Mpiin 18:7 - Uwumbɔr aagbaŋ

⁷ le ki san buen waanaa ponn ni, ki ti chuu unaa u laa diin ki filk na, le ki cha waanaagbiija kɔr u, ki toor u mala.

Mpiin 18:7 Iomraidhean Croise

Mpiin 18:6

Le Abraham nan san buen waadiik ni, upuu Sara chee, ki ti bui u ke, “Ŋa mala, ki ban n‑yon mu ŋan na, ki ŋa tijikaar,”

Mpiin 18:8

Upuu aah ŋa tijikaar ngbaan doo na, le Abraham di ti ni nnaabiin, ni tinann ngbaan ti siin bi. Abraham ubaa le nan chann bi tichann, busub ngbaan taab, le bi jin.

Mpiin 19:3

U nan bi ki gaŋni bi, le bi ti kii tii u, le ki buen udo. Lot nan cha bi ŋa tijikaar nyaan tii bi, le bi jin.

Amos 6:4

Nimi bi dɔ nimi aawandookaan ni diin ki ŋan na pu, ki ji n‑yaan ni nkpan na, naa ga nan li ŋan tii nimi kpala.

Malakai 1:14

Ujinjir u yaa joo ni kiwakork ki kaa bi tibaa ni na nan toor kitork tii mi na kan, m ga puun lii udaan pu, ba pu? u kpa kiwakork ki ŋan aan u puu ke u ga di tii mi na waapiih ni. M ye ubɔrkpaan la, le ŋitimbol mɔmɔk aanib san mi ijawaan.” Uwumbɔr Mpɔɔnsakpiindaan le len kina.

Matiu 22:4

Le u ki tun bitutum biken ke bi ti yin bi ki tuk bi, ‘Ubɔrkpaan len ke u gor tijikaar mɔmɔk doo a. U kɔr inaaja ni tiwakor ti filk na, ki gor tiwan mɔmɔk doo a,’ ke bi dan.

Tibɔnyaan ti Luk ŋmee ti na 15:23

ki li joo ni unaabo u filk na, ki nan kɔr u, aan ti ji ki li mɔɔni.

Tibɔnyaan ti Luk ŋmee ti na 15:27

Le u bui u, ‘Aanaal na fuu ni a. Waah fuu ni ni laafee na, le aate cha bi kɔr unaabo u filk na.’

Tibɔnyaan ti Luk ŋmee ti na 15:30

Aajapɔɔn umina le nan dii bipiidagoob ki ti bii saawangol mɔmɔk doo, le waah fuu ni na, aa kɔr unaabo u filk na ki tii u.’

1 Samuel 28:24

Le upii ngbaan ŋa mala ki kɔr waah bi kpiini unaabo u na, le ki ban n‑yon, le ki toor mu, ki ŋa boroboro u kaa kpa boroboro aanyɔk na.