karea aajapɔɔn Johanann, ni bigaadam biken na mɔmɔk bui mi ke, “Tidindaan Uwumbɔr aa tun ni si ke aa nan tuk timi ke ti taa buen Ijipt aatiŋ ni ki ti li koo nima. Aa gii la.

Jeremia 51:6

San nya Babiloŋ ni man. Li san ban nibaa man. Taa cha bi ku nimi Babiloŋ aanib aatunwanbir pu. M bi teeni le ki dar bitafal naah ŋeer bi pu na.

Esekiel 20:49

Le min Esekiel nan bui ke, “Ndindaan Uwumbɔr, taa cha m len ti. Unii mɔmɔk puun len ke m len maabɔr ŋiyataŋak ponn ni la.”

Nkahm 16:21

“Ni foor binib ngbaan chee aan ki cha m ku bi mɔmɔk libuul lee ni.”

Nkahm 16:26

Le u bui binib bi si nima chee na ke, “Siir foor bibiindam bimina chee, ki taa meeh tiwan nimɔk ye bi yaan na nibaa. Ni yaa kaa ye kina kan, ni ga kpaan kpo bi chee, baatunwanbir pu.”

Nkahm 16:45

“Foor cha binib ngbaan ki sil nibaa man, aan m kpaan ku bi mɔmɔk libuul ni.” Le bi mɔmɔk bilee tar lir bipuu pu.

Matiu 1:18

Baah ga nan ma Yesu Kristo na, le bi nan puu ke bi ga di una Mari ki di tii Josef. Baa nan kee kunn u, le bi kan ke u kpa lipuul Uwumbɔr Aafuur Nyaan pu.

Matiu 9:24

Le u bui bi, “Nyan lipaal man. Upiibo ngbaan aa kpo. U geen la.” Le bi laa u sakpen.

Tibɔnyaan ti Luk ŋmee ti na 24:11

Le waakpambalb aa pak baah len pu na. Bi dak ke ni ye kijɔrk aaliin la.

Tibɔnyaan ti Luk ŋmee ti na 9:42

Le ubo ngbaan aah choo na, libimbikl lii u kitiŋ, le ki cha uwon gbaa sakpen. Le Yesu kae libimbikl ngbaan, ki cha ubijabo ngbaan pɔɔk, le ki di u giin tii ute.

Lituln 17:32

Binib ngbaan aah ŋun Pɔɔl len ke Uwumbɔr fikr unii nkun ni na, le bibaa ŋani u mbɔnyun. Le bibaa mu len ke bi ban bi ki ŋun tibɔr ngbaan.

1 Tesalonika 5:3

Buyoonn binib ga len ke bi bi bibaa pu, nibaa aan ŋa bi nibaa na, libuul ngbaan ni le tibɔbir ga lir bi pu. Ni ga li bi ke imalween aah chuu upii pu na la. Baan ŋmaa nyan ti.