Mpiin 19:13 - Uwumbɔr aagbaŋ

¹³ ba pu? ti ban ti bii kitiŋ kee din wee la. Uwumbɔr kan binib bee aatunwanbir aah wiir pu na, le u tun ni timi ke ti nan bii Sodom aatiŋ ngbaan.”

Mpiin 19:13 Iomraidhean Croise

Mpiin 13:13

Ntim ngbaan aanib nan ye titunwanbirdam la, le ki tun ni kaa ŋan na Uwumbɔr aanimbiin ni.

Mpiin 18:20

Le Uwumbɔr bui Abraham ke, “M ŋun Sodom ni Gomora aatim aanib aah tun titunwanbir sakpen pu na,

Mpiin 19:12

Bijab bilee ngbaan nan bui Lot ke, “Nibaakan, aa ga ki li kpa japɔtiib, ni bisatiib, ni chootiib, bee aado yoo ubaa yaa bi kitiŋ kee ni kan, yin bi mɔmɔk, bi san nya kitiŋ kee ni,

Aisaya 3:11

Le titunwanbirdam ga kuln; le baah ŋa biken pu na, Uwumbɔr ga di giin ŋa bi.

Aisaya 36:10

Ni dak ke m di mbaa aapɔɔn le ki nan tak nimi aatiŋ ki kuln ki, kaa ye Uwumbɔr aaterm aa? Uwumbɔr ubaa le bui mi ke m nan tak ki, ki kuln ki.”

Aisaya 37:36

Le Uwumbɔr aatuun buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

Jeremia 44:22

Din wee na, nimi aatiŋ dɔ nkuun, le ubaa aa bi ki pu. Binib gur san ki ijawaan la, le Uwumbɔr aah kaa nan ki ŋmaa gaa nimi aabiin ni titunwanbir pu na, le binib gur joo kaayimbil puuni lir biken pu.

Liifai Yaab 26:30

M ga bii naah dooni ŋiwaa ŋi ŋigongon paab na, ki gbaa wiir nimi aanyɔknii aatork aabimbin, le ki di nimi aanikpol mae paan nimi aawaa ŋi lir dɔ na pu, le m ga nuur nimi.

Nkahm 16:21

“Ni foor binib ngbaan chee aan ki cha m ku bi mɔmɔk libuul lee ni.”

Lituln 12:23

Tɔ, libuul ngbaan ni le Tidindaan aatuun cha iween chuu u; ba pu? waa tii Uwumbɔr lisil. Le ŋikpaambil ŋman u, le u kpo.

Ikaal 28:45

“Tibɔr ngbaan mɔmɔk ga dan ni pu, le ki li bi kina ki ti kuln nimi, ba pu? ni yii Nidindaan Uwumbɔr aamɔb, kaa joo waakaal imɔk u di tii nimi na.

Ikaal 4:26

Ni yaa yii maah tuk nimi pu na kan, paacham ni kitiŋ le ye maaseeraadam din wee, ni ga kpo doo kitiŋ ngbaan pu. Le kina aan cha ni li bi ki yunn, naah ban ni puur Jɔɔdann Aamɔɔl ki ti gaa kitiŋ ki na ni. U ga kuln nimi doo.

Jemisi 5:4

Ni ji bitutum bi chee tijikaar tii nimi na pem pem, kaa pa bi. Le bi bi ki wii baapal pu. Le Uwumbɔr Mpɔɔnsakpiindaan ŋun baah wii pu na.

Juud 1:7

Teer man, Sodom ni Gomora aatim, ni itingbaan na aanib bi nan gɔr kidagook, ki mu yii bipiib ki ban bijab na aabɔr. Uwumbɔr nan daa bitafal, ki di bi ŋa mmii mu kaan junn na ni, ni le ye nsurm ki tii titunwanbirdam mɔmɔk.